சினிமா துளிகள்

மோகன்லால் பட தலைப்பு சர்ச்சை + "||" + Mohanlal's film title controversy

மோகன்லால் பட தலைப்பு சர்ச்சை

மோகன்லால் பட தலைப்பு சர்ச்சை
மோகன்லால், ஊர்வசி நடிப்பில் 1995-ம் ஆண்டு மார்ச் 30-ந் தேதி வெளியான படம் ‘ஸ்படிகம்.’
இந்தப் படத்தில் அதிரடி நாயகனாக வித்தியாசமான நடிப்பை மோகன்லால் வெளிப்படுத்தியிருந்தார். அவரது திரைப் பயணத்தில் இந்தப் படம் அவருக்கு மிகப்பெரிய திருப்புமுனையாக அமைந்தது. படத்தை பத்ரன் என்பவர் இயக்கியிருந்தார்.

இந்த நிலையில் சமீபத்தில் ஒரு சினிமா போஸ்டர் வெளியிடப்பட்டது. ‘இரும்பன்: ஸ்படிகம்-2’ என பெயரிடப்பட்ட இந்தப் படத்தை புதுமுக இயக்குனரான பிஜூ கட்டக்கல் இயக்குவதாக அறிவிப்பு செய்யப்பட்டிருந்தது. இதைப் பார்த்த ‘ஸ்படிகம்’ இயக்குனர் பத்ரன், “ஸ்படிகம் படத்தின் தலைப்பை பயன்படுத்துவது பற்றி யாரும் தொடர்பு கொள்ளவில்லை. அந்த தலைப்பை யாராவது பயன்படுத்தினாலோ, அல்லது ஸ்படிகம் படத்தில் வரும் காட்சிகளை பிரதிபலிப்பது போல் இந்தப் படத்தில் காட்சிகளை வைத்தாலோ நான் அவர்கள் மீது வழக்கு தொடர்வேன்” என்று கூறியிருந்தார்.

இந்த நிலையில் பத்ரனின் கோபத்தை அதிகப்படுத்தும் விதமாக பிஜூ கட்டக்கல் பேசியிருக்கிறார். அவர், “ஸ்படிகம்-2 என்ற பெயரில் இரும்பன் படத்தை எடுத்தே தீருவேன். அதை ‘ஸ்படிகம்’ படம் வெளியான மார்ச் 30-ந் தேதியிலேயே அடுத்த ஆண்டில் வெளியிடுவேன்” என்று சவால் விடுப்பது போல் கூறியுள்ளார். இதனால் மலையாள திரையுலகில் ஒரு சர்ச்சை உருவாகும் சூழல் ஏற்பட்டுள்ளது.

தொடர்புடைய செய்திகள்

1. கேரள அரசு விருது போட்டியில் இருந்து மோகன்லால், மஞ்சு வாரியர் விலகல்
கேரள அரசு ஆண்டுதோறும் சிறந்த நடிகர்-நடிகை உள்ளிட்ட திரைப்பட கலைஞர்களுக்கு விருதுகள் வழங்கி வருகிறது.
2. ரசிகர்கள் எதிர்ப்பு எதிரொலி, பா.ஜனதா சார்பில் 2019 தேர்தலில் போட்டியிட மாட்டேன் -மோகன்லால்
ரசிகர்கள் தரப்பில் எதிர்ப்பு எழுந்த நிலையில் பா.ஜனதா சார்பில் 2019 தேர்தலில் போட்டியிட மாட்டேன் என மோகன்லால் அறிவித்துள்ளார்.
3. மோகன்லாலை எதிர்த்ததால் படம் இல்லை - நடிகை பார்வதி வருத்தம்
மோகன்லாலை எதிர்த்ததால் தனக்கு படம் இல்லை என நடிகை பார்வதி வருத்தம் தெரிவித்தார்.