ஜெய்பீம் சூர்யாவை போன்று கீர்த்தி சுரேஷ்


ஜெய்பீம் சூர்யாவை போன்று கீர்த்தி சுரேஷ்
x
தினத்தந்தி 21 Feb 2022 4:54 PM GMT (Updated: 21 Feb 2022 4:54 PM GMT)

தமிழ், தெலுங்கு, மலையாளம் என பல மொழிகளில் கலக்கி வரும் நடிகை கீர்த்தி சுரேஷ் ஜெய்பீம் சூர்யா போல மாறியிருப்பது அனைவரின் பாராட்டுகளையும் பெற்றுள்ளது.

தமிழில் இயக்குனர் செல்வராகன் நடிக்கும் சாணிக்காயிதம் படத்தில் நடித்து வரும் நடிகை கீர்த்தி சுரேஷ் தற்போது மலையாளத்தில் நடிகர் டொவினோ தாமசுடன் இணைந்து 'வாசி' என்ற திரைப்படத்தில் நடித்துள்ளார். இந்த திரைப்படத்தை இயக்குனர் விஷ்ணு ஜி.ராகவ் இயக்கியுள்ளார். கதாநாயகிக்கு முக்கியத்துவம் கொண்ட இந்த திரைப்படத்தில் கீர்த்தி சுரேஷ் மற்றும் டொவினோ தாமஸ் இருவரும் வக்கீல் கதாபாத்திரத்தில் நடித்துள்ளனர்.

வாசி' திரைப்படத்தை கீர்த்தி சுரேசின் அக்கா தன்னுடைய ரேவதி கலாமந்திர் என்ற நிறுவனத்தின் மூலம் தயாரித்துள்ளார். இந்நிலையில் தற்போது இந்த திரைப்படத்தின் பர்ஸ்ட்லுக் போஸ்டரை படக்குழு வெளியிட்டுள்ளது. இந்த போஸ்டர் நடிகர் சூர்யா நடிப்பில் வெளியான ஜெய்பீம் போலவுள்ளது என ரசிகர்கள் பலர் பதிவிட்டு வருகின்றனர்.

Next Story