விமர்சனம்
லண்டனில் இரண்டு மாபியா கும்பலிடம் சண்டையிடும் மதுரை பரோட்டா கடை நாயகன் - ஜகமே தந்திரம் விமர்சனம்

லண்டனில் இரண்டு மாபியா கும்பலிடம் சண்டையிடும் மதுரை பரோட்டா கடை நாயகன் - ஜகமே தந்திரம் விமர்சனம்
தனுஷ் ஐஸ்வர்யா லட்சுமி கார்த்திக் சுப்பாராஜ் சந்தோஷ் நாராயணன் ஸ்ரேயாஸ் கிருஷ்ணா
லண்டனில் ஜேம்ஸ் காஸ்மோ, ஜோஜு ஜார்ஜ் என்ற இரண்டு மாபியா கும்பல் சண்டை போட்டு வருகிறார்கள். ஜகமே தந்திரம் படத்தின் சினிமா விமர்சனம்.
Chennai
மதுரையில் பரோட்டா கடையில் வேலை பார்த்து வருகிறார் நடிகர் தனுஷ். இவர் ஊரில் கொலை, கட்டப்பஞ்சாயத்து என சின்ன சின்ன ரவுடிசமும் செய்து வருகிறார். இதேசமயம் லண்டனில் ஜேம்ஸ் காஸ்மோ, ஜோஜு ஜார்ஜ் என்ற இரண்டு மாபியா கும்பல் சண்டை போட்டு வருகிறார்கள்.

அதிக பணம் கிடைக்கும் என்பதற்காக ஜோஜு ஜார்ஜை அழிக்க, ஜேம்ஸ் காஸ்மோ கும்பலிடம் இணைந்து வேலை பார்க்க மதுரையில் இருந்து லண்டன் செல்கிறார் தனுஷ். அங்கு ஜோஜு ஜார்ஜிடமும் மறைமுகமாக டீல் பேசி வரும் தனுஷ், ஒரு கட்டத்தில் அவருக்கு துரோகம் செய்து அவரை கொல்வதற்கும் காரணமாகிறார். 

விமர்சனம்
ஐஸ்வர்யா லட்சுமி - தனுஷ்

அதன் பின் லண்டனில் லிட்டில் மதுரை என்று உருவாக்கி பரோட்டா கடை வைத்து ஐஸ்வர்யா லட்சுமியை காதலித்து சந்தோசமாக வாழ்ந்து வருகிறார் தனுஷ். இந்நிலையில் கொல்லப்பட்ட ஜோஜு ஜார்ஜின் ஆட்களான கலையரசன் உள்ளிட்ட சிலர் தனுஷை துப்பாக்கியால் சுட்டு விடுகின்றனர்.

தனுஷ் சுடப்படுவதற்கு காரணமாக ஐஸ்வர்யா லட்சுமி செயல்படுகிறார். இறுதியில் தனுஷ் உயிர் பிழைத்தாரா? ஐஸ்வர்யா லட்சுமி தனுஷுக்கு எதிராக செயல்பட காரணம் என்ன? என்பதே படத்தின் மீதிக்கதை.

படத்தில் சுருளி கதாபாத்திரத்தில் நடித்திருக்கும் தனுஷ், தனக்கே உரிய நக்கல், நையாண்டி என்று நடிப்பில் பளிச்சிடுகிறார். இவருடைய அலட்டல் இல்லாத நடிப்பு படத்திற்கு பெரிய பலமாக அமைந்திருக்கிறது. பல காட்சிகளை சாதாரணமாக நடித்து அதிக ஸ்கோர் செய்திருக்கிறார். தனுஷின் உடல் மொழி, வசனம் பேசும் ஸ்டைல் ஆகியவை ரசிக்க வைக்கிறது. 

நாயகியாக நடித்திருக்கும் ஐஸ்வர்யா லட்சுமிக்கு, நடிப்பதற்கான அதிக வாய்ப்பு கிடைத்துள்ளது. அவரும் அதைப் புரிந்துகொண்டு சிறப்பாகவே நடித்திருக்கிறார். பிளாஷ்பேக் சொல்லும் காட்சியில் பார்ப்பவர்களை பரிதாபப்பட வைத்திருக்கிறார்.

பீட்டர் கதாபாத்திரத்தில் நடித்திருக்கும் ஜேம்ஸ் காஸ்மோ, சிவதாஸ் கதாபாத்திரத்தில் நடித்திருக்கும் ஜோஜு ஜார்ஜ் ஆகியோர் கதைக்கு சிறந்த தேர்வு. சிவதாஸ் அடியாளாக வரும் கலையரசன், தனுஷின் நண்பராக வரும் சௌந்தர ராஜா, சரத் ரவி ஆகியோர் கொடுத்த வேலையை சிறப்பாக செய்து கவனிக்க வைத்திருக்கிறார்கள். தனுஷின் அம்மாவாக வரும் வடிவுக்கரசி அனுபவ நடிப்பை கொடுத்திருக்கிறார்.

கேங்ஸ்டர் கதையை மையமாக வைத்து அதில் ஈழத்தமிழர்கள், அரசியல், காதல் என படத்தை சுவாரஸ்யமாக கொடுத்திருக்கிறார் இயக்குனர் கார்த்திக் சுப்புராஜ். கதாபாத்திரங்களை சிறப்பாக கையாண்டிருக்கிறார். சிவதாஸ் கதாபாத்திரத்திற்கு இன்னும் கொஞ்சம் காட்சிகளை சேர்த்திருக்கலாம். 

படத்திற்கு பெரிய பலம் சந்தோஷ் நாராயணனின் இசை. பல காட்சிகளை இவருடைய இசை தாங்கிப் பிடித்து இருக்கிறது. குறிப்பாக தனுஷ் துப்பாக்கி எடுத்து வரும் காட்சியில் பின்னணி இசை மெய்சிலிர்க்க வைக்கிறது. ஸ்ரேயாஸ் கிருஷ்ணாவின் கேமரா, மதுரை மண்ணின் அழகையும், லண்டன் அழகையும் மாறாமல் படம் பிடித்திருக்கிறது. 

மொத்தத்தில் 'ஜகமே தந்திரம்' ஜகஜால கில்லாடி.

முன்னோட்டம்

நதி

அறிமுக இயக்குனர் தாமரைச் செல்வன் இயக்கத்தில் சாம் ஜோன்ஸ், ஆனந்தி நடிப்பில் உருவாகி வரும் ‘நதி’ படத்தின் முன்னோட்டம்.

பதிவு: அக்டோபர் 01, 07:54 PM

யானை

ஹரி இயக்கத்தில் அருண் விஜய், பிரியா பவானி சங்கர், பிரகாஷ் ராஜ், ராதிகா நடிப்பில் உருவாகி வரும் ‘யானை’ படத்தின் முன்னோட்டம்.

பதிவு: அக்டோபர் 01, 05:06 PM

ருத்ர தாண்டவம்

மோகன் ஜி இயக்கத்தில் ரிஷி ரிச்சர்ட், தர்ஷா குப்தா, ராதா ரவி நடிப்பில் உருவாகி இருக்கும் ருத்ர தாண்டவம் படத்தின் முன்னோட்டம்.

பதிவு: செப்டம்பர் 30, 08:05 PM
மேலும் முன்னோட்டம்