<
“இதயம் உடைந்துவிட்டது” - லதா மங்கேஷ்கர் மறைவுக்கு இளையராஜா இரங்கல்!
தெய்வீக காந்தர்வக் குரலால் மக்களை எல்லாம் மயக்கி தன் வசம் வைத்திருந்தவர் லதா மங்கேஷ்கர்.
சென்னை,
இந்தியாவின் நைட்டிங்கேல் என அழைக்கப்படும் பழம் பெரும் பாடகி லதா மங்கேஷ்கர் கொரோனா தொற்றால் பாதிக்கப்பட்டிருந்தார். ஒரு மாதமாக சிகிச்சை பெற்று வந்த லதா மங்கேஷ்கர் சிகிச்சை பலனின்றி இன்று காலை தனது 92-ஆவது வயதில் காலமானார்.
இதையடுத்து அவருக்கு பல்வேறு பிரபலங்கள், தலைவர்கள் இரங்கல் தெரிவித்து வருகின்றனர். இந்த நிலையில், பாடகி லதா மங்கேஷ்கர் மறைவுக்கு இசையமைப்பாளர் இளையராஜா இரங்கல் தெரிவித்துள்ளார். அவர் கூறிய இரங்கல் செய்தியில்,
“லதா மங்கேஷ்கர் நம் மனதில் நீங்கா இடம் பெற்றுள்ளார். தனது குரலால் நம் வாழ்வில் பெரும் தாக்கத்தை ஏற்படுத்தியுள்ளார். அவர் மறைந்த செய்தியை கேட்டு எனது இதயம் உடைந்துவிட்டது.
தெய்வீக காந்தர்வக் குரலால் மக்களை எல்லாம் மயக்கி தன் வசம் வைத்திருந்தவர் லதா மங்கேஷ்கர்.
பாரத ரத்னா லதா மங்கேஷ்கர் மறைவு என் மனதில் ஆழ்ந்த வேதனையை ஏற்படுத்தி உள்ளது.
அவரது மறைவை பேரிழப்பாக கருதுகிறேன்.”
இவ்வாறு அவர் தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
