மற்றவை

சூழல் காக்கும் பசுமை பட்டாசு + "||" + Protecting the environment Green crackers

சூழல் காக்கும் பசுமை பட்டாசு

சூழல் காக்கும் பசுமை பட்டாசு
பசுமைப் பட்டாசுகள் முற்றிலும் பாதுகாப்பானது என கூற முடியாது. இருப்பினும் இதன் தாக்கம் இயற்கை மீதும், மனிதர்கள் மீதும் குறைவாக இருக்கும் என்பதனால் இதை பயன்படுத்தலாம்.
தீபாவளி என்றாலே முக்கியமானது பட்டாசுகள் தான். பெரியவர் முதல் சிறியவர் வரை இந்த பண்டிகையைக் கோலாகலமாய் கொண்டாடுவதற்குப் பட்டாசு பெரும் பங்கு வகிக்கிறது.

 இந்த தீபாவளி பண்டிகைக்கு எந்த பட்டாசு வகையை வாங்குவது என சிலர் யோசிக்கலாம். இதற்கான காரணம், ‘பசுமை பட்டாசு' என்ற வார்த்தை சமீபத்தில் எல்லாப் பக்கமும் வெடித்துக் கொண்டிருப்பதுதான்.

வழக்கமான பட்டாசுகளுக்கும், பசுமை பட்டாசுகளுக்கும் என்ன வித்தியாசம் என்று பார்த்தால் தோற்றத்தில் எந்த மாற்றமும் இல்லை. ஆனால் செயல்பாட்டில் வித்தியாசம் உள்ளது. ‘பசுமை பட்டாசு'கள் முதலில் பார்ப்பதற்கு வழக்கமான பட்டாசு போலத் தான் காட்சியளிக்கும்.

இது தேசிய சுற்றுச்சூழல் பொறியியல் ஆராய்ச்சி நிறுவனமான ‘நீரி'யின் (NEERI) கண்டுபிடிப்பாகும். பசுமை பட்டாசுகள் குறைவான ஒலியுடன், குறைந்த மாசுடன் வெடிக்கிறது. 

மேலும் பசுமை பட்டாசில் இயற்கைக்குத் தீங்கு விளைவிக்கும் நச்சுப் பொருட்கள் மற்றும் மாசு ஏற்படுத்தும் வாயுவை உருவாக்கும் பொருட்கள் சுமார் 40 முதல் 50 சதவிகிதம் குறைவாக இருக்கும்.

பசுமைப் பட்டாசுகள் முற்றிலும் பாதுகாப்பானது என கூற முடியாது. இருப்பினும் இதன் தாக்கம் இயற்கை மீதும், மனிதர்கள் மீதும் குறைவாக இருக்கும் என்பதனால் இதை பயன்படுத்தலாம்.

இந்தியாவில் மூன்று வகையான பசுமை பட்டாசுகள் கிடைக்கின்றன. இவை ஸ்வாஸ் (SWAS), ஸ்டார் (STAR), சபால் (SAFAL) என்று அழைக்கப்படுகின்றன. இதில் ஸ்வாஸ் வகை பசுமை பட்டாசுகள் வெடித்ததும் நீராகக் கரைந்துவிடும் ஆற்றல் கொண்டது. 

ஸ்டார் வகை பசுமை பட்டாசுகள் குறைந்த அலுமினியம் கொண்ட ஆக்சிஜன் ஏஜென்ட் உடன் மாசு குறைவாக வெளிப்படுத்தும் தன்மை கொண்டவை. சபால் வகை பசுமை பட்டாசுகளில் 50 முதல் 60 சதவிகிதத்திற்கும் குறைவான அலுமினியம் பயன்படுத்தப்படுகிறது. இவற்றில் சில பட்டாசுகள் நறுமணத்தை வெளிப்படுத்தும் வகையிலும் உருவாக்கப்பட்டுள்ளது. 

இந்த முறை பட்டாசு வாங்கும்போது, அது பசுமை பட்டாசா என்று விபரங்களைக் கேட்டு வாங்கி வெடித்து மகிழுங்கள். இதன் மூலம், நம்முடைய இயற்கைக்கும் சிறிய நன்மையைச் செய்து தீபாவளியைச் சிறப்பாக்குவோம். 

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. பெண்களுக்கு எதிரான வன்முறை ஒழிப்பு தினம்
பெண்களுக்கு எதிரான வன்முறைகளில் 90 சதவிகிதம் நெருங்கிய உறவினர்கள், நண்பர்கள், உடன் இருப்பவர்கள், பணியிடம் மற்றும் பயிலும் இடங்களில் உள்ளவர்களால் ஏற்படுகிறது என கருத்துக் கணிப்புகள் தெரிவிக்கின்றன.
5. முத்தமிழ் வளர்க்கும் மணிமொழி
இயல், இசை, நாடகம் மூலமாக தமிழ்த்தொண்டு ஆற்றுவதே என் வாழ்நாள் லட்சியம். உயர்தனிச் செம்மொழியான தமிழ் மொழியின் அருமை இளைய தலைமுறைக்குத் தெரியவில்லை என்பது எனது ஆதங்கம். என் பேச்சு, கவிதை, பாடல் போன்றவற்றின் மூலம் தமிழை அவர்களிடம் கொண்டு சேர்க்க விரும்புகிறேன்.