ஆரோக்கியம் அழகு

வீட்டுச் சுவரை அழகாக்கும் ‘வால் ஸ்டிக்கர்ஸ்’ + "||" + Wall Stickers, for beautiful walls

வீட்டுச் சுவரை அழகாக்கும் ‘வால் ஸ்டிக்கர்ஸ்’

வீட்டுச் சுவரை அழகாக்கும் ‘வால் ஸ்டிக்கர்ஸ்’
வால் ஸ்டிக்கர்களைச் சுவர்களுக்கு மட்டும் பயன்படுத்தாமல் கணினி வைக்கும் மேசை, டி.வி. வைக்கும் மேசை, உணவு மேசை என எதற்கு வேண்டுமானாலும் உபயோகப்படுத்தலாம்.
வீட்டுச் சுவர்களுக்கு வர்ணம் பூசுவதை விட, எளிய முறையில் அழகாக மாற்றுவது தான் ‘வால் ஸ்டிக்கர்'. அதிக செலவில்லாமல், குறைந்த நேரத்தில் மனதுக்கு பிடித்த விதத்தில் சுவர்களை அழகுபடுத்தலாம்.

வால் ஸ்டிக்கர்களை எந்தச் சுவரிலும் ஒட்டிக்கொள்ளலாம். அவை சேதமடைந்தாலும், எளிதாக மாற்ற முடியும். இதன் மூலம் சுவருக்கு எந்த பாதிப்பும் ஏற்படாது. இதை சுவரில் ஒட்டுவதற்காக ஆட்களை நியமிக்க வேண்டிய அவசியம் இல்லை. நாமே எளிதாகச் சுவர்களில் ஒட்ட வைக்க முடியும். 

எவ்வாறு தேர்வு செய்ய வேண்டும்? 

வரவேற்பறை, படுக்கை அறை, சமையல் அறை என இடத்துக்கும், சூழலுக்கும் ஏற்றவாறு ஸ்டிக்கரைத் தேர்வு செய்வது நல்லது. வால் ஸ்டிக்கர்களைச் சுவர்களுக்கு மட்டும் பயன்படுத்தாமல் கணினி வைக்கும் மேசை, டி.வி. வைக்கும் மேசை, உணவு மேசை என எதற்கு வேண்டுமானாலும் உபயோகப்படுத்தலாம். 

இதில் பல வடிவங்கள், வண்ணங்கள் உள்ளன. கண்ணை உறுத்தாத வகையில், அதேசமயம் பொருட்களுக்குப் பொருந்தும் வகையில் தேர்வு செய்தால், பார்ப்பதற்கு அழகாக இருக்கும். 

வகைகள்

வால் ஸ்டிக்கரில் வினைல், 3டி வால் ஸ்டிக்கர் உட்பட பல வகைகள் உள்ளன. இதில் மலர்கள், குழந்தைகளுக்கு பிடித்த கார்ட்டூன் உருவங்கள், கணித வடிவங்கள், இயற்கை காட்சிகள், 

செங்கல் போன்ற சுவர் அமைப்புகள் என ஏராளமான டிசைன்கள் உள்ளன. பார்டர் போன்ற வடிவங்களும் கிடைக்கின்றன. இவற்றைச் சரியாக தேர்வு செய்து பொருத்தினால் வீட்டின் அழகு மிளிரும். 

பொருத்துதல்

ஸ்டிக்கரை ஒட்டும் முன்பு, சுவரை முழுமையாகச் சுத்தம் செய்வது அவசியம். சிறு சிறு மேடு, பள்ளம் இருந்தால் அவற்றை சரி செய்து ஒரே சீராக வைக்க வேண்டும்.

பின்பு, ஸ்டிக்கரின் ஒரு பகுதியை லேசாகத் துண்டிக்க வேண்டும். இதன்பின்புறம், இருக்கும் ஸ்டிக்கரை கவனமாகக் கிழிக்க வேண்டும். இப்போது, வால் ஸ்டிக்கரின் பின்புறத்தில் சுவரில் ஒட்டிக் கொள்ளும் வகையில் பசை நிறைந்திருக்கும். இதை எந்தப் பகுதியில் ஒட்ட வேண்டுமோ அங்கு சரியாக வைத்து நன்றாக கையினால், அழுத்தி ஒட்ட வேண்டும். ஓரங்களைக் கவனமுடன் கையாள வேண்டும். 

வால் ஸ்டிக்கரை ஒட்டிய பின்பு, முறையாகப் பராமரித்தால் ஐந்து ஆண்டுகள் வரை கூட புதியது போல இருக்கும். இடையில் மாற்ற வேண்டும் என்று நினைத்தால், பழைய ஸ்டிக்கரைக் கிழித்துவிட்டு, புதிய ஸ்டிக்கரை ஒட்டிக் கொள்ளலாம்.

சமையல் அறையில் ஒட்டும்போது, எளிதில் சுத்தம் செய்யும் வகையிலும், எண்ணெய் பசை ஒட்டாத வகையிலும், எளிதில் தீ பிடிக்காத வகையிலும் வால் ஸ்டிக்கரைத் தேர்வு செய்வது சிறந்தது

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. உலக நீரிழிவு நோய் தினம்
நீரிழிவு நோயால் அதிகரித்து வரும் உடல் நல பிரச்சினைகள் குறித்த விழிப்புணர்வை ஏற்படுத்துவதற்கு உலக நீரிழிவு நோய் கூட்டமைப்பும், உலக சுகாதார நிறுவனமும் இணைந்து ‘உலக நீரிழிவு நோய் தின’த்தை அறிவித்தது. 1991-ம் ஆண்டு முதல், ஒவ்வொரு ஆண்டும் நவம்பர் மாதம் 14-ந் தேதி இத்தினம் கடைப்பிடிக்கப்படுகிறது.
5. அடம்பிடிக்கும் குழந்தைகளை அசத்தும் ‘உணவு ஓவியம்’
உணவு ஓவியங்கள் வடிவமைப்பதற்கு பொறுமையும், ஆர்வமும் தேவை. ஒரு ஓவியத்தை வடிவமைப்பதற்கு ஒன்று முதல் ஒன்றரை மணி நேரம் ஆகலாம். எனக்கு இது சிரமமாகத் தெரியவில்லை, சந்தோஷமாக இந்த நேரத்தைச் செலவிடுகிறேன்