மாவட்ட செய்திகள்

அனகாபுத்தூரில் ஆக்கிரமிப்புகளை அகற்ற எதிர்ப்பு தெரிவித்து போராட்டம் + "||" + Protest Against Removal of Occupies

அனகாபுத்தூரில் ஆக்கிரமிப்புகளை அகற்ற எதிர்ப்பு தெரிவித்து போராட்டம்

அனகாபுத்தூரில் ஆக்கிரமிப்புகளை அகற்ற எதிர்ப்பு தெரிவித்து போராட்டம்
அனகாபுத்துரில், அடையாறு ஆற்றின் கரையோரம் உள்ள ஆக்கிரமிப்புகளை அகற்றும் பணி நேற்று தொடங்கியது. இதற்கு ஆக்கிரமிப்பாளர்கள் எதிர்ப்பு தெரிவித்து போராட்டத்தில் ஈடுபட்டதால் பரபரப்பு ஏற்பட்டது.

தாம்பரம்,

வெள்ள பாதிப்பை தொடர்ந்து, அடையாறு ஆற்றின் கரையையொட்டி உள்ள ஆக்கிரமிப்புகளை அகற்றி, கரையை அகலப்படுத்த நடவடிக்கை எடுக்கப்பட்டது. வருவாய் துறையினர், ‘பயோ மெட்ரிக்’ முறையில், அனகாபுத்தூரில் அடையாறு ஆற்றையொட்டி அமைந்துள்ள காயிதே மில்லத் நகர், ஸ்டாலின் நகர், டோபிகானா, தாய்மூகாம்பிகை நகர், சாந்தி நகர் ஆகிய பகுதிகளில் 804 ஆக்கிரமிப்புகளை கணக்கெடுத்தனர்.

இதைத்தொடர்ந்து, அந்த ஆக்கிரமிப்புகளை அகற்றுவதில் தீவிரம் காட்டினர். ஆக்கிரமிப்பாளர்களின் கைரேகை பதிவு செய்யப்பட்டு, புகைப்படம் எடுக்கப்பட்டு, நோட்டீஸ் வழங்கப்பட்டது.

இதையடுத்து, கடந்த நவம்பர் மாதம், ஆக்கிரமிப்புகளை அகற்றி, அங்கு வசித்தவர்களை பெரும்பாக்கத்திற்கு அனுப்பும் பணி தொடங்கியது. இதற்கு பொதுமக்கள் எதிர்ப்பு தெரிவித்தனர். அப்போது நடந்த பேச்சுவார்த்தையை தொடர்ந்து சில கட்டிடங்கள் இடிக்கப்பட்டன.

அதன்பின், கால அவகாசம் கேட்கப்பட்டதால், ஆக்கிரமிப்புகளை அகற்றும் பணி தற்காலிகமாக நிறுத்தப்பட்டது.

இந்த நிலையில், ஆக்கிரமிப்புகளை அகற்ற நேற்று காலை போலீஸ் பாதுகாப்புடன் வருவாய் துறையினர் மீண்டும் அங்கு வந்தனர். அப்போது, ஆக்கிரமிப்பாளர்கள் வழக்கம் போல் எதிர்ப்பு தெரிவித்து கோ‌ஷம் எழுப்பியபடி போராட்டத்தில் ஈடுபட்டனர். இதனால் பரபரப்பு ஏற்பட்டது.

அதிகாரிகள் பேச்சுவார்த்தை நடத்தியும் அவர்கள் கலைந்து செல்லவில்லை. இதனால் ஆக்கிரமிப்புகளை அகற்றும் பணியை கைவிட்டு அதிகாரிகள் திரும்பிச்சென்றனர்.


தொடர்புடைய செய்திகள்

1. கவர்னர்-முதல்வர் மோதல் உச்சக்கட்டம்: மக்கள் நலத்திட்டங்களுக்கு தொடர்ந்து முட்டுக்கட்டை; கவர்னர் மாளிகை முன்பு நாராயணசாமி தர்ணா
மக்கள் நலத்திட்டங்களுக்கு தொடர்ந்து முட்டுக்கட்டை போட்டு வருவதாக கவர்னர் கிரண்பெடியை கண்டித்து முதல்-அமைச்சர் நாராயணசாமி கவர்னர் மாளிகை முன்பு திடீர் தர்ணா போராட்டத்தில் இறங்கினார். மாநில வளர்ச்சிக்கு குந்தகம் விளைவிப்பதாக பகிரங்கமாக குற்றஞ்சாட்டினார்.
2. ஜாக்டோ–ஜியோ போராட்டத்தில் பங்கேற்ற 1,584 ஆசிரியர்கள் பணி இடைநீக்கம் ரத்து பள்ளிக்கல்வி துறை அறிவிப்பு
ஜாக்டோ–ஜியோ வேலைநிறுத்த போராட்டத்தில் பங்கேற்றதால் எடுக்கப்பட்ட 1,584 ஆசிரியர்கள் மீதான பணி இடைநீக்கம் நடவடிக்கை ரத்து செய்யப்படுவதாக பள்ளிக்கல்வி துறை தெரிவித்துள்ளது.
3. சிவகாசியில் 3–வது நாளாக பட்டாசு தொழிலாளர்கள் போராட்டம் ஆர்.டி.ஓ. நேரில் வந்து கோரிக்கை மனு பெற்றுக்கொண்டார்
சிவகாசியில் பல்வேறு கோரிக்கைகளை வலியுறுத்தி பட்டாசு தொழிலாளர்கள் 3–வது நாளாக நேற்று போராட்டம் நடத்தினர். முடிவில் ஆர்.டி.ஓ. நேரில் வந்து கோரிக்கை மனுவை பெற்றுக்கொண்டார்.
4. சுகாதார சீர்கேடாகும் கிடக்கும் குப்பைகளை அகற்றக்கோரி யானைமலை மீது ஏறி போராட்டம்
ஒத்தக்கடை ஊராட்சி தேங்கிக்கிடக்கும் குப்பைகளால் சுகாதார சீர்கேடு ஏற்படுவதால் அதனை அகற்றக்கோரி 20–க்கும் மேற்பட்டோர் யானைமலை மீது ஏறி போராட்டத்தில் ஈடுபட்டனர்.
5. தேவகோட்டை நகராட்சியில் மறுசுழற்சி குப்பை சேகரிக்கும் நிலையத்துக்கு எதிராக பொதுமக்கள் போராட்டம்
தேவகோட்டை நகராட்சியின் மறு சுழற்சி குப்பை சேகரிக்கும் நிலையத்துக்கு எதிர்ப்பு தெரிவித்து பொதுமக்கள் போராட்டம் நடத்தினர்.