மாவட்ட செய்திகள்

திருவாரூர், திருப்பரங்குன்றம் இடைத்தேர்தலில் அமோக வெற்றி பெறுவோம் - தங்க தமிழ்செல்வன் பேச்சு + "||" + We will win the Thiruvarur, Tiruparankundram by-elections

திருவாரூர், திருப்பரங்குன்றம் இடைத்தேர்தலில் அமோக வெற்றி பெறுவோம் - தங்க தமிழ்செல்வன் பேச்சு

திருவாரூர், திருப்பரங்குன்றம் இடைத்தேர்தலில் அமோக வெற்றி பெறுவோம் - தங்க தமிழ்செல்வன் பேச்சு
திருவாரூர் மற்றும் திருப்பரங்குன்றத்தில் நடைபெறும் இடைத்தேர்தலில் அ.ம.மு.க. அமோக வெற்றி பெறும் என்று தங்க தமிழ்செல்வன் பேசினார்.

பரமக்குடி,

பரமக்குடியில் வருகிற 11–ந்தேதி இமானுவேல் சேகரன் நினைவு தினம் அனுசரிக்கப்படுகிறது. இதில் அ.ம.மு.க. துணை பொது செயலாளர் டி.டி.வி.தினகரன் கலந்து கொண்டு அஞ்சலி செலுத்த உள்ளார். இதனையொட்டி ஏற்பாடுகள் குறித்த ஆலோசனை கூட்டம் பரமக்குடி சமூக நலச்சங்க மகாலில் நடைபெற்றது. கூட்டத்துக்கு மாநில மருத்துவரணி செயலாளர் டாக்டர் முத்தையா தலைமை தாங்கினார். மாவட்ட செயலாளர் வது.ந.ஆனந்த், மாநில பேரவை செயலாளர் மாரியப்பன் கென்னடி, கழக அமைப்பு செயலாளர்கள் சோமாத்தூர் சுப்பிரமணியன், ஜி.முனியசாமி, மாநில மகளிரணி இணை செயலாளர் கவிதா சசிக்குமார் ஆகியோர் முன்னிலை வகித்தனர்.

பரமக்குடி நகர் செயலாளர் வேந்தை சுப்பிரமணியன் வரவேற்றார். இதில் சிறப்பு அழைப்பாளராக கொள்கை பரப்பு செயலாளர் தங்க தமிழ்செல்வன் கலந்து கொண்டு பேசியதாவது:– 18 எம்.எல்.ஏக்கள் தகுதி நீக்கம் தொடர்பான வழக்கில் விசாரணை முடிந்துள்ள நிலையில் இன்று (புதன்கிழமை) தீர்ப்பு வர உள்ளதாக சமூக வலைதளங்களில் வெளியான செய்தியை அறிந்து மகிழ்ச்சியடைந்தேன். எங்களுக்கு சாதகமாக தீர்ப்பு வந்தால் நாங்கள் சட்டசபைக்கு சென்று மக்களுக்காக பேசுவோம். மாறுபட்ட தீர்ப்பு வந்தால் சுப்ரீம் கோர்ட்டில் அப்பீல் செய்து விசாரணை முடியும் வரை சட்டசபைக்கு சென்று மக்கள் பணியாற்ற அனுமதிக்க வேண்டும் என்று அனுமதி பெறுவோம்.

தற்போது காலியாக உள்ள திருப்பரங்குன்றம், திருவாரூர் ஆகிய இடைத்தேர்தலிலும், பாராளுமன்ற தேர்தலிலும் அ.ம.மு.க. அமோக வெற்றி பெறும். எடப்பாடி பழனிசாமி–ஓ.பன்னீர்செல்வம் இடையேயான மோதல் உச்சத்தில் உள்ளது. இடைத்தேர்தலுக்கு பிறகு யார் காணாமல் போவது என்பது தெரியும். மக்கள் நல்ல முடிவை எடுக்க வேண்டும். இவ்வாறு அவர் பேசினார். கூட்டத்தில் வருகிற 11–ந்தேதி இமானுவேல் சேகரன் நினைவிடத்தில் அஞ்சலி செலுத்த வரும் டி.டி.வி.தினகரனுக்கு ஏராளமானவர்கள் சொந்த வாகனங்களில் வந்து சிறப்பான வரவேற்பு அளிக்க வேண்டும் என்று தீர்மானம் நிறைவேற்றப்பட்டது.


தொடர்புடைய செய்திகள்

1. மழையால் ஹெலிகாப்டர் தரையிறங்க முடியாததால் பயணம் ரத்து: திருவாரூர், நாகப்பட்டினம் பகுதிக்கு மீண்டும் செல்வேன் எடப்பாடி பழனிசாமி பேட்டி
மழையால் ஹெலிகாப்டர் தரையிறங்க முடியாததால் பயணம் பாதியில் ரத்து செய்யப்பட்டதாகவும், திருவாரூர், நாகப்பட்டினம் பகுதிக்கு மீண்டும் செல்வேன் எனவும் எடப்பாடி பழனிசாமி தெரிவித்தார்.
2. திருவாரூர் மாவட்டத்தில் நாளை பள்ளிகளுக்கு மட்டும் விடுமுறை - ஆட்சியர் அறிவிப்பு
திருவாரூர் மாவட்டத்தில் நாளை பள்ளிகளுக்கு மட்டும் விடுமுறை என ஆட்சியர் அறிவித்துள்ளார்.
3. நிவாரணப்பணிகள் நடப்பதால் திருவாரூர் உள்ளிட்ட சில மாவட்டங்களில் உள்ள பள்ளிகளுக்கு இன்று விடுமுறை
கஜா புயல் நிவாரணப்பணிகள் நடைபெறுவதால் புதுக்கோட்டை மாவட்டத்தில் பள்ளி, கல்லூரிகளுக்கு இன்று விடுமுறை அளிக்கப்பட்டுள்ளது.
4. 8 மணிநேரத்துக்கு மேலாக வீசிய புயல் காற்று: 3 ஆயிரம் மின்கம்பங்கள் சாய்ந்தன - பொதுமக்கள் கடும் அவதி
திருவாரூர் மாவட்டத்தில் 8 மணி நேரத்துக்கும் மேலாக புயல் காற்று வீசியது. இதனால் 3 ஆயிரம் மின்கம்பங்கள் சாய்ந்தன. பொதுமக்கள் கடும் அவதிப்பட்டு வருகிறார்கள்.
5. திருப்பரங்குன்றம், திருவாரூர் தொகுதிகளில் இடைத்தேர்தல் நடத்துவது எப்போது? தேர்தல் கமிஷனுக்கு, ஐகோர்ட்டு கேள்வி
திருவாரூர், திருப்பரங்குன்றம் தொகுதிகளில் இடைத்தேர்தல் நடத்துவது எப்போது? என்று தேர்தல் கமிஷனுக்கு மதுரை ஐகோர்ட்டு கேள்வி எழுப்பி உள்ளது.