மாவட்ட செய்திகள்

குவாரிக்கு தடை விதிக்க வேண்டும் என்ற கோரிக்கையை கண்காணிப்பு குழுவிடம் தெரிவிக்கலாம் - மதுரை ஐகோர்ட்டு உத்தரவு + "||" + The quarry should be banned The request can be made to the Monitoring Committee

குவாரிக்கு தடை விதிக்க வேண்டும் என்ற கோரிக்கையை கண்காணிப்பு குழுவிடம் தெரிவிக்கலாம் - மதுரை ஐகோர்ட்டு உத்தரவு

குவாரிக்கு தடை விதிக்க வேண்டும் என்ற கோரிக்கையை கண்காணிப்பு குழுவிடம் தெரிவிக்கலாம் - மதுரை ஐகோர்ட்டு உத்தரவு
குவாரிக்கு தடை விதிக்க வேண்டும் என்ற கோரிக்கையை கண்காணிப்பு குழுவிடம் தெரிவிக்கலாம் என மதுரை ஐகோர்ட்டு உத்தரவிட்டுள்ளது.

மதுரை,

சிவகங்கை மாவட்டம், தெ.புதுக்கோட்டையைச் சேர்ந்த ராமச்சந்திரன் என்பவர் மதுரை ஐகோர்ட்டில் தாக்கல் செய்த மனுவில் கூறியிருந்ததாவது:–

வைகை ஆற்றங்கரையோரம் எங்கள் கிராமம் அமைந்துள்ளது. விவசாயத்துக்கும், குடிநீருக்கும் வைகை ஆற்றையே நம்பியுள்ளோம். கடந்த 5 ஆண்டுகளாக வறட்சி நிலவியதால் விவசாயம், குடிநீருக்கு தட்டுப்பாடு ஏற்பட்டுள்ளது. ஏற்கனவே வைகை ஆற்றில் 2001–ம் ஆண்டு முதல் 2008–ம் ஆண்டு வரை மணல் குவாரி செயல்பட்டது. அப்போது பாறை தெரியும் அளவுக்கு அதிக ஆழத்தில் மணல் அள்ளியதால் ஆலங்குளம் கூட்டு குடிநீர் திட்டம் கடுமையாக பாதிக்கப்பட்து. விவசாய கிணறுகள், வீடுகளில் உள்ள கிணறுகளிலும் நீர்மட்டம் 200 அடிக்குகீழ் சென்றுவிட்டது.

இந்த நிலையில் தெ.புதுக்கோட்டையில் மீண்டும் மணல் குவாரி திறக்கப்பட்டுள்ளது. இந்த குவாரியில் இருந்து 2 கிலோ மீட்டர் தூரத்தில் பார்த்திபனூர் மதகு அணை அமைந்துள்ளது.

அண்மையில் காவிரியில் அளவுக்கு அதிகமாக மணல் அள்ளியதால் முக்கொம்பு தடுப்பணை உடைந்தது போல், பார்த்திபனூர் மதகு அணையும் உடையும் ஆபத்து உள்ளது. இதனால் தெ.புதுக்கோட்டை மற்றும் சுற்றுவட்டார பகுதிகள் கடும் பாதிப்பை சந்திக்கும்.

அங்குள்ள மணல் குவாரிக்கு தடை விதிக்க வேண்டும் என்ற பொதுமக்களின் கோரிக்கை தொடர்பாக எந்த நடவடிக்கையும் எடுக்கவில்லை. எனவே தெ.புதுக்கோட்டை மணல் குவாரிக்கு வழங்கப்பட்ட லைசென்சை ரத்து செய்தும், மணல் குவாரிக்கு தடை விதித்தும் உத்தரவிட வேண்டும்.

இவ்வாறு மனுவில் கூறப்பட்டிருந்தது.

இந்த வழக்கு நீதிபதிகள் எம்.எம்.சுந்தரேஷ், என்.சதீஷ்குமார் ஆகியோர் முன்பு நேற்று விசாரணைக்கு வந்தது.

முடிவில், “மணல் குவாரிகளை கண்காணிக்க மாவட்ட அளவிலும், மாவட்ட அளவிலும் கண்காணிப்புக்குழு அமைக்கப்பட்டுள்ளது. மனுதாரர் தனது கோரிக்கை தொடர்பாக மணல் குவாரி கண்காணிப்புக்குழுவை அணுகலாம்“ என்று கூறி மனுவை முடித்து நீதிபதிகள் உத்தரவிட்டனர்.


தொடர்புடைய செய்திகள்

1. ராஜபாளையம்-செங்கோட்டை 4 வழிச்சாலையை மாற்றுப்பாதையில் அமைக்கக்கோரி வழக்கு அதிகாரிகள் பதில் அளிக்க, ஐகோர்ட்டு உத்தரவு
ராஜபாளையம்-செங்கோட்டை இடையே அமையவுள்ள 4 வழிச்சாலையை மாற்றுப்பாதையில் அமைக்கக்கோரிய வழக்கில் பதில் மனு தாக்கல் செய்ய அதிகாரிகளுக்கு மதுரை ஐகோர்ட்டு உத்தரவிட்டுள்ளது.
2. கல்வி நம்மை முழு மனிதனாக உருவாக்குகிறது ஐகோர்ட்டு முன்னாள் தலைமை நீதிபதி பெர்மோட் கோலி பேச்சு
கல்வி நம்மை முழு மனிதனாக உருவாக்குகிறது என்று ஐகோர்ட்டு முன்னாள் தலைமை நீதிபதி பெர்மோட் கோலி கூறினார்.
3. கீழடி, ஆதிச்சநல்லூர் அகழாய்வு விவகாரம்: மத்திய அரசுக்கு, நீதிபதிகள் திடீர் உத்தரவு
கீழடி, ஆதிச்சநல்லூர் அகழாய்வு விவகாரம் தொடர்பாக நடவடிக்கை எடுக்க மத்திய அரசுக்கு மதுரை ஐகோர்ட்டு உத்தரவு பிறப்பித்தது. நிறைவேற்றவில்லை என்றால் அவமதிப்பு நடவடிக்கையை ஐகோர்ட்டு எடுக்கும் என எச்சரித்தது.
4. நெடுஞ்சாலைகளில் ஒவ்வொரு 50 கிலோ மீட்டர் தூரத்திலும் போக்குவரத்து கழகம் சார்பில் தரமான உணவகங்கள் ஏற்படுத்தக் கோரி வழக்கு; அதிகாரிகள் பதிலளிக்க மதுரை ஐகோர்ட்டு உத்தரவு
நெடுஞ்சாலைகளில் ஒவ்வொரு 50 கிலோ மீட்டர் தூரத்திலும் போக்குவரத்துக்கழகம் சார்பில் தரமான உணவகங்கள் ஏற்படுத்தக்கோரி மதுரை ஐகோர்ட்டில் வழக்கு தொடரப்பட்டது. இது தொடர்பாக சம்பந்தப்பட்ட அதிகாரிகள் பதிலளிக்கும்படி நோட்டீஸ் அனுப்ப நீதிபதிகள் உத்தரவிட்டனர்.
5. சமணர் அடையாளங்களை பாரம்பரிய சின்னங்களாக அறிவிக்காதது ஏன்? ஐகோர்ட்டு கேள்வி
சமணர் அடையாளங்களை பாரம்பரிய சின்னங்களாக அறிவிக்காதது ஏன்? என்று தொல்லியல் துறை அதிகாரிகளுக்கு மதுரை ஐகோர்ட்டு கேள்வி எழுப்பியது.