மாவட்ட செய்திகள்

ரூ.1½ லட்சம் போதை பொருட்கள் கடத்தல் கார் பறிமுதல்; 2 பேர் கைது + "||" + Rs.1½ lakh drug smuggling car seized; 2 people arrested

ரூ.1½ லட்சம் போதை பொருட்கள் கடத்தல் கார் பறிமுதல்; 2 பேர் கைது

ரூ.1½ லட்சம் போதை பொருட்கள் கடத்தல் கார் பறிமுதல்; 2 பேர் கைது
ரூ.1½ லட்சம் மதிப்புடைய போதை பொருட்களை கடத்தி வந்ததாக 2 பேர் கைது செய்யப்பட்டனர். கார் பறிமுதல் செய்யப்பட்டது.
திருப்பனந்தாள்,

தஞ்சை மாவட்டம் கும்பகோணம் அருகே உள்ள அணைக்கரை கொள்ளிடம் பாலத்தில் நேற்று அதிகாலை போலீசார் வாகன சோதனையில் ஈடுபட்டிருந்தனர். அப்போது அந்த வழியாக ஒரு கார் வந்து கொண்டிருந்தது. அதை போலீசார் வழிமறித்து, நிறுத்த முயன்றனர். ஆனால் காரில் வந்தவர்கள் காரை நிறுத்தாமல் ஓட்டி சென்றனர். இதனால் சந்தேகம் அடைந்த போலீசார் மற்றொரு வாகனத்தில் அந்த காரை விரட்டி சென்று வழிமறித்து, அதில் பயணம் செய்தவர்களிடம் விசாரணை நடத்தினர்.

அப்போது அவர்கள் முன்னுக்குப்பின் முரணாக பேசினர். இதையடுத்து போலீசார் காரை சோதனையிட்டனர். இதில் காரில் தடை செய்யப்பட்ட குட்கா, பான்மசாலா உள்ளிட்ட போதை பொருட்கள் கடத்தி செல்லப்படுவது தெரியவந்தது.

இதையடுத்து வாகன சோதனையில் ஈடுபட்டிருந்த போலீசார், காரையும், அதில் வந்தவர்களையும் திருப்பனந்தாள் போலீஸ் நிலையத்தில் ஒப்படைத்தனர். பின்னர் திருவிடைமருதூர் துணை போலீஸ் சூப்பிரண்டு ராமச்சந்திரன், திருப்பனந்தாள் போலீஸ் இன்ஸ்பெக்டர் (பொறுப்பு) பகவதிசரணம் ஆகியோர் காரில் வந்த நபர்களிடம் விசாரணை நடத்தினர்.

விசாரணையில் அவர்கள் பெங்களூருவை சேர்ந்த ஜவான்ராம்ஜி மகன் ஜித்துபடேல் (வயது21), தாமோந்திரசிங் மகன் நரசிங்கா(34) ஆகியோர் என்பதும், இவர்கள் மராட்டிய மாநிலத்தில் இருந்து தடை செய்யப்பட்ட போதை பொருட்களை கடத்தி வந்து, தஞ்சையில் விற்பனை செய்ய முயன்றதும் தெரியவந்தது.

இவர்களிடம் இருந்த ரூ.1 லட்சத்து 50 ஆயிரம் மதிப்புடைய போதை பொருட்களையும், அவற்றை கடத்தி வர பயன்படுத்தப்பட்ட காரையும் போலீசார் பறிமுதல் செய்தனர்.

மேலும் இதுதொடர்பாக திருப்பனந்தாள் போலீசார் வழக்குப்பதிவு செய்து ஜித்துபடேல், நரசிங்கா ஆகிய 2 பேரையும் கைது செய்தனர்.

தொடர்புடைய செய்திகள்

1. ஆஸ்பத்திரி-பள்ளிக்கூடங்களில் திரவ கிருமிநாசினி பயன்படுத்துவதை கட்டாயப்படுத்த வேண்டும் கலெக்டர் உத்தரவு
ஈரோடு மாவட்டத்தில் ஆஸ்பத்திரி மற்றும் பள்ளிக்கூடங்களில் திரவ கிருமிநாசினி பயன் படுத்துவதை கட்டாயப்படுத்த வேண்டும் என்று கலெக்டர் கதிரவன் உத்தரவிட்டு உள்ளார்.
2. வாகன சோதனையில் பிடிபட்டது ஆந்திராவில் இருந்து காரில் கடத்தி சென்ற 170 கிலோ கஞ்சா பறிமுதல்
திருச்சி அருகே வாகன சோதனையில் ஆந்திராவில் இருந்து காரில் கடத்தி சென்ற 170 கிலோ கஞ்சா பறிமுதல் செய்யப்பட்டது.
3. கோவை: தொழிலாளர் நலத்துறை அலுவலகத்தில் லஞ்ச ஒழிப்பு போலீசார் சோதனை - ரூ.48 ஆயிரம் பறிமுதல்
கோவை தொழிலாளர் நலத்துறை அலுவலகத்தில் நேற்று லஞ்ச ஒழிப்பு போலீசார் அதிரடி சோதனை நடத்தினர். இதில் கணக்கில் வராத ரூ.48 ஆயிரத்தை பறிமுதல் செய்தனர்.
4. திருப்பூர் மாவட்ட டாஸ்மாக் அலுவலகத்தில்: லஞ்ச ஒழிப்புத்துறை போலீசார் சோதனை- ரூ.1 லட்சம் பறிமுதல்; 16 பேரிடம் விசாரணை
திருப்பூர் மாவட்ட டாஸ்மாக் அலுவலகத்தில் லஞ்ச ஒழிப்புத்துறை போலீசார் சோதனையில் ஈடுபட்டனர். அப்போது கணக்கில் வராத ரூ.1 லட்சத்தை பறிமுதல் செய்தனர். மேலும், இது தொடர்பாக 16 பேரிடம் விசாரணை நடத்தி வருகிறார்கள்.
5. கடந்த 4 நாட்களாக வாகன சோதனை: 224 ஆம்னி பஸ்களுக்கு ரூ.6 லட்சம் அபராதம்
கடந்த 4 நாட்களாக நடந்த வாகன சோதனையின் போது 224 ஆம்னி பஸ்களுக்கு ரூ.6 லட்சம் அபராதம் விதிக்கப்பட்டு உள்ளது.