மாவட்ட செய்திகள்

சேலத்தில் பரபரப்பு: போலி உதவி கலெக்டர் சிக்கினார் - போலீசார் விசாரணை + "||" + Salem farewell: Fake assistant collector trapped - police investigate

சேலத்தில் பரபரப்பு: போலி உதவி கலெக்டர் சிக்கினார் - போலீசார் விசாரணை

சேலத்தில் பரபரப்பு: போலி உதவி கலெக்டர் சிக்கினார் - போலீசார் விசாரணை
சேலத்தில் போலி உதவி கலெக்டர் சிக்கியதால் பரபரப்பு ஏற்பட்டது. அவரிடம் போலீசார் விசாரணை நடத்தி வருகின்றனர்.
சேலம்,

சேலம் மாநகரின் மைய பகுதியில் மாவட்ட கலெக்டர் அலுவலகம் செயல்பட்டு வருகின்றது. இங்கு 40-க்கும் மேற்பட்ட துறை அலுவலகங்கள் செயல்படுகிறது. இதனால் மாவட்டத்தின் பல்வேறு பகுதிகளில் இருந்து ஏராளமான பொதுமக்கள் தினமும் கலெக்டர் அலுவலகத்திற்கு வந்து சம்பந்தப்பட்ட துறை அதிகாரிகளை சந்தித்து தங்களுடைய கோரிக்கை மனுவை கொடுத்து வருகின்றனர்.

இந்தநிலையில் நேற்று பிற்பகல் கலெக்டர் அலுவலகத்துக்குள் ஒருவர் அங்கும், இங்குமாக சுற்றித்திரிந்து கொண்டிருந்தார். இதை பார்த்த கலெக்டர் அலுவலக அதிகாரிகளுக்கு அவர் மீது சந்தேகம் ஏற்பட்டது. இதையடுத்து அவரிடம் சென்று விசாரித்தனர். அப்போது அவர்களிடம், தான் விழுப்புரம் மாவட்டத்தில் உதவி கலெக்டராக பணியாற்றுவதாக அவர் தெரிவித்தார். இதற்கான அடையாள அட்டை ஏதும் உள்ளதா? என்று அதிகாரிகள் கேட்டதற்கு அவர் மழுப்பலான பதில் கூறினார்.

இதையடுத்து சந்தேகம் அடைந்த அதிகாரிகள், அவரை பிடித்து சேலம் டவுன் குற்றப்பிரிவு போலீஸ் நிலையத்தில் ஒப்படைத்தனர். இதையடுத்து அவரிடம் போலீசார் விசாரணை நடத்தினர். இதில் அவர் தலைவாசல் அருகே உள்ள பட்டுதுறை பகுதியை சேர்ந்த ஜெயராஜ்(வயது 51) என்பதும், எம்.ஏ. பட்டதாரி என்பதும் தெரியவந்தது. மேலும் அவர் போலி உதவி கலெக்டர் என்பதும் தெரியவந்தது.

இதையடுத்து அவரிடம் போலீசார் தொடர்ந்து விசாரணை நடத்தி வருகின்றனர். இந்த சம்பவம் அங்கு பரபரப்பை ஏற்படுத்தியது.

தொடர்புடைய செய்திகள்

1. அரசு வழங்கிய நிலத்தை அபகரிக்க முயற்சி தொழிலாளி தீக்குளிக்க முயன்றதால் பரபரப்பு
அரசு வழங்கிய இலவச பட்டா நிலத்தை அபகரிக்க முயன்று தாக்கியவர்கள் மீது நடவடிக்கை எடுக்கக்கோரி வாலிபர் தீக்குளிக்க முயன்றதால் பரபரப்பு ஏற்பட்டது.
2. அ.ம.மு.க. உண்ணாவிரத போராட்டத்திற்கு அனுமதி மறுப்பு போலீசாருடன், செந்தில்பாலாஜி வாக்குவாதம்- பரபரப்பு
கோர்ட்டில் மேல்முறையீட்டு மனு அளித்திருப்பதை சுட்டிக்காட்டி, க.பரமத்தியில் அ.ம.மு.க. உண்ணாவிரத போராட்டத்திற்கு போலீசார் அனுமதி மறுத்தனர். இதனால் போலீசாருடன், செந்தில்பாலாஜி உள்ளிட்டோர் கடும் வாக்குவாதத்தில் ஈடுபட்டதால் பரபரப்பு ஏற்பட்டது.
3. சேலம்: உரிமையியல் கோர்ட்டுகள் தொடக்க விழா - மாவட்ட முதன்மை நீதிபதி பங்கேற்பு
சேலத்தில் புதிதாக உரிமையியல் கோர்ட்டுகள் தொடக்க விழா நடைபெற்றது. இதில் மாவட்ட முதன்மை நீதிபதி மோகன்ராஜ் பங்கேற்றார்.
4. சேலம்: காரில் 25 பவுன் நகையை திருடியவர் கைது
சேலத்தில் காரில் வைத்திருந்த 25 பவுன் நகையை திருடியவர் கைது செய்யப்பட்டார்.
5. அந்தியூர் அருகே பரபரப்பு: 2 குழந்தைகளை வி‌ஷம் கொடுத்து கொன்றுவிட்டு தந்தை தற்கொலை முயற்சி
அந்தியூர் அருகே தொழிலாளி ஒருவர் தன்னுடைய 2 குழந்தைகளுக்கு வி‌ஷம் கொடுத்து கொலை செய்துவிட்டு தானும் தற்கொலைக்கு முயன்றார்.