மாவட்ட செய்திகள்

குடிநீர் குழாயில் உடைப்பு கழிவுநீருடன் கலந்து சாலையில் ஆறாக ஓடும் தண்ணீர் + "||" + Break in the water pipe Running water on the road

குடிநீர் குழாயில் உடைப்பு கழிவுநீருடன் கலந்து சாலையில் ஆறாக ஓடும் தண்ணீர்

குடிநீர் குழாயில் உடைப்பு கழிவுநீருடன் கலந்து சாலையில் ஆறாக ஓடும் தண்ணீர்
ஆவடியில் குடிநீர் குழாயில் உடைப்பு ஏற்பட்டதால் கழிவுநீருடன் தண்ணீர் கலந்து சாலையில் ஆறாக ஓடுகிறது. இதனை சீரமைக்க பொதுமக்கள் கோரிக்கை விடுத்துள்ளனர்.

ஆவடி,

ஆவடி நகராட்சிக்குட்பட்ட நேரு பஜார் பகுதியில் ஆவடி போலீஸ் நிலையம் எதிரே குடிநீர் குழாய் உள்ளது. இதன் மூலமாக ஆவடியில் உள்ள பல பகுதிகளுக்கு குடிநீர் இணைப்பு வழங்கப்பட்டுள்ளது.

இந்நிலையில் நேற்று மாலை இந்த குடிநீர் குழாயில் திடீர் உடைப்பு ஏற்பட்டது. இதனால் குழாயில் இருந்து வெளியேறிய குடிநீர், கழிவுநீருடன் கலந்து சாலையில் ஆறாக ஓடுகிறது. இதனால் அந்த சாலையில் செல்லும் வாகன ஓட்டிகள் மிகுந்த சிரமத்துக்குள்ளாகின்றனர்.

மேலும் வாகனத்தில் செல்லும் போதும் சாலையில் ஓடும் கழிவுநீர் நடந்து செல்லும் மாணவ–மாணவிகள் மற்றும் பொதுமக்கள் மீது தெறிக்கிறது. அத்துடன் சாலையில் சிறு வியாபாரிகள் வியாபாரம் செய்யமுடியாமல் அவதிப்படுகின்றனர்.

குழாயில் உடைப்பு ஏற்பட்டதால் வெளியேறும் குடிநீர் கழிவுநீருடன் கலந்து ஓடுவதால் பொதுமக்களுக்கு சுகாதாரக் கேடு ஏற்பட்டு, தொற்று நோய் பரவும் அபாயமும் உள்ளது.

இதுகுறித்து பொதுமக்கள் சார்பில் ஆவடி நகராட்சி ஆணையர் மற்றும் அதிகாரிகளுக்கு தகவல் தெரிவிக்கப்பட்டது.

எனினும் குழாயை சீரமைக்க எந்த வித நடவடிக்கையும் எடுக்கப்படவில்லை. கடந்த 10 நாட்களுக்கு முன்பு இதே இடத்தில் குழாயில் உடைப்பு ஏற்பட்டு சாலையில் குடிநீர் ஆறாக ஓடியது. அப்போது உடைந்த குழாயை முறையாக சரி செய்யாமல், மண்ணை கொட்டி மூடி விட்டு சென்றனர்.

தற்போது அதே இடத்தில் மீண்டும் உடைப்பு ஏற்பட்டு குடிநீர் வெளியேறி வீணாக சாலையில் ஓடிக்கொண்டிருக்கிறது. ஆவடி நகராட்சி அதிகாரிகள் உடனடியாக இதில் தலையிட்டு குடிநீர் குழாயை சரிசெய்து சுத்தமான குடிநீர் வழங்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.


தொடர்புடைய செய்திகள்

1. ஈரோடு பெரியசேமூரில் திடக்கழிவு மேலாண்மை திட்டத்தை இடமாற்றம் செய்ய வேண்டும் குறைதீர்க்கும் நாள் கூட்டத்தில் பொதுமக்கள் கோரிக்கை
ஈரோடு பெரியசேமூரில் அமைக்கப்படும் திடக்கழிவு மேலாண்மை திட்டத்தை இடமாற்றம் செய்ய வேண்டும் என்று குறைதீர்க்கும் நாள் கூட்டத்தில் பொதுமக்கள் கோரிக்கை மனு கொடுத்தனர்.
2. முதல்–அமைச்சரை எளிதில் சந்தித்து பொதுமக்கள் குறைகளை தெரிவிக்கின்றனர் தகவல் தொழில்நுட்ப பிரிவு மாநில செயலாளர் பேட்டி
தமிழக மக்கள் முதல்–அமைச்சர் எடப்பாடி பழனிசாமியை எளிதில் சந்தித்து குறைகளை தெரிவிக்கின்றனர் என்று அ.தி.மு.க. தகவல் தொழில்நுட்ப பிரிவு மாநில செயலாளர் ஜி.ராமச்சந்திரன் கூறினார்.
3. சிவகங்கை அருகே சாலை அமைக்கும் பணி தாமதத்தால் பொதுமக்கள் அவதி
சிவகங்கை அருகே சாலை அமைக்கும் பணி தாமதமாக நடைபெற்று வருவதால், பொதுமக்கள் கடும் அவதியடைந்து வருகின்றனர். அவர்கள் விரைவில் பணியை முடிக்க வேண்டுகோள் விடுத்துள்ளனர்.
4. முத்தாண்டிப்பாளையத்தில் தினமும் வராத நகர பஸ்சை சிறைபிடித்த பொதுமக்கள்
பல்லடம் அருகே உள்ள முத்தாண்டிபாளையத்திற்கு தினமும் வராத அரசு நகர பஸ்சை பொதுமக்கள் சிறைபிடித்தனர்.
5. காணும் பொங்கலையொட்டி 2–வது நாளாக அறிவியல் மையத்தில் குவிந்த பொதுமக்கள்
பொங்கல் திருவிழா கடந்த 15–ந் தேதி கொண்டாடப்பட்டது. பொங்கலுக்கு மறுநாள், மாட்டு பொங்கல், கரிநாள் மற்றும் காணும் பொங்கல் கொண்டாடப்படுவது வழக்கம்.