மாவட்ட செய்திகள்

பெட்ரோல், டீசல் விலை உயர்வு எதிரொலி - பள்ளி பஸ் கட்டணம் ரூ.75 உயருகிறது + "||" + Petrol, diesel price hike echo - The school bus charge rises to Rs. 75

பெட்ரோல், டீசல் விலை உயர்வு எதிரொலி - பள்ளி பஸ் கட்டணம் ரூ.75 உயருகிறது

பெட்ரோல், டீசல் விலை உயர்வு எதிரொலி - பள்ளி பஸ் கட்டணம் ரூ.75 உயருகிறது
பெட்ரோல், டீசல் விலை உயர்வு காரணமாக மும்பையில் பள்ளி பஸ் கட்டணத்தில் ரூ.75 உயர்த்த பள்ளி பஸ் உரிமையாளர்கள் கூட்டமைப்பு முடிவு செய்து உள்ளது.
மும்பை,

பெட்ரோல், டீசல் விலை இதுவரை இல்லாத அளவுக்கு தினந்தோறும் புதிய உச்சத்தை தொட்டு வருகிறது. பெட்ரோல், டீசல் விலை தொடர்ந்து உயர்ந்து வருவது வாகன ஓட்டிகளை அவதியுற வைத்து உள்ளது. அத்தியாவசிய பொருட்கள், காய்கறிகள் ஆகியவற்றின் விலையும் உயரும் நிலை ஏற்பட்டு இருக்கிறது.

இதனால் பெட்ரோல், டீசல் விலை உயர்வு சாமானிய மக்களையும் வேதனை அடைய வைத்து உள்ளது. இந்த நிலையில், பெட்ரோல், டீசல் விலை உயர்வு எதிரொலியாக மும்பையில் பள்ளிக்கூட பஸ் கட்டணத்தை உயர்த்த பள்ளி பஸ் உரிமையாளர்கள் கூட்டமைப்பு முடிவு செய்து உள்ளது.

இதுபற்றி பள்ளிக்கூட பஸ் உரிமையாளர்கள் கூட்டமைப்பு தலைவர் அனில் கார்க் கூறுகையில், ‘‘பெட்ரோல், டீசல் விலை அதிகளவில் உயர்ந்து உள்ளது. பள்ளி பஸ்களை பராமரிக்கும் செலவும் இரு மடங்கு அதிகரித்து உள்ளது. கடந்த 5 மாதங்களில் ஒரு லிட்டர் பெட்ரோல் மற்றும் டீசல் முறையே ரூ.4.66 மற்றும் ரூ.6.35 உயர்ந்து உள்ளது. எனவே இவற்றை கருத்தில் கொண்டு பள்ளி பஸ்களின் மாதாந்திர கட்டணத்தில் ரூ.75 அதிகரிக்க முடிவு செய்து உள்ளோம். இது அடுத்த மாதம் (அக்டோபர்) 1-ந் தேதி முதல் வசூலிக்கப்படும்’’ என்றார்.

மும்பையில் சுமார் 8 ஆயிரத்துக்கும் மேற்பட்ட பள்ளி பஸ்கள் இயக்கப்பட்டு வருவது குறிப்பிடத்தக்கது.

தொடர்புடைய செய்திகள்

1. பெட்ரோல் விலை இன்றும் உயர்வு, டீசல் விலையில் மாற்றமில்லை
சென்னையில் பெட்ரோல் விலை இன்றும் உயர்ந்துள்ளது. டீசல் விலையில் எந்த மாற்றமும் இல்லை
2. மராட்டியத்தில் மது விலை உயர்கிறது
மராட்டியத்தில் பெட்ரோல், டீசல் விலையை குறைக்கும் வகையில் மது விலையை உயர்த்த அரசு முடிவு செய்துள்ளது.
3. பெட்ரோல்-டீசல் விலை தலா 10 காசு உயர்வு பெட்ரோல்- ரூ.89.44; டீசல்- ரூ.78.51
பெட்ரோல்-டீசல் விலை தொடர்ந்து அதிகரித்து வருகின்ற நிலையில் நேற்றும் தலா 10 காசுகள் உயர்ந்தது.
4. பெட்ரோல்-டீசல் விலை உயர்வால் ‘ஷேர்’ ஆட்டோ கட்டணம் ரூ.5 அதிகரிப்பு பயணிகள் அதிர்ச்சி
பெட்ரோல்-டீசல் விலை உயர்வால் சென்னையில் ‘ஷேர்’ ஆட்டோ கட்டணம் ரூ.5 உயர்த்தப்பட்டுள்ளது. இதனால் பயணிகள் அதிர்ச்சி அடைந்துள்ளனர்.
5. பெட்ரோல்-டீசல் விலை தலா 10 காசு உயர்வு பெட்ரோல் - ரூ.85.41; டீசல் - ரூ.78.10-க்கு விற்பனை
பெட்ரோல்-டீசல் விலை தொடர்ந்து அதிகரித்து வருகிறது. பெட்ரோல்-டீசல் விலை நேற்று தலா 10 காசுகள் உயர்ந்தது.