மாவட்ட செய்திகள்

மீன் வியாபாரி கொலை வழக்கில் நாமக்கல் கோர்ட்டில் வாலிபர் சரண் + "||" + In the nomination court case in the case of a fish trader Younger Saran

மீன் வியாபாரி கொலை வழக்கில் நாமக்கல் கோர்ட்டில் வாலிபர் சரண்

மீன் வியாபாரி கொலை வழக்கில் நாமக்கல் கோர்ட்டில் வாலிபர் சரண்
சேலம் மீன் வியாபாரி கொலை வழக்கில் போலீசாரால் தேடப்பட்ட வாலிபர் நேற்று நாமக்கல் கோர்ட்டில் சரண் அடைந்தார்.
நாமக்கல்,

சேலம் அழகாபுரம் பெரியபுதூர் பகுதியை சேர்ந்தவர் வெங்கடேசன் (வயது 33). இவர் சாரதா கல்லூரி சாலையில் மீன்கடை நடத்தி வந்தார். கடந்த 22-ந் தேதி மீன்களை வறுத்து விற்பனை செய்து கொண்டு இருந்தபோது அங்கு வந்த ஒரு கும்பல் வெங்கடேசனை அரிவாளால் வெட்டிக் கொலை செய்தது.

இந்த கொலை சம்பவம் தொடர்பாக சேலம் அஸ்தம்பட்டி போலீசார் வழக்குப்பதிவு செய்து கொலையாளிகளை தேடி வந்தனர். இதற்கிடையே இந்த கொலை வழக்கில் போலீசார் தேடுவதை அறிந்த பெரியபுதூர் பிள்ளையார் கோவில் தெருவை சேர்ந்த அஜித்குமார் (25), ஓடைக்கரை ராமு (34) ஆகியோர் திருச்சி கோர்ட்டில் சரண் அடைந்தனர்.

மேலும் இந்த கொலை வழக்கில் போலீசார் ஓமலூரை சேர்ந்த சசிக்குமார் (26) என்பவரை தேடி வந்தனர். போலீசார் தேடுவதை அறிந்த சசிக்குமார் நேற்று நாமக்கல் முதலாவது குற்றவியல் மாஜிஸ்திரேட்டு கோர்ட்டில் சரண் அடைந்தார்.

மாஜிஸ்திரேட்டு தனபால் அவரை 15 நாட்கள் நீதிமன்ற காவலில் வைக்க உத்தரவிட்டார். இதையடுத்து அவர் போலீஸ் பாதுகாப்புடன் சேலம் மத்திய சிறைக்கு அழைத்து செல்லப்பட்டார்.

தொடர்புடைய செய்திகள்

1. கோபி அருகே விவசாயியை கொலை செய்த வாலிபருக்கு ஆயுள் தண்டனை
கோபி அருகே விவசாயியை வெட்டி கொலை செய்த வாலிபருக்கு ஆயுள் தண்டனை விதித்து நீதிபதி உத்தரவிட்டார்.
2. தெலுங்கானா கவுரவக் கொலை வழக்கில் பீகார் கூலிப்படைத் தலைவன் உள்பட 7 பேர் கைது
தெலுங்கானா மாநிலம் நல்கொண்டா மாவட்டத்தில் உள்ள மிர்யலாகுடா பகுதியைச் சேர்ந்த பிரணய்குமார்(வயது 22), தனது காதலி அம்ருதாவை கடந்த மாதம் திருமணம் செய்து கொண்டார்.
3. விருதுநகரில் பயங்கரம்: பழிக்குப்பழியாக தொழிலாளி கொலை
விருதுநகரில் கொலைவழக்கில் ஜாமீனில் வந்த கட்டிட தொழிலாளியை பழிக்குப்பழியாக வெட்டிக் கொலை செய்த 4 பேரை போலீசார் தேடி வருகின்றனர்.
4. சசிகுமார் கொலை வழக்கில் குற்றப்பத்திரிகை தாக்கலுக்கு பிறகும் விசாரணை, கலெக்டரிடம் புகார் மனு
சசிகுமார் கொலை வழக்கில் குற்றப்பத்திரிகை தாக்கல் செய்த பிறகும் விசாரணை நடத்தப்பட்டு வருவதாக கலெக்டரிடம் புகார் மனு அளிக்கப்பட்டது.
5. ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் - ஈ.வி.கே.எஸ்.இளங்கோவன்
ராஜீவ்காந்தி கொலை கைதிகள் 7 பேரையும் சோனியா, ராகுல், பிரியங்கா மன்னித்து விட்டார்கள் என்று ஈ.வி.கே.எஸ்.இளங்கோவன் கூறினார்.