மாவட்ட செய்திகள்

தூத்துக்குடி கோர்ட்டில் பாஸ்போர்ட்டை திரும்ப ஒப்படைக்க கோரி மாணவி சோபியா மனுதாக்கல் + "||" + Return to passport in Tuticorin court Demanding to hand over Sophia Petitioning

தூத்துக்குடி கோர்ட்டில் பாஸ்போர்ட்டை திரும்ப ஒப்படைக்க கோரி மாணவி சோபியா மனுதாக்கல்

தூத்துக்குடி கோர்ட்டில் பாஸ்போர்ட்டை திரும்ப ஒப்படைக்க கோரி மாணவி சோபியா மனுதாக்கல்
ஆராய்ச்சி மாணவி சோபியா, போலீசார் பறிமுதல் செய்த தனது பழைய பாஸ்போர்ட்டை திரும்ப ஒப்படைக்க வேண்டும் என்று கோரி தூத்துக்குடி கோர்ட்டில் நேற்று மனு தாக்கல் செய்தார்.

தூத்துக்குடி,

ஆராய்ச்சி மாணவி சோபியா, போலீசார் பறிமுதல் செய்த தனது பழைய பாஸ்போர்ட்டை திரும்ப ஒப்படைக்க வேண்டும் என்று கோரி தூத்துக்குடி கோர்ட்டில் நேற்று மனு தாக்கல் செய்தார்.

ஆராய்ச்சி மாணவி

தூத்துக்குடி கந்தன் காலனியை சேர்ந்தவர் சாமி. இவருடைய மகள் சோபியா(வயது 28). இவர் கனடாவில் ஆராய்ச்சி படிப்பு படித்து வருகிறார். கடந்த 3–ந் தேதி சென்னையில் இருந்து தூத்துக்குடிக்கு விமானத்தில் வந்தார். அப்போது பா.ஜனதா கட்சிக்கு எதிராக கோ‌ஷம் எழுப்பியதாக கூறப்படுகிறது. இதனால் அதே விமானத்தில் பயணம் செய்த பா.ஜனதா மாநில தலைவர் தமிழிசை சவுந்தரராஜனுக்கும், சோபியாவுக்கும் வாக்குவாதம் ஏற்பட்டது.

இது தொடர்பாக புதுக்கோட்டை போலீசார் வழக்கு பதிவு செய்தனர். அப்போது, சோபியாவிடம் இருந்த பாஸ்போர்ட்டை போலீசார் பறிமுதல் செய்தனர். அந்த பாஸ்போர்ட் பழைய பாஸ்போர்ட் என்பதால், புதிய பாஸ்போர்ட்டுடன், இன்று(வெள்ளிக்கிழமை) காலை 10 மணிக்கு புதுக்கோட்டை போலீஸ் நிலையத்தில் ஆஜராகுமாறு அவருடைய தந்தை சாமிக்கு போலீசார் சம்மன் அனுப்பி உள்ளனர்.

கோர்ட்டில் மனு

இந்த நிலையில் மாணவி சார்பில் வக்கீல் அதிசயகுமார் நேற்று காலை தூத்துக்குடி 3–வது ஜூடிசியல் மாஜிஸ்திரேட்டு கோர்ட்டில் ஒரு மனு தாக்கல் செய்தார். அந்த மனுவில், புதுக்கோட்டை போலீசார் கடந்த 3–ந் தேதி விசாரணைக்காக எனது பழைய பாஸ்போர்ட்டை பறிமுதல் செய்தனர். அதற்கான எந்த அத்தாட்சி சான்றும் தரவில்லை. எனது அமெரிக்க விசா, பழைய பாஸ்போர்ட்டில் உள்ளது. ஆகையால் எனது பழைய பாஸ்போர்ட்டை எனக்கு திரும்ப ஒப்படைக்க உத்தரவிட வேண்டும்’ என்று தெரிவிக்கப்பட்டு உள்ளது.

மேலும் இந்த மனு விசாரணைக்கு ஏற்றுக் கொள்ளப்பட்டு, வருகிற 10–ந் தேதி(திங்கட்கிழமை) கோர்ட்டில் விசாரணை நடைபெற உள்ளதாக வக்கீல் தெரிவித்தார்.


தொடர்புடைய செய்திகள்

1. பூச்சி மருந்து குடித்து சிகிச்சை பெற்று வந்த கல்லூரி மாணவி பரிதாப சாவு கடைக்கு தனியாக செல்ல வேண்டாம் என தாயார் கூறியதால் விபரீத முடிவு
பூச்சி மருந்தை குடித்து ஆஸ்பத்திரியில் சிகிச்சை பெற்று வந்த கல்லூரி மாணவி பரிதாபமாக இறந்தார்.
2. பீகாரில் பள்ளி கூட முதல்வர் கற்பழித்ததில் 5ம் வகுப்பு மாணவி கர்ப்பிணி ஆன அதிர்ச்சி தகவல்
பீகாரில் பள்ளி கூட முதல்வர் கற்பழித்ததில் 5ம் வகுப்பு மாணவி கர்ப்பிணியாகி உள்ளார்.
3. பெட்ரோல் விலை உயர்வுக்கு எதிரான மனு டெல்லி ஐகோர்ட்டில் தள்ளுபடி
டெல்லியைச் சேர்ந்த பூஜா மகாஜன் என்பவர், பெட்ரோல், டீசல் விலை உயர்வுக்கு எதிராக அங்குள்ள ஐகோர்ட்டில் ஒரு மனு தாக்கல் செய்து இருந்தார்.
4. பேராசிரியை நிர்மலாதேவி மீதான வழக்கு வேறு கோர்ட்டுக்கு மாற்றம்
கல்லூரி மாணவிகளை தவறான பாதைக்கு அழைத்த பேராசிரியை நிர்மலாதேவி மீதான வழக்கு ஸ்ரீவில்லிபுத்தூரில் உள்ள விருதுநகர் மாவட்ட முதன்மை கோர்ட்டுக்கு மாற்றப்பட்டது.
5. நம்பியூர் அருகே பிளஸ்–2 மாணவி தற்கொலை: அரசு பள்ளிக்கூடம் முற்றுகை
நம்பியூர் அருகே பிளஸ்–2 மாணவி தற்கொலை செய்துகொண்டார். இதனால் அரசு பள்ளிக்கூடத்தை பெற்றோர் முற்றுகையிட்டார்கள். ஆசிரியர் ஒருவர் பணியிடை நீக்கம் செய்யப்பட்டார்.