மாவட்ட செய்திகள்

குற்ற செயல்களை தடுக்க 16 இடங்களில் அதிநவீன கண்காணிப்பு கேமராக்கள் + "||" + Sophisticated surveillance cameras in 16 places to prevent crime

குற்ற செயல்களை தடுக்க 16 இடங்களில் அதிநவீன கண்காணிப்பு கேமராக்கள்

குற்ற செயல்களை தடுக்க 16 இடங்களில் அதிநவீன கண்காணிப்பு கேமராக்கள்
குற்ற சம்பவங்களை தடுக்க திண்டுக்கல் நகர் பகுதியில் 16 இடங்களில் அதிநவீன கண்காணிப்பு கேமராக்கள் பொருத்தப்பட்டுள்ளன என்று போலீஸ் சூப்பிரண்டு சக்திவேல் கூறினார்.
திண்டுக்கல்,


கொள்ளை, வழிப்பறி உள்ளிட்ட குற்ற செயல்களில் ஈடுபடுவோரை பிடிப்பதற்கு போலீசாருக்கு பேருதவியாக இருப்பது கண்காணிப்பு கேமராக்கள் தான். தற்போது நகைப்பறிப்பு, திருட்டு போன்ற சம்பவங்கள் நடந்தால், அந்த பகுதியில் ஏதேனும் கண்காணிப்பு கேமராக்கள் பொருத்தப்பட்டுள்ளதா? என்று தான் போலீசார் பார்ப்பார்கள்.

அவ்வாறு கேமரா இருந்தால் அதில் பதிவான காட்சிகளை ஆய்வு செய்து, சந்தேக நபர்களை பிடித்து விசாரணை நடத்துவார்கள். இதனால் கண்காணிப்பு கேமராக்களில் பதிவான காட்சிகள் தான் போலீசாருக்கு துருப்பு சீட்டாக உள்ளது. இதற்காக போலீஸ் துறை சார்பில் திண்டுக்கல் நகர் பகுதியில் சுமார் 100 கேமராக்கள் பொருத்தப்பட்டுள்ளன. இந்த கேமராக்களில் பதிவான காட்சிகளை வைத்து பல்வேறு சம்பவங்களில் குற்றவாளிகளை போலீசார் கைது செய்துள்ளனர்.

இதில் ஒரு சில நேரங்களில் கண்காணிப்பு கேமராக்களில் பதிவான காட்சிகள் தெளிவாக இல்லாமல் போனதால், குற்றவாளிகளை கைது செய்வது தாமதமானது. கடந்த சில மாதங்களாக திண்டுக்கல் நகர் பகுதியில் கொலை, கொள்ளை, நகைப்பறிப்பு என தொடர்ந்து ஏதாவது சம்பவங்கள் நடந்துகொண்டே இருக்கிறது. இந்தநிலையில் போலீஸ் துறை சார்பில் திண்டுக்கல் நகர் பகுதியில் மேலும் சில கண்காணிப்பு கேமராக்கள் பொருத்த முடிவு செய்யப்பட்டது.

அதன்படி தற்போது சாலை சந்திப்புகள், பொதுமக்கள் அதிகம் கூடும் பகுதிகள் உள்பட 16 இடங்களில், அதிநவீன வசதி கொண்ட கண்காணிப்பு கேமராக்கள் பொருத்தப்பட்டுள்ளன. அந்த கேமராக்கள் ஒரு வாகனத்தின் பதிவு எண் மற்றும் வாகன ஓட்டியின் முகம் ஆகியவற்றை மிகவும் துல்லியமாக பதிவு செய்யும் வகையில் வடிவமைக்கப்பட்டுள்ளன. மற்ற கேமராக்களை பொறுத்தவரை அருகில் உள்ளவற்றை மட்டுமே ஓரளவு துல்லியமாக படம் பிடிக்க முடியும். ஆனால் தற்போது பொருத்தப்பட்டுள்ள நவீன கேமராக்கள், தூரத்தில் வரும் வாகனத்தை கூட துல்லியமாக படம் பிடிக்கும் திறன் கொண்டவை ஆகும். இதன் மூலம் குற்ற சம்பவங்களில் ஈடுபடுவோரை உடனடியாக கைது செய்ய முடியும். இதனால் திருட்டு, நகைப்பறிப்பு உள்ளிட்ட சம்பவங்கள் குறைய வாய்ப்பு உள்ளது.

இந்த தகவலை திண்டுக்கல் மாவட்ட போலீஸ் சூப்பிரண்டு சக்திவேல் கூறினார். 

தொடர்புடைய செய்திகள்

1. இழப்பீடு வாங்கி தருவதாக கூறி ரூ.15 லட்சம் மோசடி
இழப்பீடு வாங்கி தருவதாக கூறி ரூ.15 லட்சம் வரை மோசடி செய்துவிட்டதாக கொடைக்கானல் பாதரச ஆலையில் வேலை பார்த்த ஊழியர்கள், போலீஸ் சூப்பிரண்டு சக்திவேலிடம் புகார் மனு அளித்தனர்.
2. ஊர்வலத்தின்போது விதிமுறைகளை மீறினால் கடும் நடவடிக்கை
விநாயகர் சதுர்த்தியையொட்டி திண்டுக்கல் மாவட்டம் முழுவதும் 1,200 சிலைகள் வைக்க அனுமதி அளிக்கப்பட்டுள்ளதாகவும், ஊர்வலத்தின்போது விதிமுறைகளை மீறினால் கடும் நடவடிக்கை எடுக்கப்படும் என்றும் போலீஸ் சூப்பிரண்டு சக்திவேல் கூறினார்.
3. வெடிபொருட்கள் இருப்பு குறித்து தகவல் தெரிவிக்காவிட்டால் கடும் நடவடிக்கை
பாறைகளை தகர்க்க பயன்படுத்தப்படும் வெடிபொருட்கள் இருப்பு குறித்து போலீஸ் நிலையங்களுக்கு தகவல் தெரிவிக்க வேண்டும். இல்லை என்றால் சம்பந்தப்பட்டவர்கள் மீது கடும் நடவடிக்கை எடுக்கப்படும் என்று போலீஸ் சூப்பிரண்டு சக்திவேல் எச்சரிக்கை விடுத்துள்ளார்.