மாவட்ட செய்திகள்

அரசு பஸ் இயக்கக்கோரி மாணவர்கள் சாலை மறியல் + "||" + The government bus stops the road students

அரசு பஸ் இயக்கக்கோரி மாணவர்கள் சாலை மறியல்

அரசு பஸ் இயக்கக்கோரி மாணவர்கள் சாலை மறியல்
திருக்கோவிலூர் அருகே அரசு பஸ் இயக்கக்கோரி மாணவர்கள் சாலை மறியலில் ஈடுபட்டனர்.
திருக்கோவிலூர், 


திருக்கோவிலூரில் இருந்து மேல்வாலை கிராமத்திற்கு அரசு பஸ் இயக்கப்பட்டு வந்தது. இந்த பஸ் கடந்த சில நாட்களாக இயக்கப்படவில்லை. விழுப்புரம்-திருவண்ணாமலை செல்லும் தடம் எண்-215 அரசு பஸ்சும் மேல்வாலை கிராமத்தில் நிற்காமல் சென்றது. இதனால் பள்ளி, கல்லூரிக்கு செல்ல முடியாமல் மாணவ-மாணவிகள் அவதி அடைந்து வருகின்றனர். இது பற்றி அரசு போக்குவரத்து கழக அதிகாரிகளிடம் தெரிவித்தும் நடவடிக்கை எடுக்கவில்லை.

இந்த நிலையில் பள்ளி, கல்லூரி மாணவ-மாணவிகள் 100 பேர் நேற்று முன்தினம் ஒன்று திரண்டு திருவண்ணாமலை -விழுப்புரம் சாலையில் மேல்வாலை கிராமத்தில் சாலை மறியல் போராட்டத்தில் ஈடுபட்டனர். இதனால் போக்குவரத்து பாதிக்கப்பட்டது. சாலையின் இருபுறமும் நூற்றுக்கணக்கான வாகனங்கள் அணிவகுத்து நின்றன.

இது பற்றி தகவல் அறிந்ததும் கண்டாச்சிபுரம் மண்டல துணை தாசில்தார் பாலமுருகன் மற்றும் கண்டாச்சிபுரம் போலீசார் விரைந்து சென்று மறியலில் ஈடுபட்ட மாணவர்களுடன் பேச்சுவார்த்தை நடத்தினர். அப்போது மண்டல துணை தாசில்தார் பாலமருகன், அரசு பஸ் இயக்கவும், மேல்வாலை கிராமத்தில் பஸ் நின்று செல்லவும் நடவடிக்கை எடுக்கப்படும் என்று உறுதியளித்தார். இதையடுத்து போராட்டத்தை கைவிட்டு மாணவர்கள் கலைந்து சென்றனர். 

தொடர்புடைய செய்திகள்

1. குடிநீருடன் சாக்கடை கழிவுநீர் வருவதாக கூறி சாலை மறியலில் ஈடுபட்ட பொதுமக்கள்
குடிநீருடன் சாக்கடை கழிவுநீர் கலந்து வருவதாக கூறி டி.எம்.சி. காலனி பொதுமக்கள் சாலை மறியல் போராட்டத்தில் ஈடுபட்டனர்.
2. கார் மோதியதில் முன்னாள் ஊராட்சி துணைத்தலைவி பலி உறவினர்கள் சாலை மறியல்
விளாத்திகுளம் அருகே கார் மோதிய விபத்தில் முன்னாள் ஊராட்சி துணை தலைவி பலியானார். இதை கண்டித்தும், அவரது குடும்பத்துக்கு இழப்பீடு கோரியும் உறவினர்கள் சாலை மறியலில் ஈடுபட்டனர்.
3. கொட்டாம்பட்டியில் தொடரும் மின்தடையால் பொதுமக்கள் அவதி; சாலை மறியலில் ஈடுபட்டதால் பரபரப்பு
கொட்டாம்பட்டி பகுதியில் கஜா புயலால் கடும் பாதிப்பு ஏற்பட்டதில் ஏராளமான மரங்கள் விழுந்ததில் கொட்டாம்பட்டி துணை மின் நிலையத்திற்கு உட்பட்ட பகுதிகளில் 50–க்கும் மேற்பட்ட மின்கம்பங்கள் சாய்ந்து சேதமடைந்தன.
4. பள்ளிப்பட்டில் குடிநீர் வழங்கக்கோரி கிராம மக்கள் சாலை மறியல்
பள்ளிப்பட்டில் குடிநீர் வழங்கக்கோரி கிராம மக்கள் சாலை மறியல் போராட்டத்தில் ஈடுபட்டனர்.
5. ஈரோட்டில் சாலை மறியலில் ஈடுபட்ட மின்சார வாரிய ஊழியர்கள் 38 பேர் கைது
ஈரோட்டில் சாலை மறியலில் ஈடுபட்ட மின்சார வாரிய ஊழியர்கள் 38 பேரை போலீசார் கைது செய்தனர்.