மாவட்ட செய்திகள்

அளேசீபம் துணை சுகாதார நிலையத்தை தரம் உயர்த்தி டாக்டர்களை நியமிக்க வேண்டும் கிராமமக்கள் மனு + "||" + The Village petition to appoint doctors to upgrade the health department at the Jaleebipam sub-center

அளேசீபம் துணை சுகாதார நிலையத்தை தரம் உயர்த்தி டாக்டர்களை நியமிக்க வேண்டும் கிராமமக்கள் மனு

அளேசீபம் துணை சுகாதார நிலையத்தை தரம் உயர்த்தி டாக்டர்களை நியமிக்க வேண்டும் கிராமமக்கள் மனு
அளேசீபம் துணை சுகாதார நிலையத்தை தரம் உயர்த்தி டாக்டர்களை நியமிக்க வேண்டும் என்று கிராம மக்கள் கலெக்டர் அலுவலகத்தில் மனு கொடுத்தனர்.
கிருஷ்ணகிரி,

தொழிலாளர் முன்னேற்ற சங்கத்தின் மாவட்ட கவுன்சில் துணைத்தலைவர் கிருஷ்ணமூர்த்தி தலைமையில் சூளகிரி தாலுகா அளேசீபம் கிராமத்தைச் சேர்ந்த பொதுமக்கள் கிருஷ்ணகிரி மாவட்ட கலெக்டர் அலுவலகத்தில் நேற்று மனு ஒன்றை அளித்தனர். அந்த மனுவில் கூறியிருப்பதாவது:- அளேசீபம் கிராமம் தர்மபுரி - ஓசூர் மெயின் ரோட்டில் ராயகோட்டையிலிருந்து 11 கிலோ மீட்டரிலும், ஓசூரில் இருந்து 24 கிலோ மீட்டர் தூரத்திலும் உள்ளது. எங்கள் கிராமத்தைச் சுற்றியுள்ள கொடகாரப்பள்ளி, வரதராஜபுரம், மாமரத்துப்பட்டி, பூவரசம்பட்டி, நடராலப்பள்ளி, பண்டப்பள்ளி, பாலேபுரம், கொத்தூர், மெட்டரை, கரடிகுட்டை ஆகிய கிராமங்களில் 1,500-க்கும் மேற்பட்ட குடியிருப்புகள் உள்ளன.

இந்த நிலையில் எங்கள் கிராமத்தில் உள்ள துணை சுகாதார நிலையத்தில் ஒரு நர்சு மட்டும் பணியாற்றி வருகிறார். டாக்டர்கள் வருவதில்லை. இதனால் இங்குள்ளவர்கள் பல்வேறு நோய்கள், பிரசவம், விபத்து மற்றும் அவசர சிகிச்சைகளுக்கு ராயக்கோட்டை அல்லது ஓசூர் வரை செல்ல வேண்டிய நிலை உள்ளது. இதனால் இப்பகுதியில் உள்ளவர்கள் மிகவும் சிரமத்திற்குள்ளாகி வருகின்றனர். எனவே இங்குள்ள துணை சுகாதார நிலையத்தை தரம் உயர்த்தி நிரந்தரமாக டாக்டர்களை நியமித்து, அவசரகால ஆம்புலன்ஸ் வாகனம் நிறுத்தி வைக்க நடவடிக்கை எடுக்க வேண்டும். இவ்வாறு அந்த மனுவில் கூறப்பட்டுள்ளது.

அப்போது தகவல் தொழில்நுட்ப பிரிவு மாவட்ட செயலாளர் நவீன்குமார், ஊர்கவுண்டர் நாராயணன் மற்றும் முரளி உட்பட பலர் உடன் இருந்தனர்.

தொடர்புடைய செய்திகள்

1. குறைதீர்க்கும் நாள் கூட்டம்: இலவச வீட்டுமனை பட்டா வழங்கக்கோரி பொதுமக்கள் கலெக்டரிடம் மனு
புதுக்கோட்டையில் நடைபெற்ற மக்கள் குறைதீர்க்கும் நாள் கூட்டத்தில் இலவச வீட்டுமனை பட்டா வழங்கக்கோரி பொதுமக்கள் கலெக்டரிடம் மனு அளித்தனர்.
2. குடிநீர் கேட்டு கிராம மக்கள் கலெக்டரிடம் மனு
குடிநீர் கேட்டு கிராம மக்கள் மாவட்ட கலெக்டர் விஜயலட்சுமியிடம் மனு கொடுத்தனர்.
3. சிவகாசியில் 3–வது நாளாக பட்டாசு தொழிலாளர்கள் போராட்டம் ஆர்.டி.ஓ. நேரில் வந்து கோரிக்கை மனு பெற்றுக்கொண்டார்
சிவகாசியில் பல்வேறு கோரிக்கைகளை வலியுறுத்தி பட்டாசு தொழிலாளர்கள் 3–வது நாளாக நேற்று போராட்டம் நடத்தினர். முடிவில் ஆர்.டி.ஓ. நேரில் வந்து கோரிக்கை மனுவை பெற்றுக்கொண்டார்.
4. பிறந்தநாளை முன்னிட்டு ஜெயலலிதா பேனர் வைக்க அனுமதி கேட்கும் மனுக்களுக்கு பதில் அளிக்க வேண்டும் தமிழக அரசுக்கு, ஐகோர்ட்டு உத்தரவு
ஜெயலலிதா பிறந்தநாளை முன்னிட்டு பேனர்கள் வைக்க அனுமதி கேட்கும் மனுக்களுக்கு பதில் அளிக்க தமிழக அரசுக்கு ஐகோர்ட்டு உத்தரவிட்டுள்ளது.
5. ஜெயலலிதா பிறந்த நாளுக்கு பேனர்கள் வைக்க அனுமதி கோரிய மனு நிராகரிப்பு
ஜெயலலிதா பிறந்த நாளுக்கு பேனர்கள் வைக்க அனுமதி கோரிய மனுவை நீதிபதிகள் நிராகரித்து உள்ளனர்.

ஆசிரியரின் தேர்வுகள்...