மாவட்ட செய்திகள்

மாவட்டத்தில் 100 சதவீதம் தேர்ச்சி பெற்று தந்த ஆசிரியர்களுக்கு பாராட்டு சான்றிதழ் கலெக்டர் வழங்கினார் + "||" + The Collector of the Complimentary Certificate was awarded to the teachers who passed 100 per cent in the district

மாவட்டத்தில் 100 சதவீதம் தேர்ச்சி பெற்று தந்த ஆசிரியர்களுக்கு பாராட்டு சான்றிதழ் கலெக்டர் வழங்கினார்

மாவட்டத்தில் 100 சதவீதம் தேர்ச்சி பெற்று தந்த ஆசிரியர்களுக்கு பாராட்டு சான்றிதழ் கலெக்டர் வழங்கினார்
சேலம் மாவட்டத்தில் 100 சதவீதம் தேர்ச்சி பெற்று தந்த ஆசிரியர்களுக்கு கேடயம்-பாராட்டு சான்றிதழ்களை கலெக்டர் ரோகிணி வழங்கினார்.
சேலம்,

சேலம் அம்மாபேட்டை ஹோலிகிராஸ் மெட்ரிக் மேல்நிலைப்பள்ளியில் ஆசிரியர் தினவிழா கொண்டாடப்பட்டது. இதற்கு மாவட்ட கலெக்டர் ரோகிணி தலைமை தாங்கினார். தொடர்ந்து அவர் 2017-18-ம் கல்வி ஆண்டில் 10 மற்றும் 12-ம் வகுப்பு அரசு பொதுத்தேர்வில் 100 சதவீதம் தேர்ச்சி பெற்று தந்த அரசு மற்றும் அரசு உதவிபெறும் பள்ளி தலைமை ஆசிரியர்கள், ஆசிரியர்களுக்கு கேடயம் மற்றும் பாராட்டு சான்றிதழ்களை வழங்கி பேசினார். அப்போது அவர் கூறியதாவது:-கடந்த ஆண்டு நடைபெற்ற 10-ம் வகுப்பு பொதுத்தேர்வில் மாநில அளவில் 91.1 சதவீதம் மாணவ-மாணவிகள் தேர்ச்சி பெற்றுள்ளனர். சேலம் மாவட்டம் 95.08 சதவீதம் தேர்ச்சி பெற்று மாநில அளவில் 19-வது இடத்தை பெற்றுள்ளது. இதேபோன்று 12-ம் வகுப்பு பொதுத்தேர்வில் மாநில அளவில் 94.5 சதவீதம் தேர்ச்சி பெற்றுள்ளது. சேலம் மாவட்டம் 95.24 சதவீத தேர்ச்சி பெற்று மாநில அளவில் 18-வது இடத்தை பெற்றுள்ளது.

ஆசிரியர் தினத்தை முன்னிட்டு சேலம் மாவட்டத்தில் உள்ள அரசு மற்றும் அரசு நிதியுதவி பெறும் உயர், மேல்நிலைப்பள்ளிகளில் கடந்த ஆண்டு 10-ம் வகுப்பில் 100 சதவீதம் தேர்ச்சி பெற்று தந்த 1,518 பேர், அதேபோன்று 12-ம் வகுப்பில் 100 சதவீதம் தேர்ச்சி பெற்று தந்த 683 பேர் என மொத்தம் 2,201 ஆசிரியர்களுக்கு பாராட்டு சான்றிதழ்கள் வழங்கப்படும். இதேபோன்று 65 உயர்நிலைப்பள்ளி தலைமை ஆசிரியர்கள், மேல்நிலைப்பள்ளி தலைமை ஆசிரியர்கள் 7 பேருக்கு கேடயம் மற்றும் பாராட்டுச் சான்றிதழ்கள் வழங்கப்படுகிறது. இவ்வாறு அவர் கூறினார்.

இந்த நிகழ்ச்சியில் முதன்மைக்கல்வி அதிகாரி கணேஷ்மூர்த்தி, கல்வி அலுவலர்கள் தங்கவேல் (சேலம்), ரமேஷ் (ஆத்தூர்) விஜயா (எடப்பாடி), ராமசாமி (சங்ககிரி), மதன்குமார் (சேலம் ஊரகம்) உள்பட அரசு அலுவலர்கள் பலர் கலந்துகொண்டனர்.

தொடர்புடைய செய்திகள்

1. கஜா புயல் நடவடிக்கை: எதிர்க்கட்சிகளின் பாராட்டு அரசுக்கு உற்சாகம் தருகிறது - அமைச்சர் செல்லூர் ராஜூ பேட்டி
கஜா புயல் நடவடிக்கையில் அரசின் செயல்பாட்டு எதிர்க்கட்சிகள் பாராட்டு தெரிவித்து இருப்பது அரசுக்கு உற்சாகத்தை தருகிறது என்று அமைச்சர் செல்லூர் ராஜூ கூறினார்.
2. பழனியில் பரபரப்பு: ஓய்வு பெற்ற கோவில் ஊழியர்களுக்கு சான்றிதழ் வழங்க லஞ்சம்? போலீசார் நடத்திய சோதனையில் ரூ.34 ஆயிரம் பறிமுதல்
ஓய்வு பெற்ற கோவில் ஊழியர்களுக்கு, சான்றிதழ் வழங்குவதற்காக லஞ்சம் கொடுப்பதாக புகார் எழுந்தது. இது தொடர்பாக போலீசார் நடத்திய சோதனையில் ரூ.34 ஆயிரம் சிக்கியதால் பழனியில் பரபரப்பு ஏற்பட்டுள்ளது.
3. எழுத்தறிவு தேர்வில் சாதனை படைத்த 96 வயது மூதாட்டி; கேரள முதல் மந்திரி சான்றிதழ் வழங்கினார்
கற்பதற்கு வயது தடை இல்லை என நிரூபித்த 96 வயது மூதாட்டிக்கு கேரள முதல் மந்திரி பினராயி விஜயன் இன்று சான்றிதழ் வழங்கினார்.
4. தொடக்க ஆட்டத்தில் இலங்கை படுதோல்வி: 144 ரன்கள் குவித்த முஷ்பிகுர் ரஹிமுக்கு கேப்டன் மோர்தசா பாராட்டு
ஆசிய கோப்பை கிரிக்கெட்டில் இலங்கைக்கு எதிராக 144 ரன்கள் குவித்து வெற்றிக்கு வித்திட்ட வங்காளதேச பேட்ஸ்மேன் முஷ்பிகுர் ரஹிமை, கேப்டன் மோர்தசா வெகுவாக பாராட்டியுள்ளார்.
5. பெண் தவறவிட்ட ரூ.80 ஆயிரத்தை ஒப்படைத்த ஆட்டோ டிரைவர், போலீசார் பாராட்டு
சமயநல்லூர் அருகே பெண் தவறவிட்ட ரூ.80 ஆயிரத்தை ஒப்படைத்த ஆட்டோ டிரைவருக்கு போலீசார் பாராட்டு தெரிவித்தனர்.