மாவட்ட செய்திகள்

கயத்தாறு அருகே காற்றாலை அமைக்க இடைக்கால தடை - மதுரை ஐகோர்ட்டு உத்தரவு + "||" + The interim ban on windmills near Kayatharu

கயத்தாறு அருகே காற்றாலை அமைக்க இடைக்கால தடை - மதுரை ஐகோர்ட்டு உத்தரவு

கயத்தாறு அருகே காற்றாலை அமைக்க இடைக்கால தடை - மதுரை ஐகோர்ட்டு உத்தரவு
கயத்தாறு அருகே காற்றாலை அமைப்பதற்கு இடைக்கால தடை விதித்து மதுரை ஐகோர்ட்டு உத்தரவிட்டு உள்ளது.

மதுரை,

தூத்துக்குடி மாவட்டம் கயத்தாறு அருகே உள்ள வடக்கு இலந்தைகுளத்தைச் சேர்ந்த முருகன், மதுரை ஐகோர்ட்டில் தாக்கல் செய்த மனுவில் கூறியிருந்ததாவது:–

எங்கள் கிராமத்தில் தனியார் காற்றாலை அமைக்கும் பணிக்காக விவசாய நிலங்களை விலைக்கு வாங்கி வருகின்றனர். விவசாய நிலங்கள், நீரோடைகள் உள்ளிட்ட பகுதிகளில் காற்றாலை அமைப்பதற்கான உதிரி பாகங்கள் கொண்டு செல்வதற்கு பாதை அமைக்கின்றனர். இந்த பாதைக்காக உப்போடை பகுதியில் உள்ள தடுப்பு அணைகள், கால்வாய்கள் மற்றும் விவசாய நிலங்களை சேதப்படுத்தி வருகின்றனர்.

எங்கள் பகுதியில் முக்கிய நீர் ஆதாரமாக உப்போடை உள்ளது. இந்த ஓடை சேதப்படுத்தப்படுவதால் நீர் ஆதாரம் பாதிக்கப்படும் நிலை ஏற்பட்டு உள்ளது.

எனவே எங்கள் பகுதியில் விவசாயத்தை பாதிக்கும் வகையில் தனியார் நிறுவனங்கள் சார்பில் காற்றாலைகள் அமைக்க அனுமதிக்கக்கூடாது என்று வலியுறுத்தி கிராமசபை கூட்டத்தில் தீர்மானம் நிறைவேற்றி உள்ளோம். கிராம சபை தீர்மானம் குறித்தும், காற்றாலைகள் அமைப்பதை தடுக்கக்கோரியும் கலெக்டர் உள்ளிட்ட அதிகாரிகளிடம் மனு அளித்து உள்ளோம். ஆனால் அதிகாரிகள் எந்த நடவடிக்கையும் எடுக்கவில்லை. கால்வாய்களை சேதப்படுத்தியதால் எங்களுக்கு தண்ணீர் தட்டுப்பாடு நிலவுகிறது. விவசாயமும் பாதிக்கும் அபாயம் ஏற்பட்டுள்ளது. எனவே எங்கள் பகுதியில் காற்றாலைகள் அமைப்பதற்கு தடை விதித்து உத்தரவிட வேண்டும்.

இவ்வாறு மனுவில் கூறியிருந்தார்.

இந்த வழக்கு நீதிபதிகள் எம்.எம்.சுந்தரேஷ், என்.சதீஷ்குமார் ஆகியோர் முன்பு விசாரணைக்கு வந்தது. மனுதாரர் சார்பில் வக்கீல் எம்.பிரபு ஆஜரானார்.

முடிவில், வடக்கு இலந்தைகுளம் பகுதியில் காற்றாலைகள் அமைக்கும் பணிக்கு இடைக்கால தடை விதித்து நீதிபதிகள் உத்தரவிட்டனர்.


தொடர்புடைய செய்திகள்

1. ராஜபாளையம்-செங்கோட்டை 4 வழிச்சாலையை மாற்றுப்பாதையில் அமைக்கக்கோரி வழக்கு அதிகாரிகள் பதில் அளிக்க, ஐகோர்ட்டு உத்தரவு
ராஜபாளையம்-செங்கோட்டை இடையே அமையவுள்ள 4 வழிச்சாலையை மாற்றுப்பாதையில் அமைக்கக்கோரிய வழக்கில் பதில் மனு தாக்கல் செய்ய அதிகாரிகளுக்கு மதுரை ஐகோர்ட்டு உத்தரவிட்டுள்ளது.
2. கல்வி நம்மை முழு மனிதனாக உருவாக்குகிறது ஐகோர்ட்டு முன்னாள் தலைமை நீதிபதி பெர்மோட் கோலி பேச்சு
கல்வி நம்மை முழு மனிதனாக உருவாக்குகிறது என்று ஐகோர்ட்டு முன்னாள் தலைமை நீதிபதி பெர்மோட் கோலி கூறினார்.
3. கீழடி, ஆதிச்சநல்லூர் அகழாய்வு விவகாரம்: மத்திய அரசுக்கு, நீதிபதிகள் திடீர் உத்தரவு
கீழடி, ஆதிச்சநல்லூர் அகழாய்வு விவகாரம் தொடர்பாக நடவடிக்கை எடுக்க மத்திய அரசுக்கு மதுரை ஐகோர்ட்டு உத்தரவு பிறப்பித்தது. நிறைவேற்றவில்லை என்றால் அவமதிப்பு நடவடிக்கையை ஐகோர்ட்டு எடுக்கும் என எச்சரித்தது.
4. நெடுஞ்சாலைகளில் ஒவ்வொரு 50 கிலோ மீட்டர் தூரத்திலும் போக்குவரத்து கழகம் சார்பில் தரமான உணவகங்கள் ஏற்படுத்தக் கோரி வழக்கு; அதிகாரிகள் பதிலளிக்க மதுரை ஐகோர்ட்டு உத்தரவு
நெடுஞ்சாலைகளில் ஒவ்வொரு 50 கிலோ மீட்டர் தூரத்திலும் போக்குவரத்துக்கழகம் சார்பில் தரமான உணவகங்கள் ஏற்படுத்தக்கோரி மதுரை ஐகோர்ட்டில் வழக்கு தொடரப்பட்டது. இது தொடர்பாக சம்பந்தப்பட்ட அதிகாரிகள் பதிலளிக்கும்படி நோட்டீஸ் அனுப்ப நீதிபதிகள் உத்தரவிட்டனர்.
5. சமணர் அடையாளங்களை பாரம்பரிய சின்னங்களாக அறிவிக்காதது ஏன்? ஐகோர்ட்டு கேள்வி
சமணர் அடையாளங்களை பாரம்பரிய சின்னங்களாக அறிவிக்காதது ஏன்? என்று தொல்லியல் துறை அதிகாரிகளுக்கு மதுரை ஐகோர்ட்டு கேள்வி எழுப்பியது.