மாவட்ட செய்திகள்

அருப்புக்கோட்டையில் கான்டிராக்டர் செய்யாத்துரை வீட்டில் வருமான வரித்துறையினர் மீண்டும் சோதனை + "||" + Income tax returns are re-tested In Aruppukkottai contracter seyyathurai house

அருப்புக்கோட்டையில் கான்டிராக்டர் செய்யாத்துரை வீட்டில் வருமான வரித்துறையினர் மீண்டும் சோதனை

அருப்புக்கோட்டையில் கான்டிராக்டர் செய்யாத்துரை வீட்டில் வருமான வரித்துறையினர் மீண்டும் சோதனை
அருப்புக்கோட்டையில் உள்ள காண்டிராக்டர் செய்யாத்துரை வீட்டில் வருமான வரித்துறை அதிகாரிகள் மீண்டும் சோதனை செய்தனர். இந்த சோதனை இரவு வரை நீடித்ததால் பரபரப்பு ஏற்பட்டது.

அருப்புக்கோட்டை,

விருதுநகர் மாவட்டம் அருப்புக்கோட்டை அருகே பாலையம்பட்டியை சேர்ந்தவர், காண்டிராக்டர் செய்யாத்துரை. நெடுஞ்சாலைத்துறைகளில் நடைபெறும் பல்வேறு சாலை பணிகள், கட்டுமான பணிகள் போன்றவற்றை ஒப்பந்தம் எடுத்து தமிழகம் முழுவதும் செய்து வருகிறார்.

அருப்புக்கோட்டை, மதுரை, சென்னை உள்ளிட்ட பல்வேறு ஊர்களில் இவரது நிறுவனம் சார்பில் சாலைகள் அமைக்கும் பணிகள் நடப்பதால் அங்கும் அவரது நிறுவன அலுவலகங்கள் உள்ளன. இந்தநிலையில் கடந்த ஜூலை 16–ந்தேதி செய்யாத்துரைக்கு சொந்தமான 3 வீடுகள் மற்றும் அவரது அலுவலகங்களில் வருமானவரித்துறையினர் 20–க்கும் மேற்பட்டோர் ஒரே நேரத்தில் திடீர் சோதனையில் ஈடுபட்டனர். இந்த சோதனை 5 நாட்களுக்கும் மேலாக நடைபெற்று பரபரப்பை ஏற்படுத்தியது.

சோதனையில் ரூ.120 கோடி, 100 கிலோ தங்கம், தொழில் தொடர்பான முக்கிய ஆவணங்கள், வங்கி ஆவணங்கள் பறிமுதல் செய்யப்பட்டன. அத்துடன் செய்யாத்துரை மற்றும் அவரது மகன்களின் வங்கி கணக்குகள் முடக்கப்பட்டன. மேலும் வருமான வரித்துறை அதிகாரிகள் சென்னையில் உள்ள செய்யாத்துரையின் மகன் நாகராஜனை அருப்புக்கோட்டைக்கு அழைத்து வந்து பல மணி நேரம் விசாரணை மேற்கொண்டனர்.

அந்த சோதனையின் போது பறிமுதல் செய்த ஆவணங்களை அதிகாரிகள், செய்யாத்துரையின் அருப்புக்கோட்டை அலுவலகத்தில் உள்ள ஒரு அறையில் வைத்து பூட்டி சீல் வைத்து சென்றனர்.

இந்தநிலையில் 2 மாதங்களுக்கு பிறகு நேற்று 3 கார்களில் வந்த 10–க்கும் மேற்பட்ட வருமான வரித்துறை அதிகாரிகள் அருப்புக்கோட்டையில் உள்ள செய்யாத்துரை வீடு மற்றும் அலுவலகத்தில் மீண்டும் சோதனை நடத்தினர். அப்போது அவரது அலுவலகத்தில் சீல் வைக்கப்பட்ட அறையை அவரது மகன் நாகராஜனை வைத்து திறந்து ஆவணங்களை எடுத்தனர்.

பின்னர் முக்கிய ஆவணங்கள், வங்கி கணக்குகளை காட்டி செய்யாத்துரை, அவரது மகன் நாகராஜனிடம் விசாரணை மேற்கொண்டனர். மேலும் கருப்பசாமி, பாலசுப்பிரமணியன், ஈஸ்வரன் ஆகியோரிடமும், செய்யாத்துரை ஆடிட்டரிடமும் விசாரணை நடைபெற்றது.

இந்த விசாரணை நேற்றிரவு வரை தொடர்ந்தது. இதனால் அருப்புக்கோட்டையில் செய்யாத்துரை வீடு மற்றும் அலுவலகத்தில் பரபரப்பு நிலவியது.


தொடர்புடைய செய்திகள்

1. காரைக்காலில் நள்ளிரவில் பரபரப்பு: நடுக்கடலில் நின்ற கப்பலை கரைக்கு இழுத்து வந்த கஜா புயல்
காரைக்கால் அருகே நள்ளிரவில் நடுக்கடலில் நின்ற கப்பலை கஜா புயல் கரைக்கு இழுத்து வந்த சம்பவம் பரபரப்பை ஏற்படுத்தி உள்ளது.
2. தாராபுரத்தில் சாக்குமூடையில் பிணம் மீட்பு: அண்ணியை கொன்ற வியாபாரி உள்பட 2 பேர் கைது
தாராபுரத்தில் சாக்குமூடையில் பிணம் மீட்கப்பட்ட விவகாரத்தில், அண்ணியை கொன்று உடலை சாக்குமூடையில் கட்டி வீசியதாக வியாபாரி உள்பட 2 பேரை போலீசார் கைது செய்தனர்.
3. மார்த்தாண்டம் அருகே பரபரப்பு: பள்ளிக்கூடத்துக்குள் புகுந்து மாணவிகளுக்கு அரிவாள் வெட்டு - அரசு பஸ் டிரைவர் கைது
பள்ளிக்கூடத்துக்குள் புகுந்து மாணவிகள் உள்பட 4 பேருக்கு அரிவாள் வெட்டு விழுந்தது. இதுதொடர்பாக அரசு பஸ் டிரைவர் கைது செய்யப்பட்டார்.
4. இளம்பெண் எலும்புக்கூடாக கிடந்த வழக்கு; திருமணம் செய்ய வற்புறுத்தியதால் கழுத்தை நெரித்து கொலை
ராமநாதபுரம் மாவட்டம் உத்தரகோசமங்கை அருகே கண்மாய் பகுதியில் எரிந்த நிலையில் எலும்புக்கூடாக இளம்பெண் கிடந்த சம்பவம் தொடர்பாக தேடப்பட்டு வந்த காதலன் போலீசில் சரணடைந்தார்.
5. சிவகிரி அருகே காதல் திருமணம் செய்த வாலிபர் காரில் கடத்தல்; 6 பேர் கைது
சிவகிரி அருகே, காதல் திருமணம் செய்த வாலிபரை காரில் கடத்திய 6 பேரை போலீசார் கைது செய்தனர். மேலும் 2 பெண்களை வலைவீசி தேடி வருகிறார்கள்.