மாவட்ட செய்திகள்

கலெக்டர் பேச்சுவார்த்தையை தொடர்ந்து ராமேசுவரம் மீனவர்களின் வேலை நிறுத்தம் வாபஸ் + "||" + Collector's talks continue The fishermen's strike was withdrawn

கலெக்டர் பேச்சுவார்த்தையை தொடர்ந்து ராமேசுவரம் மீனவர்களின் வேலை நிறுத்தம் வாபஸ்

கலெக்டர் பேச்சுவார்த்தையை தொடர்ந்து ராமேசுவரம் மீனவர்களின் வேலை நிறுத்தம் வாபஸ்
ராமநாதபுரம் மாவட்ட கலெக்டர் வீரராகவராவ் நடத்திய பேச்சுவார்த்தையை தொடர்ந்து ராமேசுவரம் மீனவர்கள் வேலை நிறுத்தத்தை வாபஸ் பெற்றனர்.

ராமேசுவரம்,

இலங்கையில் சிறைபிடிக்கப்பட்டுள்ள தமிழக படகுகளை மீட்க மத்திய–மாநில அரசுகளை வலியுறுத்தி கடந்த 3–ந்தேதி முதல் ராமேசுவரம் பகுதி மீனவர்கள் வேலை நிறுத்தத்தில் ஈடுபட்டு வந்தனர். நேற்று பஸ் நிலையம் அருகே இந்த கோரிக்கைகளை வலியுறுத்தி கண்டன ஆர்ப்பாட்டம் நடத்துவது என அறிவித்திருந்தனர்.

இதுபற்றி அறிந்த கலெக்டர் வீரராகவராவ் மீனவர் சங்க தலைவர்களை அழைத்து பேச்சுவார்த்தை நடத்தினார். இதில் என்.ஜே.போஸ், சேசு, எமரிட், சகாயம், அல்போன்ஸ் உள்பட மீனவர் சங்க தலைவர்கள் கலந்து கொண்டனர்.

அப்போது மீனவர்களின் பிரச்சினையை அரசின் கவனத்துக்கு கொண்டு சென்று உரிய நடவடிக்கை மேற்கொள்வதாக கலெக்டர் உறுதி அளித்தார். அதை தொடர்ந்து நேற்று நடைபெற இருந்த ஆர்ப்பாட்டத்தை கைவிடுவதாக மீனவர் சங்க தலைவர்கள் தெரிவித்தனர்.

மேலும் கடந்த 5 நாட்களாக நடைபெற்று வந்த வேலை நிறுத்தத்தையும் வாபஸ் பெற்றனர். இதையடுத்து இன்று (சனிக்கிழமை) மீனவர்கள் கடலுக்கு செல்ல உள்ளனர். கடந்த 5 நாட்களுக்கு பிறகு மீனவர்கள் கடலுக்கு செல்வதையொட்டி ராமேசுவரம் துறைமுக பகுதி மீண்டும் களை கட்டியுள்ளது.


தொடர்புடைய செய்திகள்

1. ராமேசுவரம் மீனவர்கள் கால வரையற்ற வேலை நிறுத்தம் அறிவிப்பு
ராமேசுவரம் அனைத்து விசைப்படகு மீனவர்கள் சங்கக் கூட்டம் தலைவர் சேசுராஜா தலைமையில் நடைபெற்றது. இக்கூட்டத்தில் தட்சிணாமூர்த்தி, பெனிட்டோ உள்பட அனைத்து மீனவர்கள் சங்க தலைவர்கள், நிர்வாகிகள் கலந்து கொண்டனர்.
2. 7-வது நாளாக நீடிக்கும் வேலை நிறுத்தம் பெஸ்ட் பஸ் ஊழியர்கள் பணிக்கு திரும்புவது எப்போது? மும்பைவாசிகள் கடும் அதிருப்தி
மும்பையில் 7-வது நாளாக இன்றும் பெஸ்ட் பஸ் ஊழியர்களின் வேலை நிறுத்தம் நீடிக்கிறது. அவர்கள் பணிக்கு திரும்பி நகரில் பஸ்கள் இயங்குவது எப்போது என்பது தெரியாமல் மும்பைவாசிகள் கடும் அதிருப்திக்குள்ளாகி இருக்கின்றனர்.
3. கப்பலால் மோதி படகை மூழ்கடித்ததில் ஒருவர் பலி? ராமேசுவரத்தைச் சேர்ந்த 18 பேர் உள்பட 27 மீனவர்கள் சிறைபிடிப்பு இலங்கை கடற்படையினர் அத்துமீறல்
நடுக்கடலில் மீன் பிடித்துக்கொண்டிருந்த ராமேசுவரம் மற்றும் ஜெகதாபட்டினத்தைச் சேர்ந்த 27 மீனவர்களை நேற்று இலங்கை கடற்படையினர் படகுகளுடன் சிறைபிடித்துச் சென்றனர். மேலும் இலங்கை கடற்படையினர் கப்பலால் மோதியதில் ஒரு மீனவர் கடலுக்குள் விழுந்து பலியானதாக கூறப்படுகிறது.
4. மானியத்தில் ஸ்கூட்டர் பெற பெண்கள் விண்ணப்பிக்கலாம் கலெக்டர் வீரராகவராவ் தகவல்
ராமநாதபுரம் மாவட்டத்தில் மானியத்தில் ஸ்கூட்டர் பெற விரும்பும் பெண்கள் விண்ணப்பிக்கலாம் என்று கலெக்டர் வீரராகவராவ் தெரிவித்துள்ளார்.
5. மீன்பிடி தடைக்கால நிவாரண தொகையை ரூ.10 ஆயிரமாக உயர்த்தி வழங்க வேண்டும் மீனவ தொழிலாளர் சங்கம் வலியுறுத்தல்
மீன்பிடி தடைக்கால நிவாரண தொகையை ரூ.10 ஆயிரமாக உயர்த்தி வழங்க வேண்டும் என மீனவ தொழிலாளர் சங்கம் வலியுறுத்தி உள்ளது.