மாவட்ட செய்திகள்

இன்று அமைச்சர் நமச்சிவாயம் பிறந்தநாள் விழா: நலத்திட்ட உதவிகள் வழங்க காங்கிரசார் ஏற்பாடு + "||" + Minister Namasiyavam birthday party

இன்று அமைச்சர் நமச்சிவாயம் பிறந்தநாள் விழா: நலத்திட்ட உதவிகள் வழங்க காங்கிரசார் ஏற்பாடு

இன்று அமைச்சர் நமச்சிவாயம் பிறந்தநாள் விழா: நலத்திட்ட உதவிகள் வழங்க காங்கிரசார் ஏற்பாடு
மாநில காங்கிரஸ் தலைவரும் அமைச்சருமான நமச்சிவாயம் பிறந்தநாள் விழாவையொட்டி இன்று ஏழைகளுக்கு நலத்திட்ட உதவிகள் வழங்கி காங்கிரசார் கொண்டாடுகிறார்கள்.
வில்லியனூர்,

புதுச்சேரி மாநில காங்கிரஸ் கமிட்டி தலைவரும், பொதுப்பணித்துறை அமைச்சருமான நமச்சிவாயத்துக்கு இன்று 49-வது பிறந்தநாள் ஆகும். இதையொட்டி காங்கிரஸ் கட்சியினர் கோலாகலமாக விழா கொண்டாட ஏற்பாடு செய்துள்ளனர். இன்று காலை 6 மணிக்கு பிரசித்திபெற்ற மணக்குள விநாயகர் கோவிலில் சிறப்பு பூஜை ஏற்பாடு செய்யப்பட்டுள்ளது. இதில் அமைச்சர் நமச்சிவாயம் கலந்துகொண்டு சாமி தரிசனம் செய்கிறார். இதன்பின் கருவடிக்குப்பத்தில் உள்ள சித்தானந்தர் கோவிலில் நடைபெறும் சிறப்பு பூஜையில் பங்கேற்று ஏழைகளுக்கு அன்னதானம் வழங்குகிறார். இதனைதொடர்ந்து தன்னுடைய குலதெய்வமான தட்டாஞ்சாவடி வீரபத்திரர் சாமி கோவிலில் தரிசனம் செய்கிறார். பின்னர் சர்வமத பிரார்த்தனை நடைபெறுகிறது. தொடர்ந்து வில்லியனூர் மணவெளியில் உள்ள தனது இல்லத்திற்கு சென்று பெற்றோரின் திருவுருவ படத்திற்கு மலர் அஞ்சலி செலுத்தி வணங்குகிறார். இதன்பின் தொண்டர்கள் ஏற்பாடு செய்துள்ள பிறந்தநாள் விழா கொண்டாட்டத்தில் கலந்துகொண்டு பிரமாண்ட கேக் வெட்டி பொதுமக்களுக்கு வழங்குகிறார்.

காலை 9 மணி முதல் 11 மணி வரை தனது இல்லத்தில் பொதுமக்களை சந்தித்து வாழ்த்து பெறுகிறார். வில்லியனூர் தொகுதி முழுவதும் காங்கிரஸ் கமிட்டி, மக்கள் நற்பணி மன்றங்கள் மற்றும் சுயஉதவி குழுக்கள் சார்பில் ஏற்பாடு செய்யப்பட்டுள்ள பல்வேறு நிகழ்ச்சிகளில் கலந்துகொண்டு ஏழை மக்களுக்கு நலத்திட்ட உதவிகள், மாணவர்களுக்கு நோட்டு புத்தகம் மற்றும் அன்னதானம் வழங்குகிறார். பின்னர் மாநிலம் முழுவதும் 30 சட்டமன்ற தொகுதிகளிலும் உள்ள ஆதரவற்ற முதியோர் மற்றும் குழந்தைகள் இல்லங்களுக்கு சென்று அன்னதானம் வழங்குகிறார். இதுதவிர காங்கிரஸ் கட்சியினர் சார்பில் ஆங்காங்கே அமைச்சர் நமச்சிவாயத்தின் பிறந்தநாள் விழாவுக்கு ஏற்பாடுகள் செய்துள்ளனர். இந்த நிகழ்ச்சிகளில் ஏழை, எளியவர்களுக்கு பல்வேறு நலத்திட்ட உதவிகளை வழங்குகிறார்.

தொடர்புடைய செய்திகள்

1. காங்கேயத்தில் வளர்ச்சி பணிகள் குறித்து மாவட்ட கண்காணிப்பு அதிகாரி ஆய்வு
காங்கேயம் வட்டார பகுதிகளில் பல்வேறு துறைகளின் சார்பில் மேற்கொள்ளப்பட்டு வரும் வளர்ச்சித் திட்டப்பணிகளை மாவட்ட கண்காணிப்பு அதிகாரி ஆய்வு செய்தார்.
2. மக்கள் சேவையில் மாணவர் காங்கிரசார் ஆர்வம் காட்டவேண்டும்; அமைச்சர் கமலக்கண்ணன் அறிவுறுத்தல்
மக்கள் சேவையில் மாணவர் காங்கிரசார் ஆர்வம் காட்டவேண்டும். என, வேளாண்துறை அமைச்சர் கமலக்கண்ணன் தொண்டர்கள், நிர்வாகிகளிடம் அறிவுறுத்தினார்.
3. தி.மு.க.வுக்கு ஒதுக்கப்பட்ட தொகுதியான தட்டாஞ்சாவடியில் காங்கிரஸ் போட்டி இல்லை - நாராயணசாமி பேட்டி
புதுவை தட்டாஞ்சாவடி தொகுதி இடைத்தேர்தலில் காங்கிரஸ் போட்டியிடவில்லை என்று முதல்–அமைச்சர் நாராயணசாமி கூறினார்.
4. வருகிற நாடாளுமன்ற தேர்தலில் புதுவையில் போட்டியிடும் காங்கிரஸ் வேட்பாளரை வெற்றி பெறச் செய்ய வேண்டும் - முதல் அமைச்சர் நாராயணசாமி பேச்சு
வருகிற நாடாளுமன்ற தேர்தலில் காங்கிரஸ் கட்சி சார்பில் புதுவையில் போட்டியிடும் வேட்பாளரை அதிக வாக்குகள் வித்தியாசத்தில் வெற்றி பெறச் செய்ய வேண்டும் என்று முதல் அமைச்சர் நாராயணசாமி கூறினார்.
5. வருமானத்திற்கு அதிகமாக சொத்துகுவித்த வழக்கில் என்.ஆர்.காங்கிரஸ் எம்.எல்.ஏ.வுக்கு ஒரு ஆண்டு சிறை
வருமானத்திற்கு அதிகமாக சொத்து குவித்த வழக்கில் புதுவை என்.ஆர். காங்கிரஸ் எம்.எல்.ஏ. அசோக் ஆனந்த், அவரது தந்தை ஆனந்தன் ஆகிய 2 பேருக்கும் தலா ஓராண்டு சிறை தண்டனை விதித்து புதுவை கோர்ட்டு தீர்ப்பளித்தது.