மாவட்ட செய்திகள்

இடத்தை காலி செய்யும்படி கொலை மிரட்டல் விடுத்ததாக அ.தி.மு.க. எம்.பி. மீது புகார் + "||" + Complaint against ADMK MP for murder threat

இடத்தை காலி செய்யும்படி கொலை மிரட்டல் விடுத்ததாக அ.தி.மு.க. எம்.பி. மீது புகார்

இடத்தை காலி செய்யும்படி கொலை மிரட்டல் விடுத்ததாக அ.தி.மு.க. எம்.பி. மீது புகார்
நீலகிரி மாவட்டத்தில் உள்ள ஏசியா டீ நிறுவன மேற்பார்வையாளர் மற்றும் பெண் தொழிலாளர்கள் மாவட்ட போலீஸ் சூப்பிரண்டு சண்முகப்பிரியாவிடம் நேற்று புகார் மனு கொடுத்தனர்.

ஊட்டி,

நீலகிரி மாவட்டம் கேத்தியில் உள்ள ஏசியா டீ நிறுவன மேற்பார்வையாளர் தேவி மற்றும் பெண் தொழிலாளர்கள் நேற்று மாவட்ட போலீஸ் சூப்பிரண்டு சண்முகப்பிரியாவிடம் ஒரு புகார் மனு கொடுத்தனர். அதில் அவர்கள் கூறியிருப்பதாவது:–

எங்களது நிறுவன உரிமையாளர் விஜயராஜூக்கும், அ.தி.மு.க.வை சேர்ந்த அர்ஜூணன் எம்.பி.க்கும் சில ஆண்டுகளாக டீ நிறுவன நிலம் தொடர்பாக முன்பகை உள்ளது. இந்த நிலையில் கடந்த 4–ந் தேதி அர்ஜூணன் எம்.பி. மற்றும் அவருடன் சிலர் வந்து எங்கள் நிறுவனத்தின் முன்பகுதியில் உள்ள கேட்டை உடைத்தனர். அந்த கேட்டின் அருகில் உள்ள வீட்டில்தான் நான் குடியிருந்து வருகிறேன்.

சத்தம் கேட்டு வீட்டைவிட்டு வெளியே வந்த நான், இதுபோன்ற அத்துமீறலில் ஏன் ஈடுபடுகிறீர்கள் என்று கேட்டபோது, 2 நாட்களுக்குள் இந்த இடத்தை காலி செய்யவில்லை என்றால் குடும்பத்துடன் கொலை செய்துவிடுவதாக மிரட்டினார்கள். மேலும் நாங்கள் வெளியே செல்லும்போது எங்களை செல்போன் மூலம் புகைப்படம் எடுக்கிறார்கள். இது தொடர்பாக போலீசில் புகார் செய்தால் கண்டுகொள்வது இல்லை. எனவே இது குறித்து விசாரித்து உரிய நடவடிக்கை எடுக்க வேண்டும்.

இவ்வாறு அதில் கூறப்பட்டு இருந்தது.

இது தொடர்பாக விசாரணை செய்து நடவடிக்கை எடுக்கும்படி சம்பந்தப்பட்ட போலீசாருக்கு, போலீஸ் சூப்பிரண்டு உத்தரவிட்டுள்ளார்.


தொடர்புடைய செய்திகள்

1. வளசரவாக்கத்தில் தற்கொலை செய்வதாக மிரட்டிய மனைவியை தீ வைத்து எரித்த கணவர்
வளசரவாக்கத்தில் தீக்குளித்து தற்கொலை செய்வதாக மிரட்டிய மனைவியை அவரது கணவர் தீ வைத்து எரித்தார். இதில் படுகாயம் அடைந்த அவர் ஆஸ்பத்திரியில் சிகிச்சை பெற்று வருகிறார். தலைமறைவான கணவரை போலீசார் வலைவீசி தேடி வருகின்றனர்.
2. தனித்தொகுதி எம்.எல்.ஏ.க்களை தகுதி நீக்கம் செய்யும் சட்டப்பிரிவுகளை ரத்து செய்யக்கோரிய மனு தள்ளுபடி
தனித்தொகுதி எம்.எல்.ஏ.க்களை தகுதி நீக்கம் செய்வதற்கான சட்டப் பிரிவுகளை ரத்து செய்யக்கோரும் மனுவை சுப்ரீம் கோர்ட்டில் தள்ளுபடி செய்யப்பட்டது.
3. ராமநாதபுரம் இரட்டை கொலை: சரணடைந்த வாலிபரை காவலில் எடுத்து விசாரணை
ராமநாதபுரத்தில் நடந்த இரட்டை கொலை சம்பவம் தொடர்பாக சரணடைந்த வாலிபரை 2 நாட்கள் போலீஸ் காவலில் எடுத்து தனிப்படை போலீசார் தீவிர விசாரணை மேற்கொண்டு வருகின்றனர்.
4. தொழிலதிபரிடம் ரூ.1 கோடி கேட்டு நிழலுலக தாதா ரவி பூஜாரி மிரட்டல்
மகாராஷ்டிராவில் ரூ.1 கோடி கேட்டு நிழலுலக தாதா ரவி பூஜாரி மிரட்டல் விடுத்துள்ளார் என தொழிலதிபர் போலீசில் புகார் அளித்துள்ளார்.
5. இளம்பெண் எலும்புக்கூடாக கிடந்த வழக்கு; திருமணம் செய்ய வற்புறுத்தியதால் கழுத்தை நெரித்து கொலை
ராமநாதபுரம் மாவட்டம் உத்தரகோசமங்கை அருகே கண்மாய் பகுதியில் எரிந்த நிலையில் எலும்புக்கூடாக இளம்பெண் கிடந்த சம்பவம் தொடர்பாக தேடப்பட்டு வந்த காதலன் போலீசில் சரணடைந்தார்.