மாவட்ட செய்திகள்

சூலூர் அருகே லாரி மீது பஸ் மோதி தனியார் கல்லூரி பேராசிரியை உடல் நசுங்கி பலி + "||" + The bus on the truck collide Private college kills the professor

சூலூர் அருகே லாரி மீது பஸ் மோதி தனியார் கல்லூரி பேராசிரியை உடல் நசுங்கி பலி

சூலூர் அருகே லாரி மீது பஸ் மோதி தனியார் கல்லூரி பேராசிரியை உடல் நசுங்கி பலி
சூலூர் அருகே முன்னால் சென்ற லாரி மீது அரசு பஸ் மோதி விபத்துக்குள்ளானது. இதில் தனியார் கல்லூரி உதவி பேராசிரியை உடல் நசுங்கி பலியானார். மேலும், 6 பேர் படுகாயம் அடைந்தனர்.

சூலூர்,

திருச்சி மாவட்டம் அண்ணா நகர் பகுதியை சேர்ந்த அருணாசலம் என்பவருடைய மகள் அழகு ஜோதி (வயது 27). இவர் திருச்சி சமயபுரம் பகுதியில் உள்ள தனியார் கல்லூரியில் உதவி பேராசிரியையாக பணியாற்றி வந்தார். இந்த நிலையில், இவர் கோவையில் உள்ள உறவினர் வீட்டுக்கு வர முடிவு செய்தார். அதற்காக அவர் நேற்று முன்தினம் இரவு திருச்சியில் இருந்து கோவைக்கு அரசு பஸ்சில் வந்து கொண்டு இருந்தார்.

அந்த பஸ் அதிகாலை 4 மணிக்கு சூலூர் அருகே வந்தது. அப்போது முன்னால் சென்ற லாரி டிரைவர் திடீரென பிரேக் போட்டதால் அரசு பஸ் அந்த லாரியின் பின்னால் மோதியது. இதில் அந்த பஸ்சில் முன்பக்கம் அப்பளம் போல் நொறுங்கியது. பஸ்சின் முன் இருக்கையில் அமர்ந்து பயணம் செய்த அழகுஜோதி உடல் நசுங்கி சம்பவ இடத்திலேயே பரிதாபமாக இறந்தார்.

மேலும் இந்த விபத்தில் 6 பேர் படுகாயம் அடைந்தனர். அவர்களை அக்கம் பக்கத்தினர் மீட்டு சிகிச்சைக்காக சூலூர் பகுதியில் உள்ள தனியார் மருத்துவமனைக்கு அனுப்பி வைத்தனர். அங்கு அவர்களுக்கு சிகிச்சை அளிக்கப்பட்டு வருகிறது. காயம் அடைந்தவர்களின் பெயர் விவரம் தெரியவில்லை.

இதுகுறித்து தகவல் அறிந்து வந்த சூலூர் போலீஸ் சப்–இன்ஸ்பெக்டர் ஜான் ஜினியன் மற்றும் போலீசார் விரைந்து சென்று அழகு ஜோதியின் உடலை கைப்பற்றி பிரேத பரிசோதனைக்காக கோவை அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.


தொடர்புடைய செய்திகள்

1. வெள்ளனூர் அருகே சுற்றுலா வேன் கவிழ்ந்ததில் 12 பேர் படுகாயம்
வெள்ளனூர் அருகே சந்தனக்கூடு விழாவிற்கு சென்ற போது சுற்றுலா வேன் கவிழ்ந்ததில் 12 பேர் படுகாயமடைந்தனர்.
2. கல்குவாரி குட்டையில் மூழ்கி தாய்-மகள் பலி துணி துவைக்க சென்ற போது பரிதாபம்
தேன்கனிக்கோட்டை அருகே துணி துவைக்க சென்ற போது கல் குவாரி குட்டையில் மூழ்கி தாய்-மகள் பரிதாபமாக இறந்தனர்.
3. பண்ருட்டி அருகே மோட்டார் சைக்கிள் மீது லாரி மோதி புதுப்பெண் சாவு கணவர் உள்பட 3 பேருக்கு தீவிர சிகிச்சை
பண்ருட்டி அருகே மோட்டார் சைக்கிள் மீது லாரி மோதியதில் புதுப்பெண் உயிரிழந்தார். மேலும் கணவர் உள்பட 3 பேருக்கு டாக்டர்கள் தீவிர சிகிச்சை அளித்து வருகின்றனர்.
4. தாராபுரம் அருகே பரிதாபம்: சாலையோரம் நடந்து சென்றவர்கள் மீது கார் மோதியது; சிறுமி பலி
தாராபுரம் அருகே சாலையோரம் நடந்து சென்றவர்கள் மீது கார் மோதியது. இந்த விபத்தில் சிறுமி பலியானாள். குழந்தை உள்பட 5 பேர் படுகாயம் அடைந்தனர்.
5. ஊட்டி அரசு கலைக்கல்லூரியில் போலி சான்றிதழ் கொடுத்த 2 உதவி பேராசிரியர்கள் கைது
ஊட்டி அரசு கலைக்கல்லூரியில் போலி சான்றிதழ் கொடுத்த 2 உதவி பேராசிரியர்கள் கைது செய்யப்பட்டனர்.

அதிகம் வாசிக்கப்பட்டவை