மாவட்ட செய்திகள்

மாணவிக்கு பாலியல் தொல்லை: வாலிபருக்கு 3 ஆண்டு ஜெயில் + "||" + Sexual harassment of a student and a young man 3 years in jail

மாணவிக்கு பாலியல் தொல்லை: வாலிபருக்கு 3 ஆண்டு ஜெயில்

மாணவிக்கு பாலியல் தொல்லை: வாலிபருக்கு 3 ஆண்டு ஜெயில்
மாணவிக்கு பாலியல் தொல்லை கொடுத்த வாலிபருக்கு 3 ஆண்டு சிறை தண்டனை விதித்து செசன்ஸ் கோர்ட்டு தீர்ப்பு கூறியது.
வசாய்,

பால்கர் மாவட்டம் டெம்பி-கோவாடே பகுதியை சேர்ந்தவர் ரூபேஷ் பாட்டீல் (வயது26). தொழிலாளி. இவர் கடந்த 2013-ம் ஆண்டு அந்த பகுதியில் 10-ம் வகுப்பு படித்து வந்த 15 வயது மாணவி ஒருத்தியை பின் தொடர்ந்து சென்று பாலியல் தொல்லை கொடுத்து வந்தார்.

மேலும் ஒருநாள் அவர் மாணவியிடம் ஆபாசமாக எழுதப்பட்ட ஒரு காகிதத்தை கொடுத்து உள்ளார்.

இதை பார்த்து அதிர்ச்சி அடைந்த மாணவி தனது பெற்றோரிடம் கூறி அழுதாள். அவர்கள் ரூபேஷ் பாட்டீலை கண்டித்தனர்.

இருப்பினும் அந்த வாலிபர் கேட்கவில்லை. அந்த ஆண்டு ஜூலை மாதம் 13-ந் தேதி மாணவி பள்ளி முடிந்து வீட்டுக்கு வந்து கொண்டிருந்த போது, அவர் மாணவியின் தோளில் கையை போட்டு அநாகரிகமாக நடந்து உள்ளார். இதனால் பயந்து போன மாணவி வீட்டிற்கு ஓடிச்சென்று பெற்றோரிடம் கூறி அழுதாள்.

அவர்கள் ரூபேஷ் பாட்டீல் மீது போலீசில் புகார் கொடுத்தனர். அதன்பேரில் போலீசார் அவரை கைது செய்து செசன்ஸ் கோர்ட்டில் வழக்கு தொடர்ந்தனர்.

இந்த வழக்கு விசாரணை நிறைவில், அவர் மாணவிக்கு பாலியல் தொல்லை கொடுத்த குற்றச்சாட்டு நிரூபணமானது. இதையடுத்து தீர்ப்பு கூறிய கோர்ட்டு ரூபேஷ் பாட்டீலுக்கு 3 ஆண்டு சிறை தண்டனையும், ரூ.5,500 அபராதமும் விதித்து தீர்ப்பு கூறியது. 

தொடர்புடைய செய்திகள்

1. கம்ப்யூட்டர் என்ஜினீயருக்கு 2 ஆண்டு சிறை : பெங்களூரு கோர்ட்டு தீர்ப்பு
இளம்பெண்களுக்கு ஆபாச படங்கள் அனுப்பிய வழக்கில் கம்ப்யூட்டர் என்ஜினீயருக்கு 2 ஆண்டு சிறை தண்டனை விதித்து பெங்களூரு கோர்ட்டு தீர்ப்பு அளித்தது.
2. டெல்லியில் சிறுமிக்கு பாலியல் தொல்லை கொடுத்த சாமியார் கைது
டெல்லியில் கோவிலில் சிறுமிக்கு பாலியல் தொல்லை கொடுத்த சாமியார் கைது செய்யப்பட்டார்.
3. கற்பழிப்பு வழக்கில் சிறுவனுக்கு விதிக்கப்பட்ட 20 ஆண்டு சிறை தண்டனை ரத்து
கற்பழிப்பு வழக்கில் சிறுவனுக்கு விதிக்கப்பட்ட 20 ஆண்டு சிறை தண்டனையை மும்பை ஐகோர்ட்டு ரத்து செய்து உத்தரவிட்டது.
4. கடற்படை ரகசியம் கசிந்த விவகாரம்: ஓய்வு பெற்ற ராணுவ அதிகாரிக்கு 7 ஆண்டு சிறை
கடற்படை ரகசியம் கசிய விட்டதாக எழுந்த குற்றச்சாட்டில் கைது செய்யப்பட்ட ஓய்வு பெற்ற ராணுவ அதிகாரிக்கு 7 ஆண்டு சிறை தண்டனை விதிக்கப்பட்டுள்ளது.
5. 80 நடிகைகளுக்கு பாலியல் தொல்லை: ஹார்வி வெயின் ஸ்டீன் மீதான பாலியல் புகார் படமாகிறது
80 நடிகைகளுக்கு பாலியல் தொல்லை கொடுத்த ஹார்வி வெயின் ஸ்டீன் மீதான பாலியல் புகார் படமாக்கப்பட உள்ளது.