மாவட்ட செய்திகள்

சிவகங்கை மாவட்டத்தில் லோக் அதாலத் மூலம் 1,590 வழக்குகளுக்கு தீர்வு + "||" + Sivagangai district Solving cases by Lok Adalat

சிவகங்கை மாவட்டத்தில் லோக் அதாலத் மூலம் 1,590 வழக்குகளுக்கு தீர்வு

சிவகங்கை மாவட்டத்தில் லோக் அதாலத் மூலம் 1,590 வழக்குகளுக்கு தீர்வு
சிவகங்கை மாவட்டத்தில் நடைபெற்ற மாவட்ட அளவிலான லோக் அதாலத் எனப்படும் மக்கள் நீதிமன்றம் மூலம் 1,590 வழக்குகளுக்கு தீர்வு காணப்பட்டது.

சிவகங்கை,

தேசிய சட்டப்பணிகள் ஆணையத்தின் உத்தரவுப்படியும், தமிழ்நாடு சட்டப்பணிகள் ஆணையத்தின் வழிகாட்டுதலின் பெயரிலும் சிவகங்கை மாவட்டத்தில் லோக் அதாலத் எனப்படும் தேசிய மக்கள் நீதிமன்றம் நேற்று நடைபெற்றது. இதையொட்டி மாவட்டத்தில் 12 மக்கள் நீதிமன்றங்கள் அமைக்கப்பட்டு நிலுவையில் உள்ள உரிமையியல் மற்றும் குற்ற வழக்குகளும், வங்கி கடன் நிலுவை சம்பந்தப்பட்ட நீதிமன்றத்தில் தாக்கல் செய்யப்படாத வழக்குகளும் விசாரணைக்காக எடுத்துக்கொள்ளப்பட்டன.

சிவகங்கை மாவட்ட முதன்மை நீதிபதி செந்தூர்பாண்டியன், கூடுதல் நீதிபதி தணியரசு, குடும்ப நல நீதிமன்ற நீதிபதி சுப்பிரமணியன், முதன்மை குற்றவியல் நீதித்துறை நடுவர் ராதிகா, சார்பு நீதிபதி மற்றும் மாவட்ட சட்டப்பணிகள் ஆணைய செயலாளருமான வடிவேலு, சார்பு நீதிபதி செல்வகுமார், மாவட்ட உரிமையியல் நீதிபதி அச்சுதன், குற்றவியல் நீதித்துறை நடுவர் லலிதாராணி ஆகியோர் சிவகங்கை நகரிலுள்ள வழக்குகளை விசாரித்தனர். அவர்களுடன் வக்கீல்கள் செங்கோல், முருகன், கண்ணன், முத்துபாண்டியன், சரவணன் மற்றும் உதயகுமார் ஆகியோர் மக்கள் நீதிமன்ற உறுப்பினர்களாக செயல்பட்டனர்.

இந்த முகாமில் 1,563 குற்ற வழக்குகளும், 45 செக் மோசடி வழக்குகளும், 67 வங்கி கடன் வழக்குகளும், 149 வாகன விபத்து நஷ்டஈடு வழக்குகளும், 30 குடும்ப பிரச்சினை சம்பந்தப்பட்ட வழக்குகளும் மற்றும் 84 சிவில் சம்பந்தப்பட்ட வழக்குகளும் என மொத்தம் 1,938 வழக்குகள் பரிசீலனைக்கு எடுத்துக்கொள்ளப்பட்டன. இதில் 1,590 வழக்குகள் சமரசமாக தீர்க்கப்பட்டு ரூ.93 லட்சத்து 90 ஆயிரம் 699 வரையில் வழக்காளிகளுக்கு கிடைத்தது.

இதேபோல் வங்கி கடன் நிலுவை சம்பந்தப்பட்ட நீதிமன்றத்தில் தாக்கல் செய்யப்படாத வழக்குகளில் 390 வழக்குகள் பரிசீலனைக்கு எடுக்கப்பட்டு, அதில் 37 வழக்குகளுக்கு தீர்வு காணப்பட்டது. இதன்மூலம் ரூ.15 லட்சத்து 91 ஆயிரத்து 253 வரையில் வங்கிகளுக்கு வரவானது. இதற்கான ஏற்பாடுகளை மாவட்ட சட்டப்பணிகள் ஆணையத்தின் நிர்வாக அதிகாரிகள் மணிமேகலை, பானுமதி மற்றும் சட்டப்பணிகள் தன்னார்வலர் நாகேந்திரன் ஆகியோர் செய்திருந்தனர்.


தொடர்புடைய செய்திகள்

1. பேராசிரியைக்கு வரதட்சனை கொடுமை கணவர் உள்பட 2 பேர் மீது வழக்கு
திருமணத்தின்போது, ரூ.3 லட்சம் ரொக்கம், 70 பவுன் நகை, 3லட்சம் மதிப்புள்ள வீட்டு உபயோக பொருட்கள் சீதனமாக கொடுத்துள்ளனர். இந்தநிலையில் ஆசீர் குடும்பத்தினர் மேலும் ரூ.5 லட்சம் வரதட்சனை கேட்டு கொடுமை படுத்தி வந்ததாக கூறப்படுகிறது.
2. மாணவிகளை தவறான பாதைக்கு அழைத்ததாக வழக்கு: முருகன், கருப்பசாமி ஜாமீன் உத்தரவு ஸ்ரீவில்லிபுத்தூர் கோர்ட்டில் சமர்ப்பிப்பு மதுரை சிறையில் இருந்து இருவரும் இன்று வெளிவர வாய்ப்பு
மாணவிகளை தவறான் பாதைக்கு அழைத்ததாக குற்றம்சாட்டப்பட்டு கைது செய்யப்பட்டு சிறையிலுள்ள பேராசிரியர்கள் முருகன், கருப்பசாமி ஆகியோரது ஜாமீன் உத்தரவு நேற்று ஸ்ரீவில்லிபுத்தூர் கோர்ட்டில் சமர்ப்பிக்கப்பட்டது. இன்று இருவரும் மதுரை சிறையிலிருந்து விடுதலை ஆவார்கள் என்று எதிர்பார்க்கப்படுகிறது.
3. முதல்–அமைச்சரை விமர்சித்து பேசியதாக அவதூறு வழக்கு: மு.க.ஸ்டாலின் மார்ச் 8–ந் தேதி நேரில் ஆஜராக வேண்டும்
முதல்–அமைச்சரை விமர்சித்து பேசியதாக தொடரப்பட்ட அவதூறு வழக்கில் மு.க.ஸ்டாலின் மார்ச் 8–ந் தேதி நேரில் ஆஜராக வேண்டும் என திருச்சி கோர்ட்டு உத்தரவிட்டது.
4. தூத்துக்குடியில் கூட்டுறவு சங்க தேர்தல் வழக்கு: 2–வது கட்டமாக ஓய்வு பெற்ற நீதிபதி தலைமையில் விசாரணை
தூத்துக்குடியில் கூட்டுறவு சங்க தேர்தல் வழக்கு குறித்து ஓய்வு பெற்ற நீதிபதி தலைமையிலான குழு 2–வது கட்டமாக நேற்று விசாரணை நடத்தியது.
5. புயல் நிவாரணம் வழங்காததை கண்டித்து உயர்நீதிமன்றத்தில் வழக்கு தொடர கிராம மக்கள் முடிவு
புயல் நிவாரணம் வழங்காததை கண்டித்து மதுரை உயர்நீதிமன்றத்தில் வழக்கு தொடர கிராமமக்கள் முடிவு செய்தனர். இதற்காக வக்கீல்களிடம் மனு கொடுக்க பொதுமக்கள் கறம்பக் குடியில் திண்டதால் பரபரப்பு ஏற்பட்டது.

ஆசிரியரின் தேர்வுகள்...