மாவட்ட செய்திகள்

வாஷியில் ரூ.85 லட்சம் செல்லாத நோட்டுகள் பறிமுதல் + "||" + A total of Rs 85 lakh unauthorized banknotes were seized

வாஷியில் ரூ.85 லட்சம் செல்லாத நோட்டுகள் பறிமுதல்

வாஷியில் ரூ.85 லட்சம் செல்லாத நோட்டுகள் பறிமுதல்
வாஷியில் ரூ.85 லட்சம் செல்லாத நோட்டுகளை போலீசார் பறிமுதல் செய்தனர். இதில் 2 பெண்கள் உள்பட 10 பேரை போலீசார் கைது செய்தனர்.
மும்பை,

நவிமும்பை வாஷியில் இருந்து மும்பைக்கு செல்லாத நோட்டுகள் கொண்டு வரப்பட உள்ளதாக குற்றப்பிரிவு ேபாலீசாருக்கு ரகசிய தகவல் கிடைத்தது. இதன்பேரில் போலீசார் சம்பவத்தன்று இரவு சயான்-பன்வெல் நெடுஞ்சாலை வாஷி மேம்பாலம் அருகே வாகன சோதனையில் ஈடுபட்டனர்.

அப்போது அங்கு வந்த ஒரு வாகனத்தை மறித்து நிறுத்தினர். பின்னர் வாகனத்தில் இருந்தவர்களிடம் விசாரணை நடத்தியதில் அவர்கள் முன்னுக்கு பின் முரணாக பதிலளித்தனர்.

இதனால் சந்தேகம் அடைந்த போலீசார் வாகனத்தில் இருந்த 2 பெண்கள் உள்பட 10 பேரையும் இறக்கி விட்டு அந்த வாகனத்தில் சோதனை நடத்தினர்.

இதில் அந்த வாகனத்தில் கத்தை, கத்தையாக செல்லாத 1,000 ரூபாய் நோட்டுகள் இருந்ததை கண்டுபிடித்து அவற்றை போலீசார் பறிமுதல் செய்தனர். இவற்றின் மதிப்பு ரூ.85 லட்சம் ஆகும்.

இதுகுறித்து போலீசார் வழக்கு பதிவு செய்து அந்த வாகனத்தில் வந்த காட்கோபரை சேர்ந்த சாபிக் கான், பாண்டுப்பை சேர்ந்த சேத்தன் பட்டேல், விக்ரோலியை சேர்ந்த ஹாபிப் சேக், காமோட்டேவை சேர்ந்த துஷார் மோகல், செம்பூரை சேர்ந்த தேவிதாஸ் பவார் மற்றும் தாராவி, மலாடை சேர்ந்தவர்கள் என 10 பேரை கைது செய்தனர்.

பறிமுதல் செய்யப்பட்ட அந்த பழைய நோட்டுகளை அவர்கள் எங்கிருந்து கொண்டு வந்தனர் என்பது குறித்து போலீசார் விசாரணை நடத்தி வருகின்றனர். 

தொடர்புடைய செய்திகள்

2. நாகர்கோவிலில் பணிநிரந்தரம் செய்ய வலியுறுத்தி மின்வாரிய ஊழியர்கள் சாலைமறியல் 288 பேர் கைது
நாகர்கோவிலில் பணி நிரந்தரம் செய்யக்கோரி சாலைமறியல் போராட்டத்தில் ஈடுபட்ட மின்வாரிய ஊழியர்கள் 288 பேரை போலீசார் கைது செய்தனர்.
3. பணி நிரந்தரம் செய்ய வலியுறுத்தி மின்வாரிய ஒப்பந்த தொழிலாளர்கள் சாலை மறியல் 145 பேர் கைது
பணி நிரந்தரம் செய்ய வலியுறுத்தி நாகையில் மின்வாரிய ஒப்பந்த தொழிலாளர்கள் சாலை மறியலில் ஈடுபட்டனர். இதில் 145 பேரை போலீசார் கைது செய்தனர்.
4. மன்னார்புரத்தில் மின்வாரிய ஒப்பந்த ஊழியர்கள் மறியல்; 110 பேர் கைது
திருச்சி மன்னார்புரத்தில் மறியலில் ஈடுபட்ட மின்வாரிய ஒப்பந்த ஊழியர்கள் 110 பேர் கைது செய்யப்பட்டனர்.
5. ஈரோட்டில் சாலை மறியலில் ஈடுபட்ட மின்சார வாரிய ஊழியர்கள் 38 பேர் கைது
ஈரோட்டில் சாலை மறியலில் ஈடுபட்ட மின்சார வாரிய ஊழியர்கள் 38 பேரை போலீசார் கைது செய்தனர்.