மாவட்ட செய்திகள்

அமெரிக்கர்களிடம் பண மோசடி : போலி கால்சென்டர் நடத்திய 2 பேர் கைது + "||" + Money fraud to Americans: 2 arrested by fake call center

அமெரிக்கர்களிடம் பண மோசடி : போலி கால்சென்டர் நடத்திய 2 பேர் கைது

அமெரிக்கர்களிடம் பண மோசடி : போலி கால்சென்டர் நடத்திய 2 பேர் கைது
செல்போன், மடிக்கணினியில் வைரஸ் தாக்கி இருப்பதாக கூறி, அமெரிக்கர்களிடம் போலி கால்சென்டர் மூலம் பணமோசடியில் ஈடுபட்ட 2 பேரை போலீசார் கைது செய்தனர்.
மும்பை,

மும்பை அந்தேரியில் போலி கால்சென்டர் ஒன்று செயல்பட்டு வந்தது. இந்த கால்சென்டரை டேவிட் அல்போன்சா (வயது22), சந்தீப் யாதவ் (28) ஆகிய 2 பேர் நடத்தி வந்தனர். அவர்கள் தங்களது போலி கால்சென்டரில் 39 பேரை பணியமர்த்தி, அவர்களுக்கு அமெரிக்க மக்களிடம் பணமோசடி செய்வது குறித்து பயிற்சி அளித்து உள்ளனர்.

இதன்படி இந்த கால் சென்டரில் பணிபுரிபவர்கள் அமெரிக்கர்களை இணையதள அழைப்பு மூலம் தொடர்பு கொண்டு, உங்களது செல்போன் மற்றும் மடிக்கணினியில் வைரஸ் தாக்கி உள்ளது என்று கூறுவார்கள்.

பின்னர் அதை நீக்கி தருவதாக கூறி கிப்ட் கார்டுகள் மூலம், 100 அமெரிக்க டாலர்கள் முதல் 700 அமெரிக்க டாலர்கள் வரை ஒவ்வொரு நபரிடமும் வசூலில் ஈடுபட்டு உள்ளனர்.

ஆயிரத்துக்கும் மேற்பட்ட அமெரிக்க மக்களிடம் அந்த கால்சென்டரை நடத்தி வந்தவர்கள் மோசடியில் ஈடுபட்டு உள்ளனர். இதுபற்றி மும்பை குற்றப்பிரிவு சி.ஐ.டி. போலீசுக்கு தகவல் கிடைத்தது. இதையடுத்து போலீசார் அந்த கால்சென்டரில் சென்று அதிரடி சோதனை நடத்தி டேவிட் அல்போன்சா, சந்தீப் யாதவ் ஆகிய 2 பேரையும் கைது செய்தனர்.

மேலும் கால்சென்டரில் இருந்த கணினிகள், ஹார்ட் டிஸ்க்குகள் உள்பட பல்வேறு பொருட்களை பறிமுதல் செய்தனர். பின்னர் கைதான 2 பேரும் கோர்ட்டில் ஆஜர்படுத்தப்பட்டு 3 நாட்கள் போலீஸ் காவலில் ஒப்படைக்கப்பட்டனர்.


தொடர்புடைய செய்திகள்

1. பொங்கலூர் அருகே, தேங்காய் வியாபாரி கொலையில் ஆசாமி கைது
பொங்கலூர் அருகே தேங்காய் வியாபாரி கொலையில் ஆசாமியை தனிப்படை போலீசார் கைது செய்தனர். அண்ணனின் மோட்டார் சைக்கிளை திருப்பி கொடுக்காததால் அண்ணனுடன் சேர்ந்து கொன்றதாக போலீசில் பரபரப்பு வாக்குமூலம் கொடுத்துள்ளார். இந்த சம்பவம் குறித்து போலீஸ் தரப்பில் கூறப்படுவதாவது:-
2. கருங்கல் அருகே முதியவர் கல்லால் அடித்துக்கொலை தொழிலாளி கைது
கருங்கல் அருகே முன்விரோதத்தில் முதியவரை கல்லால் அடித்துக்கொலை செய்த தொழிலாளியை போலீசார் கைது செய்தனர்.
3. உடையார்பாளையத்தில் மோட்டார் சைக்கிள் மீது லாரி மோதல்; 3 பேர் பலி டிரைவர் கைது
உடையார்பாளையத்தில் மோட்டார் சைக்கிள் மீது லாரி மோதிய விபத்தில் 3 பேர் பலியாயினர். இதுகுறித்து போலீசார் வழக்குப்பதிவு செய்து லாரி டிரைவரை கைது செய்து விசாரணை நடத்தி வருகின்றனர்.
4. சாராயம் விற்ற பெண், தடுப்புக்காவல் சட்டத்தில் கைது
சாராயம் விற்ற பெண் தடுப்புக்காவல் சட்டத்தில் கைது செய்யப்பட்டார்.
5. வீரர்களுக்கு அஞ்சலி செலுத்தும் பகுதியில் பாகிஸ்தான் ஜிந்தாபாத் என கோஷமிட்ட ரெயில்வே ஊழியர் கைது
தீவிரவாத தாக்குதலில் உயிரிழந்த வீரர்களுக்கு அஞ்சலி செலுத்தும் பகுதியில் பாகிஸ்தான் ஜிந்தாபாத் என கோஷமிட்ட ரெயில்வே ஊழியர் கைது செய்யப்பட்டார்.