மாவட்ட செய்திகள்

பெரம்பலூர் மாவட்டத்தில் பள்ளி, கல்லூரிகள் அருகே விநாயகர் சிலைகள் வைக்கக்கூடாது + "||" + Perambalur district The school, near the colleges Vinayagar idols should not be kept

பெரம்பலூர் மாவட்டத்தில் பள்ளி, கல்லூரிகள் அருகே விநாயகர் சிலைகள் வைக்கக்கூடாது

பெரம்பலூர் மாவட்டத்தில் பள்ளி, கல்லூரிகள் அருகே விநாயகர் சிலைகள் வைக்கக்கூடாது
பெரம்பலூர் மாவட்டத்தில் பள்ளி, கல்லூரிகள் அருகே விநாயகர் சிலைகளை வைக்கக்கூடாது என்று விழாக்குழுவினருடன் நடந்த ஆலோசனை கூட்டத்தில் பெரம்பலூர் மாவட்ட குற்றப்பிரிவு போலீஸ் துணை சூப்பிரண்டு அழகுத்துரை தெரிவித்தார்.
பெரம்பலூர்,

விநாயகர் சதுர்த்தி விழா வருகிற 13-ந்தேதி நாடு முழுவதும் கோலாகலமாக கொண்டாடப்படவுள்ளது. இதனை முன்னிட்டு போலீசார் பெரம்பலூர் மாவட்டத்தில் விநாயகர் சிலைகள் வைப்பது தொடர்பாகவும், சிலைகள் ஊர்வலம் தொடர்பாகவும் விழாக்குழுவினருடனான ஆலோசனை கூட்டத்தை நேற்று பெரம்பலூரில் உள்ள ஒரு மண்டபத்தில் நடத்தினர். இந்த ஆலோசனை கூட்டத்திற்கு பெரம்பலூர் மாவட்ட குற்றப்பிரிவு துணை போலீஸ் சூப்பிரண்டு அழகுத்துரை தலைமை தாங்கி பேசுகையில், விநாயகர் சதுர்த்தி விழாவினை முன்னிட்டு பெரம்பலூர் மாவட்டத்தில் பல்வேறு இடங்களில் வைக்கப்படும் விநாயகர் சிலைகளுக்கு மேற்கூரைகள் இரும்பு தகடு அல்லது சிமெண்டிலான கூரைகளை கொண்டு கொட்டகை அமைக்க வேண்டும். தென்னங்கீற்று போன்ற எளிதில் தீப்பற்றக்கூடிய பொருட்களை விழாக்குழுவினர் கட்டாயம் பயன்படுத்த கூடாது. பள்ளி, கல்லூரிகள், மருத்துவமனை ஆகியவை அருகே விநாயகர் சிலைகள் வைக்க கூடாது. சிலை வைக்கும் இடத்தில் பெட்டி வடிவிலான ஒலி பெருக்கியை பயன்படுத்த வேண்டும். கூம்பு வடிவ ஒலிப்பெருக்கியை பயன்படுத்த கூடாது. விநாயகர் சிலைகள் ஊர்வலத்தை காலை 9 மணிக்கு தொடங்கி மாலை 4 மணிக்குள் முடிக்க வேண்டும். ஊர்வலத்தின் போது பட்டாசு போன்ற வெடி பொருட்களை கட்டாயம் பயன்படுத்த கூடாது.

போலீசாரால் அனுமதிக்கப்பட்ட வழியில் தான் விநாயகர் சிலைகளை ஊர்வலமாக கொண்டு செல்ல வேண்டும். வேறு வழியில் கொண்டு செல்லக்கூடாது. விநாயகர் சிலைகள் வைப்பது தொடர்பாகவும், சிலைகள் ஊர்வலம் தொடர்பாகவும் அரசு வகுத்துள்ள வழிமுறைகளை விழாக்குழுவினர் பின்பற்ற வேண்டும் என்றார். மேலும் அவர் விழாக்குழுவினரின் சந்தேகங்களுக்கு பதிலளித்து பேசினார். கூட்டத்தில் போலீஸ் இன்ஸ்பெக்டர்கள் சுப்பிரமணி (பெரம்பலூர்), ராஜ்குமார் (பாடாலூர்), கலா (அரும்பாவூர்), போலீஸ் சப்-இன்ஸ்பெக்டர்கள் ராம்குமார் (மருவத்தூர்), ராஜா (பாடாலூர்), செல்வராஜ் (அரும்பாவூர்) ஆகியோரும் விழாக்குழுவினர்களுக்கு ஆலோசனைகளை வழங்கினர். இதில் பெரம்பலூர், வேப்பந்தட்டை, குன்னம், ஆலத்தூர் ஆகிய 4 தாலுகாவில் உள்ள விழாக்குழுவினர் ஏராளமானோர் பங்கேற்றனர்.

தொடர்புடைய செய்திகள்

1. அரசு பள்ளியை கிராம மக்கள் முற்றுகை பாடம் நடத்தும்போது ஆசிரியர் ஆபாசமாக பேசியதாக புகார்
துறையூர் அருகே அரசு பள்ளியில் ஆசிரியர் பாடம் நடத்தும்போது ஆபாசமாக பேசியதாக எழுந்த புகாரை தொடர்ந்து, கிராம மக்கள் பள்ளியை முற்றுகையிட்டனர்.
2. ஆந்திர பிரதேசம்: மந்திரிக்கு சொந்தமான இடங்களில் வருமான வரித்துறை அதிகாரிகள் சோதனை
ஆந்திர பிரதேசத்தில் மந்திரிக்கு சொந்தமான இடங்களில் வருமான வரித்துறை அதிகாரிகள் சோதனை நடப்பதாக தகவல்கள் வெளியாகியுள்ளன.
3. இமாசல பிரதேசத்தில் மழையில் சிக்கிய திருச்சி பள்ளி மாணவர்கள் பத்திரமாக உள்ளனர்
இமாசல பிரதேசத்தில் மழையில் சிக்கிய திருச்சி பள்ளி மாணவர்கள் பத்திரமாக உள்ளதாக “வாட்ஸ்-அப்”பில் புகைப்படம் அனுப்பி தகவல் தெரிவித்தனர்.Z
4. பள்ளி- கல்லூரிகளுக்கு நாளை விடுமுறை நாகர்கோவிலில் போக்குவரத்து மாற்றம்
எம்.ஜி.ஆர். நூற்றாண்டு விழாவையொட்டி குமரி மாவட்டத்தில் நாளை பள்ளி, கல்லூரிகளுக்கு விடுமுறை விடப்பட்டுள்ளது. மேலும் நாகர்கோவிலில் போக்குவரத்தும் மாற்றம் செய்யப்பட்டுள்ளது.
5. அம்மாப்பேட்டை அருகே 2 மாணவர்கள் சாவு: ஆற்றில் மூழ்கிய மேலும் ஒரு மாணவரின் உடல் மீட்பு
அம்மாப்பேட்டை அருகே ஆற்றில் மூழ்கி 2 மாணவர்கள் ஏற்கனவே இறந்தனர். மேலும் ஆற்றில் மூழ்கிய ஒரு மாணவரின் உடல் மீட்கப்பட்டது.