மாவட்ட செய்திகள்

மோட்டார்சைக்கிள் மீது சுற்றுலா பஸ் மோதி மாணவர் உள்பட 2 பேர் சாவு + "||" + Two people died including a bus with a bus on a motorcycle

மோட்டார்சைக்கிள் மீது சுற்றுலா பஸ் மோதி மாணவர் உள்பட 2 பேர் சாவு

மோட்டார்சைக்கிள் மீது சுற்றுலா பஸ் மோதி மாணவர் உள்பட 2 பேர் சாவு
திண்டுக்கல் அருகே சுற்றுலா பஸ் மோதி மோட்டார்சைக்கிளில் வந்த மாணவர் உள்பட 2 பேர் பரிதாபமாக இறந்தனர்.

கன்னிவாடி,

திண்டுக்கல் மாவட்டம் பாலம்ராஜக்காப்பட்டி அருகே உள்ள கோட்டூர் ஆவரம்பட்டியை சேர்ந்தவர் ரமேஷ்குமார்(வயது 22). டிராக்டர் டிரைவர். இதே பகுதியை சேர்ந்த வடிவேல் என்பவர் மகன் ராஜசேகர்(17). இவர் பழனியில் ஐ.டி.ஐ. படித்து வந்தார். இவர்கள் 2 பேரும் நேற்று இரவு ரெட்டியார்சத்திரத்தில் இருந்து கோட்டூர் ஆவரம்பட்டிக்கு மோட்டார்சைக்கிளில் வந்து கொண்டு இருந்தனர்.

திண்டுக்கல் அருகே கதிரையன்குளம் என்ற இடத்தில் அவர்கள் வந்தபோது திண்டுக்கல்லில் இருந்து பழனி நோக்கி சென்ற சுற்றுலா பஸ் மோட்டார்சைக்கிள் மீது மோதியது.

இதில் 2 பேருக்கும் தலையில் பலத்த அடிபட்டது. அதையொட்டி ரமேஷ்குமார் சம்பவ இடத்திலேயே பரிதாபமாக இறந்தார்.

விபத்து நடந்தவுடன் அந்த பகுதியில் இரவு 9¼ மணியில் இருந்து 9¾ மணி வரை அரைமணி நேரம் போக்குவரத்து பாதிக்கப்பட்டது. இதுகுறித்து தகவல் அறிந்ததும் ரெட்டியார்சத்திரம் போலீஸ் சப்–இன்ஸ்பெக்டர் முத்துக்குமார் மற்றும் போலீசார் விரைந்து சென்று போக்குவரத்தை சரிசெய்தனர்.

மேலும் படுகாயம் அடைந்த மாணவர் ராஜசேகரை போலீசார் மீட்டு ஆம்புலன்ஸ் மூலம் திண்டுக்கல் அரசு ஆஸ்பத்திரிக்கு சிகிச்சைக்காக அனுப்பி வைத்தனர். ஆனால் அங்கு அவர் சிகிச்சை பலனின்றி சிறிதுநேரத்திலேயே பரிதாபமாக இறந்தார். விபத்து குறித்து ரெட்டியார்சத்திரம் போலீசார் வழக்குப்பதிவு செய்து விசாரித்து வருகிறார்கள்.


தொடர்புடைய செய்திகள்

1. பலியான தமிழகத்தை சேர்ந்த ராணுவ வீரர்கள் குடும்பத்தினருக்கு தலா ரூ.1 லட்சம் எலாஸ்டிக் சங்க கூட்டத்தில் தீர்மானம்
காஷ்மீரில் பயங்கரவாதிகள் தாக்குதலில் பலியான தமிழகத்தை சேர்ந்த 2 ராணுவ வீரர்கள் குடும்பத்தினருக்கு தலா ரூ.1 லட்சம் வழங்க முடிவு செய்து, எலாஸ்டிக் உற்பத்தியாளர்கள் மற்றும் விற்பனையாளர்கள் சங்க கூட்டத்தில் தீர்மானம் நிறைவேற்றப்பட்டது.
2. சிவன்மலை கோவில் படிக்கட்டில் ஏறியபோது மயங்கி விழுந்து கல்லூரி மாணவர் சாவு
சிவன்மலை கோவில் படிக்கட்டில் ஏறியபோது மயங்கி விழுந்து கல்லூரி மாணவர் இறந்தார்.
3. தோட்டத்துக்கு சென்ற விவசாயி மர்மச்சாவு
செக்கானூரணி அருகே தோட்டத்துக்கு சென்ற விவசாயி மர்மமான முறையில் இறந்து கிடந்தார்.
4. சத்தி அருகே மூளைக்காய்ச்சலுக்கு மாணவர் சாவு: தாய்– தந்தை, தம்பியை இழந்து தனிமரமாக நிற்கும் இளம்பெண் அரசு வேலை வழங்க மலைவாழ் மக்கள் கோரிக்கை
சத்தியமங்கலம் அருகே மூளைக்காய்ச்சலுக்கு மாணவர் பரிதாபமாக இறந்தார். தாய்–தந்தை மற்றும் தம்பியை இழந்து தனிமரமாக நிற்கும் இளம்பெண்ணுக்கு அரசு வேலை வழங்க வேண்டும் என்று மலைவாழ் மக்கள் கோரிக்கை விடுத்துள்ளனர்.
5. சத்தியமங்கலம் அருகே அடையாளம் தெரியாத வாகனம் மோதி தாய்– மகள் சாவு
சத்தியமங்கலம் அருகே அடையாளம் தெரியாத வாகனம் மோதி தாய், மகள் பரிதாபமாக இறந்தனர். வாலிபர் படுகாயம் அடைந்தார்.