மாவட்ட செய்திகள்

புஞ்சைபுளியம்பட்டி அருகே வேன்– மோட்டார் சைக்கிள் மோதல்; 1½ வயது குழந்தை சாவு + "||" + Van - motorcycle clash; Child death

புஞ்சைபுளியம்பட்டி அருகே வேன்– மோட்டார் சைக்கிள் மோதல்; 1½ வயது குழந்தை சாவு

புஞ்சைபுளியம்பட்டி அருகே வேன்– மோட்டார் சைக்கிள் மோதல்; 1½ வயது குழந்தை சாவு
புஞ்சைபுளியம்பட்டி அருகே வேன்– மோட்டார் சைக்கிள் மோதிய விபத்தில் 1½ வயது குழந்தை பரிதாபமாக இறந்தது. மேலும், பெண் உள்பட 2 பேர் படுகாயம் அடைந்தனர்.

புஞ்சைபுளியம்பட்டி,

புஞ்சைபுளியம்பட்டி நேருநகர் பகுதியை சேர்ந்தவர் அங்குசாமி (வயது 35). கூலித்தொழிலாளி. இவர் நேற்று பக்கத்து வீட்டை சேர்ந்த ஜோதி (35) என்ற பெண்ணுடன் மீன் வாங்க புஞ்சைபுளியம்பட்டி அருகே பெரியகள்ளிப்பட்டிக்கு மோட்டார் சைக்கிளில் சென்றார்.

அப்போது அவர்களுடன் அதே பகுதியை சேர்ந்த மருதுபாண்டி என்பவருடைய மகன் லலித் என்கிற விருமாண்டியை (1½) அழைத்துச்சென்றனர். மோட்டார் சைக்கிளை அங்குசாமி ஓட்டினார். பின்னால் ஜோதி உட்கார்ந்து இருந்தார். மேலும் மோட்டார் சைக்கிளின் பெட்ரோல் டேங்க் மீது லலித் அமர்ந்து இருந்தான்.

புஞ்சைபுளியம்பட்டி அருகே மல்லியம்பட்டி பகுதியில் சென்று கொண்டு இருந்தபோது எதிரே வந்த தனியார் மில் வேனும், மோட்டார்சைக்கிளும் எதிர்பாராதவிதமாக மோதிக்கொண்டன. இந்த விபத்தில் மோட்டார் சைக்கிளில் இருந்து 3 பேரும் தூக்கி வீசப்பட்டனர்.

இதில் அவர்கள் 3 பேருக்கு பலத்த காயம் ஏற்பட்டது. இதனை கவனித்த பொதுமக்கள் படுகாயம் அடைந்த குழந்தை உள்பட 3 பேரையும் மீட்டு சிகிச்சைக்காக 108 ஆம்புலன்ஸ் மூலம் சத்தியமங்கலம் அரசு ஆஸ்பத்திரிக்கு அனுப்பி வைத்தனர்.

ஆனால் செல்லும் வழியிலேயே லலித் பரிதாபமாக இறந்தான். அங்குசாமியும், ஜோதியும் ஆஸ்பத்திரியில் அனுமதிக்கப்பட்டு உள்ளனர். அங்கு அவர்களுக்கு டாக்டர்கள் தீவிர சிகிச்சை அளித்து வருகின்றனர்.

இதுகுறித்து புஞ்சைபுளியம்பட்டி போலீசார் வழக்குப்பதிவு செய்து விசாரணை நடத்தி வருகிறார்கள்.


தொடர்புடைய செய்திகள்

1. திருப்பூர் அருகே தனியார் பஸ்–ஸ்கூட்டர் மோதல்; ஆசிரியை பலி
திருப்பூர் அருகே தனியார் பஸ்–ஸ்கூட்டர் மோதிய விபத்தில் தனியார் பள்ளி ஆசிரியை பலியானார்.
2. ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு
ராஜபாளையத்தில் லாரி மோதியதில், பள்ளிக்கு சென்ற பிளஸ்–1 மாணவர் பரிதாபமாக உயிரிழந்தார்.
3. மோட்டார் சைக்கிளில் சென்றபோது சாக்கடைக்குள் தவறி விழுந்து பேராசிரியர் சாவு
மோட்டார் சைக்கிளில் சென்ற பேராசிரியர் சாக்கடைக்குள் தவறி விழுந்து பரிதாபமாக இறந்தார்.
4. மார்த்தாண்டம் மேம்பாலத்தில் டெம்போ– லாரி மோதல்; டிரைவர் படுகாயம்
மார்த்தாண்டம் மேம்பாலத்தில் டெம்போ–லாரி மோதிய விபத்தில் டிரைவர் படுகாயம் அடைந்தார். அடிக்கடி வாகனங்கள் விபத்தில் சிக்குவதால் சம்பவத்தப்பட்ட ஆய்வு செய்து விபத்தை தவிர்க்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்தனர்.
5. மனைவி இறந்த துக்கத்தில் கணவர் சாவு அடுத்தடுத்து நடந்த சம்பவத்தால் சோகம்
திருப்பத்தூர் அருகே உள்ள காரையூர் கிராமத்தில் அடுத்தடுத்து கணவன் மற்றும் மனைவி இறந்த சம்பவம் சோகத்தை ஏற்படுத்தி உள்ளது.