மாவட்ட செய்திகள்

உடுமலை பகுதியில் வாக்குச்சாவடி மையங்களில் நடந்த சிறப்பு முகாமில் கலெக்டர் ஆய்வு + "||" + Collector survey in polling stations

உடுமலை பகுதியில் வாக்குச்சாவடி மையங்களில் நடந்த சிறப்பு முகாமில் கலெக்டர் ஆய்வு

உடுமலை பகுதியில் வாக்குச்சாவடி மையங்களில் நடந்த சிறப்பு முகாமில் கலெக்டர் ஆய்வு
உடுமலை சட்டமன்ற தொகுதிக்கு உட்பட்ட பகுதிகளில் வாக்குச்சாவடி மையங்களில் நடந்த சிறப்பு முகாமில் கலெக்டர் கே.எஸ்.பழனிசாமி ஆய்வு செய்தார்.

மடத்துக்குளம்

1–1–2019 நாளினை தகுதி ஏற்படுத்தும் நாளாக கொண்டு வாக்காளர் பட்டியல் சிறப்பு சுருக்க முறை திருத்தம் 2019 மேற்கொள்ள இந்திய தேர்தல் ஆணையத்தால் வெளியிடப்பட்ட கால அட்டவணையின் படி 1–9–2018 அன்று திருப்பூர் மாவட்டத்தில் உள்ள திருப்பூர் வடக்கு, திருப்பூர் தெற்கு, பல்லடம், அவினாசி, காங்கேயம், தாராபுரம், உடுமலை மற்றும் மடத்துக்குளம் ஆகிய 8 சட்டமன்ற தொகுதிகளுக்குரிய வரைவு வாக்காளர் பட்டியல் வெளியிடப்பட்டது.

இதைத்தொடர்ந்து திருப்பூர் மாவட்டத்தில் உள்ள திருப்பூர் வடக்கு, திருப்பூர் தெற்கு, பல்லடம், அவினாசி, காங்கேயம், தாராபுரம், உடுமலை மற்றும் மடத்துக்குளம் ஆகிய 8 சட்டமன்ற தொகுதிகளில் உள்ள 2 ஆயிரத்து 482 வாக்குச்சாவடிகளை உள்ளடக்கிய ஆயிரத்து 28 வாக்குச்சாவடி மையங்களிலும், வாக்காளர் பட்டியலில் பெயர் இடம் பெறாதவர்கள், வாக்காளர் பட்டியலில் உள்ள பதிவுகளில் திருத்தம் செய்ய விரும்புவோர், பெயர் நீக்கம் செய்ய விரும்புவோர் மற்றும் ஒரே தொகுதிக்குள் குடியிருப்பு மாறியவர்கள், முகவரி மாற்றம் செய்வது போன்ற கோரிக்கைகள் பொதுமக்களிடம் இருந்து பெறுவதற்காக சிறப்பு முகாம்கள் நேற்று நடைபெற்றது.

இந்த நிலையில் நேற்று உடுமலை சட்டமன்ற தொகுதிக்கு உட்பட்ட தளி ரோட்டில் உடுமலை அரசு ஆண்கள் மேல்நிலைப்பள்ளி, குடிமங்கலம் ஊராட்சி ஒன்றியம் பெரியபட்டி ஊராட்சி ஒன்றிய நடுநிலைப்பள்ளி, பல்லடம் சட்டமன்ற தொகுதிக்கு உட்பட்ட பொங்கலூர் ஊராட்சி ஒன்றியம் வாவிபாளையம் ஊராட்சி ஒன்றிய தொடக்கப்பள்ளி, பல்லடம் ஊராட்சி ஒன்றியம் ப.வடுகபாளையம் ஊராட்சி ஒன்றிய பள்ளி மற்றும் தாராபுரம் சாலை டி.இ.எல்.சி. நடுநிலைப்பள்ளி ஆகிய வாக்குச்சாவடி மையங்களில் நடைபெற்ற சிறப்பு முகாமினை கலெக்டர் கே.எஸ்.பழனிசாமி ஆய்வு செய்தார்.

இந்த ஆய்வின் போது வாக்காளர் பெயர் சேர்த்தல் என்பது உள்பட திருத்தம் செய்ய பெறப்படும் படிவங்களுடன் உரிய ஆவணங்களை இணைத்து பெற வேண்டும் என சம்பந்தப்பட்ட அதிகாரிகளுக்கு அறிவுறுத்தினார். மேலும், வருகிற 23–ந் தேதி, அடுத்த மாதம் (அக்டோபர்) 7–ந் தேதி, 14–ந் தேதி ஆகிய நாட்களில் நடைபெற உள்ள சிறப்பு முகாம்களை பொதுமக்கள் பயன்படுத்திக்கொள்ள வேண்டும் என கலெக்டர் அறிவுறுத்தினார்.

இந்த நிகழ்ச்சியில் உடுமலை ஆர்.டி.ஓ. அசோகன், தாசில்தார்கள் தங்கவேல் (உடுமலை), கலாவதி (மடத்துக்குளம்), கனிமொழி (பொறுப்பு) பல்லடம் மற்றும் அரசு அதிகாரிகள் பலர் கலந்துகொண்டனர். இதுபோல் திருப்பூரில் ஜெய்வாபாய்பள்ளி வாக்குச்சாவடி மையம் உள்பட பல இடங்களில் வாக்காளர் பெயர் சேர்ப்பு முகாம் நடைபெற்றது.


தொடர்புடைய செய்திகள்

1. பாலியல் ரீதியான துன்புறுத்தலை கண்டறிந்தால் தபால் அனுப்பலாம் கலெக்டர் அன்பழகன் பேச்சு
ஆசிரியர்கள்-மாணவர்கள் பாலியல் ரீதியான துன்புறுத்தலை கண்டறிந்தால் தபால் அனுப்பலாம் என விழிப்புணர்வு நிகழ்ச்சியில் கலெக்டர் அன்பழகன் பேசினார்.
2. மாற்றுத் திறனாளிகளுக்கு நலத்திட்ட உதவிகள், கலெக்டர் வழங்கினார்
மாற்றுத் திறனாளிகளுக்கு நலத்திட்ட உதவிகளை கலெக்டர் ஜெயகாந்தன் வழங்கினார்.
3. ‘கஜா’ புயலால் பயிர்களுக்கு ஏற்பட்ட சேத மதிப்பு எவ்வளவு? அறிக்கை தாக்கல் செய்ய அதிகாரிகளுக்கு கலெக்டர் உத்தரவு
திருச்சி மாவட்டத்தில் ‘கஜா’ புயலால் பயிர்களுக்கு ஏற்பட்ட சேத மதிப்பு எவ்வளவு என்ற விவரத்தை 3 நாட்களில் அறிக்கையாக தயாரித்து தாக்கல் செய்ய வேண்டும் என அதிகாரிகளுக்கு கலெக்டர் ராஜாமணி உத்தரவிட்டு உள்ளார்.
4. கஜா புயலால் பாதிக்கப்பட்ட மாவட்டங்களுக்கு மருத்துவம், மீட்பு பணிக்குழு; கலெக்டர் வழியனுப்பி வைத்தார்
கஜா புயலால் பாதிக்கப்பட்டுள்ள மாவட்டங்களுக்கு உதவிக்கரம் நீட்டும் விதமாக மருத்துவம் மற்றும் மீட்புப் பணிக்குழுவினரை கலெக்டர் வழியனுப்பி வைத்தார்.
5. கஜா புயலில் பாதிக்கப்பட்டவர்களுக்கு நிவாரண பொருட்கள் வழங்கலாம் - கலெக்டர் கதிரவன் வேண்டுகோள்
கஜா புயலில் பாதிக்கப்பட்டவர்களுக்கு நிவாரண பொருட்கள் வழங்கலாம் என்று கலெக்டர் கதிரவன் வேண்டுகோள் விடுத்து உள்ளார்.