மாவட்ட செய்திகள்

தமிழ்நாடு மீன்வளர்ச்சி கழகம் சார்பில் கடல் மீன் உணவு நடமாடும் விற்பனை மையம் + "||" + On behalf of Tamil Nadu Fish Development Corporation Marine fish meal Mobile Marketing Center

தமிழ்நாடு மீன்வளர்ச்சி கழகம் சார்பில் கடல் மீன் உணவு நடமாடும் விற்பனை மையம்

தமிழ்நாடு மீன்வளர்ச்சி கழகம் சார்பில் கடல் மீன் உணவு நடமாடும் விற்பனை மையம்
தமிழ்நாடு மீன் வளர்ச்சி கழகம் சார்பில் கடல் மீன் உணவு நடமாடும் விற்பனை மையத்தை கலெக்டர் வீரராகவராவ் திறந்து வைத்தார்.

ராமநாதபுரம்,

ராமநாதபுரம் கலெக்டர் அலுவலக வளாகத்தில் தமிழ்நாடு மீன்வளர்ச்சி கழகம் (மதுரை அலகு) சார்பில் கடல் மீன் உணவு நடமாடும் விற்பனை மையம் தொடங்கப்பட்டுள்ளது. அதனை கலெக்டர் வீரராகவ ராவ் திறந்து வைத்து பேசியதாவது:– தமிழ்நாடு மீன்வளர்ச்சி கழகம் சார்பில் சென்னை, கன்னியாகுமரி, தூத்துக்குடி ஆகிய பகுதிகளில் இதுவரை மொத்தம் 22 கடல்மீன் உணவு நடமாடும் விற்பனை மையங்கள் செயல்பட்டு வருகின்றன.

அதன் தொடர்ச்சியாக ராமநாதபுரம் மாவட்ட கலெக்டர் அலுவலக வளாகத்திற்கு வருகை தரும் பொதுமக்கள் மற்றும் பணியாற்றும் பணியாளர்கள் குறைந்த விலையில் தரமான கடல் மீன் உணவு வகைகளை உண்டு பயன்பெறும் வகையில் புதிதாக கடல்மீன் உணவு நடமாடும் விற்பனை மையம் தொடங்கப்பட்டுள்ளது.

இந்த விற்பனை நிலையமானது அலுவலக பணி நாட்களான திங்கள் முதல் வெள்ளி வரை தினமும் பிற்பகல் 12 மணி முதல் 3 மணி வரை கலெக்டர் அலுவலக வளாகத்திலும், வார இறுதி விடுமுறை நாட்களான சனி மற்றும் ஞாயிறு ஆகிய தினங்களில் மாவட்டத்தில் சுற்றுலா பயணிகள் அதிக அளவில் வருகை தரும் இடமான தனுஷ்கோடியில் பிற்பகல் 3 மணி முதல் மாலை 6 மணி வரை செயல்படும். இதில் இறால் பிரியாணி, இறால் ப்ரை, மீன் ப்ரை, மீன் குழம்பு சாப்பாடு ஆகியவை தலா ரூ.70க்கும், மீன் கட்லெட், நண்டு சூப் ஆகியவை தலா ரூ.20க்கும் விற்பனை செய்யப்படுகிறது.

பொதுமக்கள் இந்த கடல்மீன் உணவு நடமாடும் விற்பனை மையத்தில் குறைந்த விலையில் சுவையான உணவு வகைகளை உண்டு பயனடையலாம். இவ்வாறு அவர் கூறினார். நிகழ்ச்சியில் மீன்வளத்துறை கூடுதல் இயக்குனர் ஜானி டாம் வர்கீஸ், மீன்வளத்துறை துணை இயக்குனர் காத்தவராயன், தமிழ்நாடு மீன்வளர்ச்சி கழக மேலாளர் செல்வராஜ், துணை மேலாளர் மாசிலாமணி உள்பட உதவி மேலாளர்கள், அரசு அலுவலர்கள், பொதுமக்கள் கலந்து கொண்டனர்.


தொடர்புடைய செய்திகள்

1. நீலகிரி மாவட்ட விவசாயிகளுக்கு பண்ணை குட்டை அமைக்க ரூ.75 ஆயிரம் மானியம்; கலெக்டர் தகவல்
பண்ணை குட்டை அமைக்க நீலகிரி மாவட்ட விவசாயிகளுக்கு ரூ.75 ஆயிரம் மானியம் வழங்கப்படுகிறது என்று கலெக்டர் இன்னசென்ட் திவ்யா தெரிவித்து உள்ளார்.
2. ஆக்கிரமிப்புகள் அகற்றப்பட்டுள்ளதா? நீர்நிலைகளை ஆய்வு செய்ய மீட்பு குழுவை நியமித்தது மதுரை ஐகோர்ட்டு
நீர்நிலைகளில் ஆக்கிரமிப்புகள் அகற்றப்பட்டுள்ளதா என்பதை ஆய்வு செய்ய நீர்நிலை மீட்பு குழுவை மதுரை ஐகோர்ட்டு நியமித்தது. அந்த குழுவுக்கு தேவையான உதவிகளை செய்து கொடுக்கவும் கலெக்டர்களுக்கு உத்தரவிட்டது.
3. அணையில் இருந்து நீர் திறப்பு: வைகை ஆற்றில் இறங்கி குளிக்க கூடாது கலெக்டர் நடராஜன் எச்சரிக்கை
அணையில் இருந்து நீர் திறக்கப்படுவதால் வைகை ஆற்றில் இறங்கி குளிக்க கூடாது என் கலெக்டர் நடராஜன் கூறியுள்ளார்.
4. 21–ந் தேதி மிலாது நபி: டாஸ்மாக் கடைகளுக்கு விடுமுறை கலெக்டர் கதிரவன் தகவல்
மிலாது நபியையொட்டி வருகிற 21–ந் தேதி டாஸ்மாக் கடைகளுக்கு விடுமுறை என கலெக்டர் கதிரவன் தகவல் தெரிவித்துள்ளார்.
5. ஆஸ்பத்திரி-பள்ளிக்கூடங்களில் திரவ கிருமிநாசினி பயன்படுத்துவதை கட்டாயப்படுத்த வேண்டும் கலெக்டர் உத்தரவு
ஈரோடு மாவட்டத்தில் ஆஸ்பத்திரி மற்றும் பள்ளிக்கூடங்களில் திரவ கிருமிநாசினி பயன் படுத்துவதை கட்டாயப்படுத்த வேண்டும் என்று கலெக்டர் கதிரவன் உத்தரவிட்டு உள்ளார்.