மாவட்ட செய்திகள்

தொண்டர்கள் உள்ள வரை அ.தி.மு.க.வை யாராலும் அசைக்க முடியாது - அமைச்சர் செல்லூர் ராஜூ பேச்சு + "||" + No one can move the AIADMK till volunteers

தொண்டர்கள் உள்ள வரை அ.தி.மு.க.வை யாராலும் அசைக்க முடியாது - அமைச்சர் செல்லூர் ராஜூ பேச்சு

தொண்டர்கள் உள்ள வரை அ.தி.மு.க.வை யாராலும் அசைக்க முடியாது - அமைச்சர் செல்லூர் ராஜூ பேச்சு
தொண்டர்கள் உள்ளவரை அ.தி.மு.க.வை யாராலும் அசைக்க முடியாது என்று அமைச்சர் செல்லூர் ராஜூ பேசினார்.

திருப்பரங்குன்றம்,

திருப்பரங்குன்றம் சட்டமன்ற தொகுதிக்கு உட்பட்ட மதுரை மாநகராட்சி 95,96 வார்டுகளுக்கு உரிய அ.தி.மு.க. முகவர்கள் ஆலோசனை கூட்டம் நடைபெற்றது.கூட்டத்திற்கு மதுரை புறநகர் மாவட்ட செயலாளர் ராஜன்செல்லப்பா தலைமை தாங்கினார். மதுரை புறநகர் மாவட்ட இளைஞரணி பிரிவு மாவட்ட செயலாளர் வக்கீல் ரமேஷ், பொதுக்குழு உறுப்பினர் முத்துக்குமார், பகுதி செயலாளர்கள் பன்னீர் செல்வம், வக்கீல் முனியாண்டி, ஒன்றிய துணை செயலாளர் நிலையூர் முருகன், வட்ட செயலாளர்கள் பொன்முருகன், திருநகர் பாலமுருகன் ஆகியோர் முன்னிலை வகித்தனர். ஒன்றிய செயலாளர் ராம்கிருஷ்ணன் வரவேற்றார்.

கூட்டத்தில் சிறப்பு அழைப்பாளர்களாக அமைச்சர் ஆர்.பி.உதயகுமார், கூட்டுறவு துறை அமைச்சர் செல்லூர் ராஜூ ஆகியோர் கலந்துகொண்டு தேர்தல் முகவர்களுக்கு ஆலோசனை வழங்கி பேசினார்கள். கூட்டுறவு துறை அமைச்சர் செல்லூர் ராஜூ பேசியதாவது:–

அ.தி.மு.க.வை விட்டு பிரிந்து சென்றவர்கள் பற்றி கவலைப்பட தேவையில்லை. தொண்டர்கள் உள்ள வரை அ.தி.மு.க.வை யாராலும் அசைக்க முடியாது. கட்சிக்குள் கருத்து மோதல் இருக்கும், இருக்கணும். களம் இறங்கிவிட்டால் தொண்டனுக்கு கருத்து மோதல் தெரியாது. எதிரிகளை ஓட,ஓட விரட்டி அடிப்பார்கள். 1996–ம் ஆண்டிற்கு பிறகு தி.மு.க. 100 தொகுதியை கூட கைப்பற்றவில்லை. தி.மு.க. தலைவர் கருணாநிதி பேச்சாற்றல், எழுத்தாற்றல் மிக்கவர் மிக பெரிய சாணக்கியர். ஆனால் அவரால் அ.தி.மு.க.வை. வீழ்த்த முடியவில்லை. அதேபோல தான் மு.க.ஸ்டாலினாலும் அ.தி.மு.க.வை ஒன்றும் செய்ய முடியாது. திருப்பரங்குன்றம் சட்டமன்ற தொகுதியில் கடந்த இடைத்தேர்தலில் 43 ஆயிரம் ஓட்டு வித்தியாசத்தில் அ.தி.மு.க.வெற்றி பெற்றது. நடைபெற உள்ள இடைத்தேர்தலில் 50 ஆயிரம் அல்லது ஒரு லட்சம் ஓட்டு வித்தியாசத்தில் வெற்றி பெறுவோம் என்றார்.

அமைச்சர் ஆர்.பி.உதயகுமார் பேசியதாவது:–

இடைத்தேர்தல் என்றாலே திருவிழா தான். திருவிழாவில் எல்லோரும் வருவார்கள். பஞ்சு மிட்டாய், பலூன் என்று விற்பனை செய்வார்கள். ராட்டினம்போல சுற்ற விடுவார்கள். அவர்களிடம் மக்கள் ஏமாந்து விடக்கூடாது. டி.டி.வி.தினகரன் தனது கட்சிக்கு ஆள் பிடிக்கிறார். திருப்பரங்குன்றம், திருவாரூர் தொகுதி இடைத்தேர்தலின் வெற்றியே அ.தி.மு.க.விற்கு எதிர்காலத்தை நிர்ணக்கும் என்கிறார்கள். நம்மை விட்டு பிரிந்த எதிரிகள் உதிரிகளாகி விட்டனர். உதிரிகள் பொய் பிரசாரம் செய்வார்கள் ஒரு பொய்யை 10 முறை சொல்லி அது உண்மையாக்கி விடுவார்கள். அதில் மக்கள் ஏமாந்து விடக்கூடாது. அ.தி.மு.க.வில் மக்களின் நலம் தர்ம சிந்தனை உள்ளது. ஆனால் உதிரிகளிடம் அதர்மத்தின் வீரம், சுயநலம் உள்ளதை மக்கள் தெரிந்து கொள்ள வேண்டும் என்றார்.


தொடர்புடைய செய்திகள்

1. நவீன தொழில் நுட்பத்தை பயன்படுத்தி குறைந்த அளவு தண்ணீரில் விவசாயப்பணிகளை மேற்கொள்ள வேண்டும் அமைச்சர் பாஸ்கரன் வேண்டுகோள்
நவீன தொழில் நுட்பக்கருவிகளை பயன்படுத்தி குறைந்த அளவு தண்ணீரில் விவசாயப் பணிகளை மேற்கொள்ள வேண்டும் என்று அமைச்சர் பாஸ்கரன் தெரிவித்தார்.
2. “பட்டாசு தொழிலை பாதுகாக்க அ.தி.மு.க அரசு முயற்சிக்கவில்லை” அ.ம.மு.க. செய்தி தொடர்பாளர் புகழேந்தி பேச்சு
பட்டாசு தொழிலை பாதுகாக்க அ.தி.மு.க. அரசு முயற்சிக்க வில்லை என்று அ.ம.மு.க. செய்தி தொடர்பாளர் புகழேந்தி குற்றம் சாட்டினார்.
3. சேத்தியாத்தோப்பில் அ.தி.மு.க. பொதுக்கூட்டம்: 3–வது நிலக்கரி சுரங்கம் அமைக்க என்.எல்.சி.யை அனுமதிக்க மாட்டோம் அருண்மொழிதேவன் எம்.பி. பேச்சு
3–வது நிலக்கரி சுரங்கம் அமைக்க என்.எல்.சி.யை அனுமதிக்க மாட்டோம் என்று சேத்தியாத்தோப்பில் நடந்த அ.தி.மு.க. பொதுக்கூட்டத்தில் அருண்மொழிதேவன் எம்.பி. பேசினார்.
4. நாடாளுமன்ற தேர்தலில் அ.தி.மு.க. மிகப்பெரிய வெற்றி பெறும் அன்வர்ராஜா எம்.பி. பேச்சு
திருவாடானையில் நடந்த பொதுக்கூட்டத்தில் நாடாளுமன்ற தேர்தலில் அ.தி.மு.க. மிகப்பெரிய வெற்றி பெறும் என்று அன்வர்ராஜா எம்.பி. பேசினார்.
5. மத்தியில் காங்கிரஸ் ஆட்சி அமைந்ததும் மக்கள் நலத்திட்டங்கள் அனைத்தும் நிறைவேற்றப்படும் அமைச்சர் நமச்சிவாயம் நம்பிக்கை
மத்தியில் காங்கிரஸ் ஆட்சி அமைந்ததும் கவர்னர் மாற்றப்படுவார். மாநில அந்தஸ்து, வேலைவாய்ப்பு உள்ளிட்ட மக்களின் நலத்திட்டங்கள் அனைத்தும் நிறைவேற்றப்படும் என்று அமைச்சர் நமச்சிவாயம் நம்பிக்கை தெரிவித்தார்.

அதிகம் வாசிக்கப்பட்டவை