மாவட்ட செய்திகள்

டாஸ்மாக் கடைகளை திறக்க எதிர்ப்பு தெரிவித்து பொதுமக்கள் மறியல் + "||" + Public stir in protest to open Tasmalk shops

டாஸ்மாக் கடைகளை திறக்க எதிர்ப்பு தெரிவித்து பொதுமக்கள் மறியல்

டாஸ்மாக் கடைகளை திறக்க எதிர்ப்பு தெரிவித்து பொதுமக்கள் மறியல்
கம்பம் குடியிருப்பு பகுதியில், டாஸ்மாக் கடைகளை திறக்க எதிர்ப்பு தெரிவித்து பொதுமக்கள் சாலை மறியலில் ஈடுபட்டனர்.
கம்பம்,


சுப்ரீம் கோர்ட்டு உத்தரவுப்படி தமிழகத்தில் தேசிய, மாநில நெடுஞ்சாலைகளில் உள்ள மதுக்கடைகள் அகற்றப்பட்டன. அதன்படி தேனி மாவட்டத்தில் 100-க்கும் மேற்பட்ட கடைகள் மூடப்பட்டன. அதற்கு பதிலாக குடியிருப்பு பகுதியில் டாஸ்மாக் கடைகளை திறக்க நடவடிக்கை மேற்கொள்ளப்பட்டு வருகிறது.

அதன்படி கம்பத்தில் மாரியம்மன்கோவில் தெரு, ஐசக் போதகர் தெரு, புதிய பஸ்நிலையம் ஆகிய இடங்களில் டாஸ்மாக் கடை திறப்பதற்கான முயற்சியில் அதிகாரிகள் ஈடுபட்டுள்ளனர். இதற்கு, அந்த பகுதியில் குடியிருக்கும் பொதுமக்கள் கடும் எதிர்ப்பு தெரிவித்து வருகின்றனர்.

மேலும் இது தொடர்பாக கலெக்டர் அலுவலகத்தில் மனு கொடுத்தனர். ஆனால் மாவட்ட நிர்வாகம் சார்பில் எந்தவொரு நடவடிக்கையும் எடுக்கவில்லை என தெரிகிறது. இதனால் ஆத்திரம் அடைந்த அப்பகுதி மக்கள், கம்பம் புதிய பஸ்நிலையம் செல்லும் சாலையில் மறியலில் ஈடுபட்டனர்.

இதுகுறித்து தகவல் அறிந்த கம்பம் வடக்கு சப்-இன்ஸ்பெக்டர் ஜெய்கணேஷ், சிறப்பு சப்-இன்ஸ்பெக்டர் செல்வராஜ் மற்றும் போலீசார் சம்பவ இடத்துக்கு விரைந்தனர். பின்னர் மறியலில் ஈடுபட்ட பெண்களிடம் போலீசார் பேச்சுவார்த்தை நடத்தினர். அப்போது, இது தொடர்பாக மாவட்ட நிர்வாகத்தின் கவனத்துக்கு கொண்டு செல்வதாக போலீசார் உறுதி அளித்தனர். அதன்பேரில் மறியலை கைவிட்டு பொதுமக்கள் கலைந்து சென்றனர்.

இது குறித்து பொதுமக்கள் கூறுகையில், கம்பம் புதிய பஸ்நிலையத்தில் குடிமகன்களின் தொல்லை அதிகமாக உள்ளது. கொலை, வழிப்பறி உள்ளிட்ட குற்றச்சம்பவங்கள் நடந்து வருகின்றன. குடியிருப்பு பகுதியில் டாஸ்மாக் கடைகள் திறக்கப்பட்டால் பொதுமக்களுக்கு பாதுகாப்பு இல்லாத நிலை ஏற்படும். எனவே மாரியம்மன் கோவில் தெரு, ஐசக் போதகர் தெரு, புதிய பஸ்நிலையம் பகுதியில் டாஸ்மாக் கடைகளை திறப்பதற்கான முயற்சியை மாவட்ட நிர்வாகம் கைவிட வேண்டும். இல்லையெனில் தொடர் போராட்டம் நடத்தப்படும் என்றனர். 

தொடர்புடைய செய்திகள்

1. செக்‌ஷன்-16ஏ சட்ட மசோதாவுக்கு எதிர்ப்பு கூடலூரில் முழு அடைப்பு
செக்‌ஷன்-16ஏ சட்ட மசோதாவுக்கு எதிர்ப்பு தெரிவித்து கூடலூரில் நேற்று முழு அடைப்பு நடைபெற்றது.
2. நத்தம் அருகே இருதரப்பினரிடையே மோதல், பெண்கள் உள்பட 6 பேருக்கு அரிவாள் வெட்டு
நத்தம் அருகே இரு தரப்பினர் மோதிக்கொண்டதில் பெண்கள் உள்பட 6 பேருக்கு அரிவாள் வெட்டு விழுந்தது. இதை கண்டித்து ஒரு தரப்பினர் சாலை மறியலில் ஈடுபட்டதால் போக்குவரத்து பாதித்தது.
3. பள்ளிகொண்டாவில் டாஸ்மாக் கடை திறப்பதற்கு பொதுமக்கள் எதிர்ப்பு
பள்ளிகொண்டாவில் டாஸ்மாக் கடை திறக்க பொதுமக்கள் எதிர்ப்பு தெரிவித்துள்ளனர்.
4. கட்சி அலுவலகம் முன்பிருந்த பேனர்களை போலீசார் நீக்கியதற்கு மகளிர் காங்கிரஸ் தொண்டர்கள் எதிர்ப்பு
சென்னையில் கட்சி அலுவலகம் முன்பிருந்த பேனர்களை போலீசார் நீக்கியதற்கு மகளிர் காங்கிரஸ் தொண்டர்கள் எதிர்ப்பு தெரிவித்தனர்.
5. மது, கஞ்சா, ஆபாச வசனம் ஓவியா படத்துக்கு எதிர்ப்பு
தமிழில் களவானி படத்தில் நடித்து முன்னணி நடிகையாக உயர்ந்த ஓவியா டி.வி பிக்பாஸ் நிகழ்ச்சி மூலம் மேலும் பிரபலமானார்.

ஆசிரியரின் தேர்வுகள்...