மாவட்ட செய்திகள்

திருவண்ணாமலையில் : போலி ரப்பர் ஸ்டாம்ப் தயாரித்த 3 பேர் கைது - மாவட்ட நீதிபதி நேரடி ஆய்வில் சிக்கினர் + "||" + In Tiruvannamalai: Three persons arrested for producing fake rubber stamp - District Judge trapped in direct study

திருவண்ணாமலையில் : போலி ரப்பர் ஸ்டாம்ப் தயாரித்த 3 பேர் கைது - மாவட்ட நீதிபதி நேரடி ஆய்வில் சிக்கினர்

திருவண்ணாமலையில் : போலி ரப்பர் ஸ்டாம்ப் தயாரித்த 3 பேர் கைது - மாவட்ட நீதிபதி நேரடி ஆய்வில் சிக்கினர்
திருவண்ணாமலையில் போலி ரப்பர் ஸ்டாம்ப் தயாரித்த 3 பேரை போலீசார் கைது செய்தனர்.
திருவண்ணாமலை,


திருவண்ணாமலை மாவட்ட நீதிமன்றங்களில் பல்வேறு வழக்கு கோப்புகளில் பயன்படுத்தப்படும் ரப்பர் ஸ்டாம்ப் போலியானது என மாவட்ட சட்டப்பணிகள் ஆணைக்குழுவிற்கு புகார்கள் சென்றன. இதையடுத்து சட்டப்பணிகள் ஆணைக்குழு தலைவரும், மாவட்ட நீதிபதியுமான மகிழேந்தி விசாரணை மேற்கொண்டார். அதில் நீதிமன்ற வழக்கு கோப்புகளில் பயன்படுத்தப்பட்ட ரப்பர் ஸ்டாம்ப் போலியானது என்பது தெரியவந்தது.

மேலும் விசாரணையில் இவை திருவண்ணாமலை பெரியார் சிலை, கட்டபொம்மன் தெரு, மத்தலாங்குளத்தெருவில் உள்ள ஜெராக்ஸ், ரப்பர் ஸ்டாம்ப் தயாரிக்கும் கடைகளில் அரசு அனுமதியின்றி தயாரிக்கப்படுகிறது என்பது தெரியவந்தது.

இதையடுத்து நேற்று மாவட்ட முதன்மை நீதிபதி மகிழேந்தி, சார்பு நீதிபதி ராஜ்மோகன் ஆகியோர் அந்த பகுதியில் உள்ள 3 கடைகளில் திடீரென ஆய்வு மேற்கொண்டனர்.

அப்போது அந்த கடைகளில் அரசு அனுமதியின்றி நீதிபதி, அரசு அலுவலர்கள் சார்ந்த போலி ரப்பர் ஸ்டாம்ப்கள் தயாரிக்கப்பட்டது தெரியவந்தது. அந்த கடைகளில் இருந்து போலி ரப்பர் ஸ்டாம்ப்களை நீதிபதிகள் பறிமுதல் செய்தனர்.

மேலும் அவற்றை தயாரித்த அரிகிருஷ்ணன் (வயது 32), கதிரேசன் (49), டெல்லிபாபு (35) ஆகிய 3 பேரையும் பிடித்து திருவண்ணாமலை கிழக்கு, டவுன் போலீசில் ஒப்படைத்தனர்.

இதனையடுத்து போலீசார், அவர்கள் 3 பேரையும் கைது செய்து விசாரணை நடத்தி வருகின்றனர். 

தொடர்புடைய செய்திகள்

1. ஒர்க்‌ஷாப் அதிபர் கொலையில் 3 பேர் கைது, 2 கார்கள் பறிமுதல் - கூலிப்படையை சேர்ந்த மேலும் பலர் சிக்குகிறார்கள்
கோவை ஒர்க்‌ஷாப் அதிபர் கொலை வழக்கில் 3 பேர் கைது செய்யப்பட்டனர். அவர்கள் பயன்படுத்திய 2 காரையும் போலீசார் பறிமுதல் செய்தனர். இந்த கொலையில் தொடர்புடைய கூலிப்படையை சேர்ந்த மேலும் சிலரை போலீசார் தேடி வருகிறார்கள்.
2. நிலம் வாங்கி தருவதாக ரூ.1.21 கோடி மோசடி ஏஜெண்டு உள்பட 3 பேர் கைது
நிலம் வாங்கி தருவதாக கூறி போலி ஆவணம் மூலம் ரூ.1.21 கோடி மோசடி செய்த ஏஜெண்டு உள்பட 3 பேரை போலீசார் கைது செய்தனர்.
3. திருத்தணியில் தாய், மகன் கொலை வழக்கில் 3 பேர் கைது
திருத்தணியில் தாய், மகன் கொலை வழக்கில் 3 பேர் கைது செய்யப்பட்டனர்.
4. அரியாங்குப்பத்தில் கஞ்சா வியாபாரிகள் 3 பேர் கைது பொறி வைத்து போலீசார் மடக்கினர்
அரியாங்குப்பத்தில் கஞ்சா வியாபாரிகள் 3 பேரை போலீசார் பொறிவைத்து மடக்கிப் பிடித்தனர்.
5. கம்பம் அருகே, 13 வயது சிறுமிக்கு கட்டாய திருமணம் - போக்சோ சட்டத்தில் பெற்றோர் உள்பட 3 பேர் கைது
கம்பம் அருகே, 13 வயது சிறுமிக்கு கட்டாய திருமணம் செய்த பெற்றோர் உள்பட 3 பேரை போலீசார் போக்சோ சட்டத்தில் கைது செய்தனர்.