மாவட்ட செய்திகள்

மும்பை ஏற்றுமதி நிறுவனத்திற்கு வாழைப்பழம் விற்பனை செய்வதாக ரூ.17 லட்சம் மோசடி + "||" + For Mumbai Export Company Rs.17 lakh fraud for banana sale

மும்பை ஏற்றுமதி நிறுவனத்திற்கு வாழைப்பழம் விற்பனை செய்வதாக ரூ.17 லட்சம் மோசடி

மும்பை ஏற்றுமதி நிறுவனத்திற்கு வாழைப்பழம் விற்பனை செய்வதாக ரூ.17 லட்சம் மோசடி
கம்பத்தில் இருந்து மும்பை ஏற்றுமதி நிறுவனத்திற்கு வாழைப்பழம் விற்பனை செய்வதாக ரூ.17 லட்சம் மோசடி செய்த வியாபாரி மீது போலீசார் வழக்குப்பதிவு செய்து விசாரணை நடத்தி வருகின்றனர். மும்பையை சேர்ந்தவர் இந்தர்பால்சிங் (வயது 64). இவர் பழ ஏற்றுமதி நிறுவனம் நடத்தி வருகிறார். இவர் கம்பம் வடக்கு போலீஸ் நிலையத்தில் புகார் மனு ஒன்றை கொடுத்தார். அதில் அவர் கூறியிருப்பதாவது:-
கம்பம், 

திருச்சி தில்லை நகரை சேர்ந்தவர் ராஜா வெங்கட்சுப்பிரமணியன். பழ வியாபாரி. அவர் இமெயில் மூலம் என்னிடம் தொடர்பு கொண்டார். அப்போது தான் வாழைப்பழங்களை விற்பனை செய்து வருவதாக கூறினார்.

தேனி மாவட்டம், கம்பம் ஒழுங்குமுறை விற்பனைக்கூட வளாகத்தில் அமைந்துள்ள பதனிடும் மையத்தில் வாழைப்பழங்களை வைத்திருப்பதாகவும், ஒப்பந்த அடிப்படையில் விற்பனைக்கு தருகிறேன் என்றார். இதை நம்பி வங்கி மூலம் ரூ.17 லட்சத்தை ராஜா வெங்கட்சுப்பிரமணியன் வங்கி கணக்கில் 2 தவணைகளாக செலுத்தினேன்.

ஆனால் ஒப்பந்தப்படி அவர் வாழைப்பழங்களை அனுப்பவில்லை. இதுகுறித்து அவரை தொடர்பு கொண்டு கேட்டேன். பின்னர் கம்பம் ஒழுங்குமுறை விற்பனைக்கூட வளாகத்தில் உள்ள அவருடைய அலுவலகத்துக்கு நேரில் வந்தேன். அவரிடம் வாழைப்பழங்கள் அனுப்பும்படி கேட்டதற்கு, தர முடியாது என்றும், கொலை மிரட்டலும் விடுத்தார். அவர் மீது நடவடிக்கை எடுக்க வேண்டும்.

இவ்வாறு அவர் கூறியிருந்தார். இந்த புகாரின் பேரில் ராஜா வெங்கட்சுப்பிரமணியன் மீது போலீஸ் இன்ஸ்பெக்டர் உலகநாதன் வழக்குப்பதிவு செய்து விசாரணை நடத்தி வருகிறார்.


தொடர்புடைய செய்திகள்

1. சிலை செய்ததில் தங்கம் மோசடி: கைதான அர்ச்சகருக்கு ஜாமீன் கும்பகோணம் கோர்ட்டு வழங்கியது
காஞ்சீபுரம் ஏகாம்பரநாதர் கோவிலில் சிலை செய்ததில் தங்கம் மோசடி செய்யப்பட்ட வழக்கில் கைது செய்யப்பட்ட கோவில் அர்ச்சகருக்கு கும்பகோணம் கோர்ட்டு ஜாமீன் வழங்கியது.
2. மோசடியில் கைதானவர்களுக்கு ஜாமீன் வழங்க கோர்ட்டில் போலி ஆவணங்கள் கொடுத்த 6 பேர் கைது
மோசடியில் கைதானவர்களுக்கு ஜாமீன் வழங்க கோர்ட்டில் போலி ஆவணங்கள் கொடுத்த 6 பேர் கைது செய்யப்பட்டனர்.
3. தங்கநகை சேமிப்பு திட்டம் நடத்தி ரூ.4 கோடி மோசடி - ஏமாற்றப்பட்ட ஏஜெண்டுகள் போலீஸ் சூப்பிரண்டு அலுவலகத்தில் புகார்
தங்கநகை சேமிப்பு திட்டம் நடத்தி ரூ.4 கோடி மோசடி செய்தவரை கைது செய்ய வேண்டும் என்று அந்நிறுவன ஏஜெண்டுகள் மாவட்ட போலீஸ் சூப்பிரண்டு அலுவலகத்தில் புகார் மனு அளித்தனர்.
4. காஞ்சீபுரம் கோவிலில் 100 கிலோ தங்கம் மோசடி: மும்பையில் கைதான கோவில் குருக்கள், நீதிபதி முன்பு ஆஜர்
காஞ்சீபுரம் கோவிலில் 100 கிலோ மோசடி வழக்கில் மும்பையில் கைது செய்யப்பட்ட கோவில் குருக்களை, கும்பகோணத்தில்நீதிபதி முன்பு போலீசார் ஆஜர்படுத்தினர். நீதிபதி உத்தரவை தொடர்ந்து கோவில் குருக்களை போலீசார் திருச்சி மத்திய சிறையில் அடைத்தனர்.
5. பெண் தற்கொலைக்கு காரணமான சுய உதவி குழு தலைவி கைது ரூ.10 லட்சம் மோசடி செய்தது அம்பலம்
திருச்சி அரியமங்கலத்தில் பெண் தற்கொலைக்கு காரணமான சுயஉதவி குழு தலைவியை போலீசார் கைது செய்தனர். மேலும் அவர் ரூ.10 லட்சம் மோசடி செய்ததும் அம்பலம் ஆனது.