மாவட்ட செய்திகள்

நடுவீரப்பட்டு பகுதியில் பொங்கல் பண்டிகைக்கு பன்னீர் கரும்புகள் அறுவடை தீவிரம் + "||" + The middle part of the area Paneer cane for the Pongal festival is the intensification of harvest

நடுவீரப்பட்டு பகுதியில் பொங்கல் பண்டிகைக்கு பன்னீர் கரும்புகள் அறுவடை தீவிரம்

நடுவீரப்பட்டு பகுதியில் பொங்கல் பண்டிகைக்கு பன்னீர் கரும்புகள் அறுவடை தீவிரம்
பொங்கல் பண்டிகைக்கு தேவையான பன்னீர் கரும்புகளை அறுவடை செய்யும் பணி நடுவீரப்பட்டு பகுதியில் தீவிரமாக நடந்து வருகிறது. ஒரு கரும்பு ரூ. 13-க்கு விலை போவதால் விவசாயிகள் கவலையடைந்துள்ளனர்.
நெல்லிக்குப்பம், 

தமிழர் திருநாளாம் பொங்கல் பண்டிகை வருகிற 15-ந்தேதி உலகெங்கிலும் உள்ள தமிழர்களால் கோலாகலமாக கொண்டாடப்பட உள்ளது. பொங்கல் என்றால் நம் அனைவருக்கும் நினைவுக்கு வருவது கரும்பு தான். பொங்கல் பண்டிகைக்கு தேவையான கரும்பை உற்பத்தி செய்து வழங்குவதில் கடலூர் மாவட்டத்தை சேர்ந்த விவசாயிகளுக்கு தனி இடம் உண்டு.

காவிரியின் கடைமடை பகுதியாக இருக்கும் காட்டுமன்னார் கோவில், சிதம்பரம் மற்றும் குறிஞ்சிப்பாடி, நடுவீரப்பட்டு, பண்ருட்டி பகுதிகளிலும் பன்னீர் கரும்புகளை விவசாயிகள் அதிகளவில் சாகுபடி செய்கிறார்கள்.

அந்த வகையில் இந்த ஆண்டும் நடுவீரப்பட்டு பகுதி விவசாயிகள் கரும்பு சாகுபடி செய்தனர். இந்த பகுதியில் சுமார் 600 ஏக்கரில் கரும்பு பயிர் செய்யப்பட்டு இருந்தன. தற்போது இவை நன்கு செழித்து வளர்ந்து இருந்த நிலையில், அறுவடை பணியை விவசாயிகள் தொடங்கி விட்டார்கள்.இங்கிருந்து கடலூர் மாவட்டம் மட்டுமின்றி சென்னை, காஞ்சிபுரம், வேலூர், திருவள்ளுர், விழுப்புரம் என்று பல்வேறு மாவட்டங்களுக்கு லாரிகளில் ஏற்றி அனுப்பி வைத்துவருகிறார்கள். வியாபாரிகள் நேரடியாக விளை நிலத்திற்கே வந்து வாங்கி செல்கின்றனர். இவ்வாறு இருந்தும், தங்களுக்கான உரிய விலை கிடைக்கவில்லை என்று விவசாயிகள் கவலைபட தெரிவிக்கிறார்கள்.

இதுகுறித்து விவசாயி ஒருவர் கூறுகையில், பன்னீர் கரும்புகளை கடந்த 10 மாதமாக பராமரித்து பாதுகாத்து வந்தோம். ஒரு ஏக்கருக்கு குறைந்தபட்சம் ரூ.1 லட்சம் முதல் 2 லட்சம் ரூபாய் வரைக்கும் செலவு செய்து இருந்தோம். ஒரு ஏக்கரில் 20 ஆயிரம் முதல் 25 ஆயிரம் கரும்புகள் கிடைத்துள்ளது. ஒரு கட்டுக்கு 20 கரும்புகள் வீதம் வைத்து விற்பனை செய்து வருகிறோம்.

அதோடு, தமிழக அரசு பொங்கல் பரிசுடன் கரும்பு துண்டுகளையும் பொதுமக்களுக்கு வழங்கி வருவதால், அதற்கு தேவையான கரும்புகளை அரசு அதிகாரிகளும் எங்களிடம் வந்து வாங்கி செல்கிறார்கள். கடந்த ஆண்டு ஒரு கரும்பு ரூ.15-க்கு வாங்கிய அதிகாரிகள், தற்போது ரூ.13 ரூபாய்க்கு வாங்கி செல்கிறார்கள். இதே விலைக்கு தான், வெளியூர் வியாபாரிகளும் கேட்கிறார்கள்.

கடந்த ஆண்டு சேலம், புதுக்கோட்டை, கிருஷ்ணகிரி பகுதியில் இருந்து வந்த வியாபாரிகள் தற்போது இங்கு வரவில்லை. இதனால் எங்கள் கரும்புகள் விற்பனையாவதில் தாமதம் ஏற்பட்டுள்ளது. இதை பயன்படுத்தி தான் குறைந்த விலைக்கு அரசு அதிகாரிகள் மற்றும் வியாபாரிகள் கேட்கிறார்கள். கடந்த ஆண்டை விட ஒரு ரூபாய் கூடுதல் விலை கிடைக்கும் என்று நினைத்து இருந்தோம். ஆனால் நிலைமை தலைகீழாக மாறி விலைகுறைந்து விட்டது. இதனால் நாங்கள் பெரும் நஷ்டத்தை சந்தித்து உள்ளோம். ஆகையால் தமிழக அரசு தலையிட்டு பன்னீர் கரும்புக்கு கூடுதல் விலை வழங்க வேண்டும் என்று அவர் தெரிவித்தார்.

பொங்கல் பண்டிகைக்கு தித்திக்கும் கரும்புகளை உற்பத்தி செய்து வழங்கும் விவசாயிகளின் நிலை என்னவோ இன்னும் கசப்பாகவே இருக்கிறது என்பதை பன்னீர் கரும்பின் விலை நமக்கு உணர்த்துகிறது. இதை கருத்தில் கொண்டு அரசு உடனடி நடவடிக்கை மேற்கொண்டு கரும்புக்கு விவசாயிகள் மகிழும் வகையில் விலை நிர்ணயம் செய்ய வேண்டும் என்பதே சமூக ஆர்வலர்களின் எதிர்பார்ப்பாக உள்ளது.

தொடர்புடைய செய்திகள்

1. தண்ணீரின்றி காய்ந்து வரும் கரும்பு பயிர்கள் விவசாயிகள் கவலை
வாணாபுரம் பகுதியில் கரும்பு பயிர்கள் தண்ணீரின்றி காய்ந்து வருவதால் விவசாயிகள் வேதனை அடைந்துள்ளனர்.
2. கோத்தகிரி, மஞ்சூரில் பலத்த மழை: காய்கறி தோட்டங்கள் நீரில் மூழ்கின விவசாயிகள் கவலை
கோத்தகிரி, மஞ்சூரில் பலத்த மழை பெய்தது. காய்கறி தோட்டங்கள் நீரில் மூழ்கியதால் விவசாயிகள் கவலை அடைந்து உள்ளனர்.
3. பஞ்சப்பள்ளி அருகே வாழை தோட்டத்தில் புகுந்து யானைகள் அட்டகாசம் விவசாயிகள் கவலை
பஞ்சப்பள்ளி அருகே வனப்பகுதியில் இருந்து வெளியேறி யானைகள் வாழை தோட்டத்தில் புகுந்து அட்டகாசம் செய்தன. இதனால் விவசாயிகள் கவலை அடைந்தனர்.
4. ரூபநாராயணநல்லூர் ஏரி வறண்டது நெற்பயிர்கள் கருகுவதால் விவசாயிகள் கவலை
ரூபநாராயணநல்லூர் ஏரி வறண்டதால் நெற்பயிர்கள் கருகுகின்றன. இதனால் விவசாயிகள் கவலை அடைந்துள்ளனர்.
5. வேப்பனப்பள்ளி பகுதிகளில் செண்டுமல்லி விலை கடும் வீழ்ச்சி விவசாயிகள் கவலை
வேப்பனப்பள்ளி பகுதிகளில் செண்டுமல்லி விலை கடும் வீழ்ச்சி அடைந்துள்ளதால் விவசாயிகள் கவலை அடைந்துள்ளனர்.

அதிகம் வாசிக்கப்பட்டவை