மாவட்ட செய்திகள்

ஸ்ரீவில்லிபுத்தூர் அருகே சிறுத்தை நடமாட்டம் விவசாயிகள் பீதி + "||" + Panther movements near Srivilliputhur Farmers panic

ஸ்ரீவில்லிபுத்தூர் அருகே சிறுத்தை நடமாட்டம் விவசாயிகள் பீதி

ஸ்ரீவில்லிபுத்தூர் அருகே சிறுத்தை நடமாட்டம் விவசாயிகள் பீதி
ஸ்ரீவில்லிபுத்தூர் அருகே வாழைத்தோட்டத்தில் சிறுத்தையின் நடமாட்டம் இருப்பதால் விவசாயிகள் பீதியடைந்து உள்ளனர்.
ஸ்ரீவில்லிபுத்தூர்,

ஸ்ரீவில்லிபுத்தூர் வன்னியம்பட்டி விலக்கு அருகே உள்ள வேலங்குளம் கண்மாய், ஓடைக்குளம் கண்மாய் மற்றும் பெரியகுளம் கண்மாயின் கால்வாய் பகுதிக்கு தெற்கே உள்ள பகுதி வரை சிறுத்தையின் நடமாட்டம் உள்ளதாக கூறப்படுகிறது. இந்தநிலையில் இனாம்கரிசல்குளத்தை சேர்ந்த விவசாயி ஒருவர் வாழை தோட்டத்திற்கு தண்ணீர் பாய்ச்ச சென்றார். அப்போது தோட்டத்தில் நின்ற சிறுத்தையை கண்டதும் பயந்து வீட்டிற்கு வந்து விட்டார். இந்த தகவலை அறிந்த கிராமத்தினர் வாழைத்தோப்பில் சென்று பார்த்த போது வரப்பை ஒட்டிய பகுதியில் சிறுத்தையின் கால்தடம் இருந்தது தெரியவந்தது.

வேலங்குளம் கண்மாய் மற்றும் ஓடைக்குளம் கண்மாய் பகுதிகளில் சீமைக்கருவேல மரங்கள் வளர்ந்து அடர்வனமாக இருப்பதால் வனவிலங்குகள் இப்பகுதியில் தங்க ஏதுவாக இருக்கிறது. இதனால் எந்த நேரத்தில் சிறுத்தை வருமோ என விவசாயிகள் பீதியில் உள்ளனர்.

இதன் காரணமாக இந்த பகுதியில் உள்ள வயல்களுக்கு வரவே விவசாயிகள் அச்சப்படும் நிலை உள்ளது. எனவே வனத்துறையினர் இந்த பகுதியில் உலாவரும் சிறுத்தையை பிடித்து வனப்பகுதியில் விடவும், கண்மாய்களில் வளர்ந்துள்ள சீமைக்கருவேல மரங்களை அகற்றவும் மாவட்ட நிர்வாகம் போர்க்கால அடிப்படையில் நடவடிக்கை வேண்டும் என அப்பகுதி விவசாயிகள் கோரிக்கை விடுத்துள்ளனர்.


தொடர்புடைய செய்திகள்

1. மகனின் காதல் விவகாரத்தில் விவசாயி வெட்டிக்கொலை காதலியின் தந்தை உள்பட 2 பேருக்கு வலைவீச்சு
லாலாபேட்டை அருகே மகனின் காதல் விவகாரத்தில் விவசாயி வெட்டிக்கொலை செய்யப்பட்டார். இதுதொடர்பாக காதலியின் தந்தை உள்பட 2 பேரை போலீசார் வலைவீசி தேடி வருகின்றனர்.
2. விவசாய நிலங்களில் தாழ்வாக செல்லும் மின்கம்பிகளால் ஆபத்து
எஸ்.புதூர் ஒன்றியம் கே.உத்தம்பட்டியில் விவசாய நிலங்களில் தாழ்வாக செல்லும் உயர்மின் அழுத்த கம்பிகளால் விபத்து ஏற்படும் அபாயம் உள்ளது.
3. ஹைட்ரோ கார்பன் திட்டத்தை கொண்டு வந்து விவசாயத்தை அழிக்க மத்திய அரசு சதி; விடுதலை சிறுத்தைகள் கட்சி குற்றச்சாட்டு
புதுச்சேரியில் நடைபெற்ற புத்தக வெளியீட்டு விழாவில் விடுதலை சிறுத்தைகள் கட்சியின் பொதுச்செயலாளர் ரவிக்குமார் கலந்துகொண்டார்.
4. அறுவடை பணிகள் தீவிரம்: கொள்முதல் நிலையம் அமைக்காததால் குறைந்த விலைக்கு நெல் வாங்கும் வியாபாரிகள் விவசாயிகள் கடும் பாதிப்பு
அறுவடை பணிகள் தீவிரமடையும் நிலையில் கொள்முதல் நிலையம் அமைக்கப்படாததால் குறைந்து விலைக்கு வியாபாரிகள் நெல் வாங்குவதால் விவசாயிகள் கடுமையாக பாதிக்கப்பட்டு உள்ளனர்.
5. கஜா புயலால் பாதித்த விவசாயிகளுக்கு சொட்டுநீர் பாசனத்தில் பயிர் சாகுபடி செய்ய 100 சதவீத மானியம் அதிகாரி தகவல்
பழனி பகுதியில் கஜா புயலால் பாதிக்கப்பட்ட விவசாயிகளுக்கு, சொட்டுநீர் பாசனம் மூலம் பயிர்சாகுபடி செய்ய 100 சதவீத மானியம் வழங்கப்பட உள்ளதாக அதிகாரி தெரிவித்துள்ளார்.