மாவட்ட செய்திகள்

தஞ்சை அருகே விவசாயிகள் ஆர்ப்பாட்டம் பயிர்க் காப்பீட்டு தொகையை வழங்க வலியுறுத்தல் + "||" + Farmers protest near Thanjavu to insure the insurance to pay the crop

தஞ்சை அருகே விவசாயிகள் ஆர்ப்பாட்டம் பயிர்க் காப்பீட்டு தொகையை வழங்க வலியுறுத்தல்

தஞ்சை அருகே விவசாயிகள் ஆர்ப்பாட்டம் பயிர்க் காப்பீட்டு தொகையை வழங்க வலியுறுத்தல்
பயிர்க் காப்பீட்டு தொகையை வழங்க வலியுறுத்தி தஞ்சை அருகே விவசாயிகள் ஆர்ப்பாட்டம் செய்தனர்.
தஞ்சாவூர்,

தஞ்சையை அடுத்த மானாங்கோரை தொடக்க வேளாண்மை கூட்டுறவு கடன் சங்கம் முன்பு மாவட்ட காவிரி விவசாயிகள் பாதுகாப்பு சங்கம் சார்பில் நேற்றுகாலை ஆர்ப்பாட்டம் நடந்தது. இதற்கு மாவட்ட துணைச் செயலாளர் சுகுமாரன் தலைமை தாங்கினார். செயலாளர் விமல்நாதன், தலைவர் சின்னதுரை, நிர்வாகிகள் தருமராஜன், திருஞானம் ஆகியோர் முன்னிலை வகித்தனர்.

2016–17, 2017–18–ம் ஆண்டுகளுக்குரிய பயிர்க் காப்பீட்டு தொகையான ரூ.118 கோடியை பயிர்க் காப்பீட்டு நிறுவனம், மத்திய கூட்டுறவு வங்கிகள், தொடக்க வேளாண்மை கூட்டறவு வங்கிகள் வழங்காமல் விவசாயிகளை ஏமாற்றி வருவதை கண்டித்தும், காலதாமதத்திற்குரிய வட்டியுடன் உடனே காப்பீட்டுத் தொகையை வழங்க வலியுறுத்தியும் இந்த ஆர்ப்பாட்டம் நடந்தது.


இதில் கலந்து கொண்ட விவசாயிகள், நாமம் போடப்பட்ட பதாகைகளை கையில் ஏந்தி பல்வேறு கோ‌ஷங்களை எழுப்பினர். இது குறித்து காவிரி விவசாயிகள் பாதுகாப்பு சங்க செயலாளர் விமல்நாதன் நிருபர்களிடம் கூறியதாவது:–

பிரதமரின் பயிர்க் காப்பீட்டு திட்டத்தின் கீழ் 2016–17–ம் ஆண்டு சம்பா பயிருக்கு காப்பீடு செய்யப்பட்டது. கடுமையான வறட்சியால் மகசூல் இழப்பை கணக்கிட்டு இழப்பீட்டு தொகையை வழங்க காப்பீட்டு நிறுவனம் மறுத்துவிட்டது. கலெக்டரிடம் மனு அளித்தும் எந்த நடவடிக்கையும் எடுக்கப்படவில்லை.


2017–18–ம் ஆண்டில் காப்பீடு செய்த விவசாயிகளுக்கும் இதுவரை காப்பீட்டு தொகை வழங்கப்படவில்லை. பயிர்க் காப்பீட்டு தொகையான ரூ.118 கோடியை தமிழகஅரசு, விதிகளுக்கு புறம்பாக கஜா புயல் நிவாரணத்திற்கு மாற்றிவிட்டதாக விவசாயிகள் மத்தியில் கருத்து நிலவுகிறது. எனவே பயனாளிகளின் முகவரி, புல எண், காப்பீட்டு நிறுவனத்திடம் இருந்து மாவட்ட நிர்வாகம், தொடக்க வேளாண்மை கூட்டுறவு கடன் சங்கங்களுக்கு காப்பீட்டு தொகை வந்த நாள், இன்னும் வரவேண்டிய தொகை, நிலுவையில் உள்ள விவசாயிகளின் பட்டியலை வெளிப்படையாக இணையதளத்தில் வெளியிட வேண்டும்.

உடனே காப்பீட்டு தொகையை வழங்கவில்லை என்றால் அடுத்தகட்டமாக தஞ்சை, கும்பகோணத்தில் உள்ள மத்திய கூட்டுறவு வங்கிகளின் கட்டுப்பாட்டில் உள்ள கூட்டுறவு வங்கிகள், தொடக்க வேளாண்மை கூட்டுறவு கடன் சங்கங்களின் முன்பு ஆர்ப்பாட்டம் நடத்தப்படும்.

இவ்வாறு அவர் கூறினார்.

தொடர்புடைய செய்திகள்

1. ரூ.68 கோடியில் கட்டப்பட்ட நெல் சேமிப்பு கிடங்கு செயல்பாட்டுக்கு வருமா? விவசாயிகள் எதிர்பார்ப்பு
எருக்கூரில் ரூ.68 கோடியில் கட்டப்பட்ட நவீன தானியங்கி நெல் சேமிப்பு கிடங்கு செயல்பாட்டுக்கு வருமா? என்று விவசாயிகள் எதிர்பார்க்கிறார்கள்.
2. செங்கிப்பட்டி அருகே விளை நிலங்கள் வழியாக எரிவாயு குழாய் பதிக்க எதிர்ப்பு தெரிவித்து ஆர்ப்பாட்டம்
செங்கிப்பட்டி அருகே விளை நிலங்கள் வழியாக எரிவாயு குழாய் பதிக்க எதிர்ப்பு தெரிவித்து விவசாயிகள், மார்க்சிஸ்ட் கம்யூனிஸ்டு கட்சியினர் இணைந்து ஆர்ப்பாட்டத்தில் ஈடுபட்டனர்.
3. கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டம்
செம்பனார்கோவில் அருகே விளைநிலங்களில் குழாய்கள் பதிக்கும் கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டத்தில் ஈடுபட்டனர். அப்போது அவர்கள் ‘தற்கொலை செய்து கொள்வோம்’ என கோஷம் எழுப்பியதால் பரபரப்பு ஏற்பட்டது.
4. செல்லிக்குறிச்சி ஏரியை தூர்வார வேண்டும் விவசாயிகள் கோரிக்கை
செல்லிக்குறிச்சி ஏரியை தூர்வார நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.
5. ஹைட்ரோ கார்பன் திட்டத்தை ரத்து செய்யக்கோரி குளத்திற்குள் இறங்கி விவசாயிகள் அரை நிர்வாண போராட்டம்
ஹைட்ரோ கார்பன் திட்டத்தை ரத்து செய்யக்கோரி நாகையில், குளத்திற்குள் இறங்கி விவசாயிகள் அரை நிர்வாண போராட்டத்தில் ஈடுபட்டனர்.