மாவட்ட செய்திகள்

துறையூர் அருகே குறி சொல்பவர் அடித்துக்கொலை போலீசார் விசாரணை + "||" + The police are investigating the murder of a tycoon near Thuraiyur

துறையூர் அருகே குறி சொல்பவர் அடித்துக்கொலை போலீசார் விசாரணை

துறையூர் அருகே குறி சொல்பவர் அடித்துக்கொலை போலீசார் விசாரணை
துறையூர் அருகே குறி சொல்பவர் கட்டையால் அடித்து கொலை செய்யப்பட்டார். இது குறித்து போலீசார் விசாரணை நடத்தி வருகின்றனர்.
துறையூர்,

துறையூரை அடுத்த பச்சமலை வண்ணாடு ஊராட்சியில் உள்ள வாழையூர் கிராமத்தை சேர்ந்தவர் பொன்னுசாமி(வயது 60). குறி சொல்பவர். இவரிடம் குறி கேட்பதற்காக, பெரம்பலூர் மாவட்டம் குரும்பலூரை சேர்ந்த வெங்கடேசன்(46) தனது குடும்பத்துடன் நேற்றுமுன்தினம் பொன்னுசாமி வீட்டிற்கு சென்றார். குறி கேட்ட பின்னர், இரவு நேரம் ஆகிவிட்டதால் அவர்களால் ஊருக்கு திரும்பி செல்ல முடியவில்லை. இதனால் அவர்கள் பொன்னுசாமி வீட்டில் தங்கினர்.

அனைவரும் தூங்கிய நிலையில், நள்ளிரவில் திடீரென எழுந்த வெங்கடேசன், அங்கிருந்த கட்டையை எடுத்து பொன்னுசாமியை தாக்கியதாக கூறப்படுகிறது. அலறல் சத்தம் கேட்டு அக்கம், பக்கத்தினர் அங்கு திரண்டு வந்தனர். அங்கு ரத்த வெள்ளத்தில் கிடந்த பொன்னுசாமிக்கு அருகில் சென்று அவர்கள் பார்த்தபோது, அவர் இறந்துவிட்டது தெரியவந்தது.

இதையடுத்து கிராம மக்கள், வெங்கடேசன் மற்றும் அவருடைய மனைவி, குழந்தைகளை பிடித்தனர். நேற்று வெங்கடேசனை தவிர, அவருடைய குடும்பத்தினரை அங்கிருந்து செல்லுமாறு கிராம மக்கள் கூறினர். இதையடுத்து அவர்கள் அங்கிருந்து சென்றனர்.

இது குறித்து வெங்கடேசனின் மனைவி, துறையூர் போலீஸ் நிலையத்தில் புகார் அளித்தார். அதன்பேரில் இன்ஸ்பெக்டர் குருநாதன் தலைமையில் போலீசார் வாழையூர் கிராமத்திற்கு சென்று, வெங்கடேசனை மீட்டனர். அவர் மயங்கிய நிலையில் இருந்ததால், துறையூர் அரசு மருத்துவமனையில் சிகிச்சைக்காக சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. மேலும் பொன்னுசாமியின் உடல் பிரேத பரிசோதனைக்காக துறையூர் அரசு மருத்துவமனைக்கு கொண்டு செல்லப்பட்டது. இந்த சம்பவம் குறித்து போலீசார் விசாரணை நடத்தி வருகின்றனர். 

தொடர்புடைய செய்திகள்

1. செங்கம் அருகே ஓய்வு பெற்ற தபால் ஊழியர் வீட்டில் 50 பவுன் நகை, ரூ.3 லட்சம் கொள்ளை உறவினர்கள் கைவரிசையா? என போலீஸ் விசாரணை
செங்கம் அருகே ஓய்வு பெற்ற தபால் ஊழியர் வீட்டில் 50 பவுன் நகை, ரூ.3 லட்சத்தை உறவினர்கள் கொள்ளையடித்து சென்றார்களா? என போலீசார் விசாரணை நடத்தி வருகின்றனர்.
2. வேதாரண்யம் மீனவர்களை ஆந்திர போலீசார் பிடித்து செல்ல முயன்றதால் பரபரப்பு சோதனை சாவடியில் தமிழக போலீசார் மடக்கினர்
ஆந்திராவில் கரை ஒதுங்கிய இலங்கை படகின் அருகே நாகை மீனவரின் வாக்கி- டாக்கி கண்டெடுக்கப்பட்டு உள்ளது. இதனால் வேதாரண்யம் மீனவர்கள் 6 பேரை ஆந்திர மாநில போலீசார் ஆந்திராவுக்கு வேனில் பிடித்து செல்ல முயன்றனர். அவர்களை பொறையாறு சோதனை சாவடி அருகே தமிழக போலீசார் மடக்கி பிடித்தனர்.
3. தஞ்சையில் ரத்தகாயங்களுடன் முதியவர் பிணம் கொலை செய்யப்பட்டாரா? போலீசார் விசாரணை
தஞ்சையில் ரத்தகாயங்களுடன் முதியவர் பிணமாக கிடந்ததால் அவர் கொலை செய்யப்பட்டாரா? என போலீசார் விசாரணை நடத்தி வருகின்றனர்.
4. நாகையில் ஓடும் பஸ்சில் பெண்ணிடம் ரூ.15 ஆயிரம் திருட்டு போலீசார் விசாரணை
நாகையில் ஓடும் பஸ்சில் பெண்ணிடம் ரூ.15 ஆயிரம் திருடிய மர்ம நபர்களை போலீசார் தேடி வருகிறார்கள்.
5. அருப்புக்கோட்டையில் ஓட்டல் தொழிலாளி தற்கொலை போலீசார் விசாரணை
அருப்புக்கோட்டையில் ஓட்டல் தொழிலாளி தற்கொலை செய்து கொண்டார். இதுகுறித்து போலீசார் விசாரணை நடத்தி வருகின்றனர்.