மாவட்ட செய்திகள்

கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டம் + "||" + Farmers struggle to climb the rice bundles to make purchases

கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டம்

கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டம்
மணல்மேடு அருகே கொள்முதல் செய்ய வலியுறுத்தி நெல் மூட்டைகளின் மீது ஏறி நின்று விவசாயிகள் போராட்டத்தில் ஈடுபட்டனர்.
மணல்மேடு,

நாகை மாவட்டம் மணல்மேடு அருகே வில்லியநல்லூரில் அரசு நேரடி நெல் கொள்முதல் நிலையம் உள்ளது. இந்த பகுதியை சேர்ந்த விவசாயிகள் தாங்கள் அறுவடை செய்த நெல்லை மூட்டைகளாக கொண்டு வந்து கொள்முதல் நிலையத்தில் அடுக்கி வைத்துள்ளனர். ஆனால் கடந்த சில நாட்களாக விவசாயிகள் கொண்டு வந்த நெல் கொள்முதல் செய்யப்படாமல் உள்ளது. இதனால் 10 ஆயிரத்துக்கும் மேற்பட்ட நெல் மூட்டைகள் தேக்கம் அடைந்துள்ளன. இதுகுறித்து கொள்முதல் நிலைய நிர்வாகத்திடம் கேட்ட போது நெல்லை பிடித்தம் செய்ய போதிய அளவு சாக்குகள் இல்லை என்று கூறுவதாக விவசாயிகள் தெரிவித்தனர். கொள்முதல் நிலையத்தில் நெல் மூட்டைகள் அதிக அளவில் தேக்கம் அடைந்துள்ளதால் மழை பெய்தால் மழைநீரில் நனைந்து சேதம் ஏற்பட வாய்ப்புள்ளதாக விவசாயிகள் கூறுகிறார்கள்.

இந்த நிலையில் நேற்று நெல்லை உடனே கொள்முதல் செய்ய வலியுறுத்தி விவசாயிகள் நெல் மூட்டைகள் மீது ஏறி நின்று போராட்டத்தில் ஈடுபட்டனர். இதுகுறித்து தகவல் அறிந்த மயிலாடுதுறை துணை போலீஸ் சூப்பிரண்டு (பொறுப்பு) வெங்கட்ராமன் மற்றும் மணல்மேடு போலீசார் சம்பவ இடத்துக்கு விரைந்து சென்று போராட்டத்தில் ஈடுபட்ட விவசாயிகளிடம் பேச்சுவார்த்தை நடத்தினர். அப்போது நேரடி கொள்முதல் நிலையத்தில் உடனே நெல் மூட்டைகளை கொள்முதல் செய்ய நடவடிக்கை எடுப்பதாக தெரிவிக்கப்பட்டது. இதைத்தொடர்ந்து விவசாயிகள் கலைந்து சென்றனர். இதனால் அந்த பகுதியில் பரபரப்பு ஏற்பட்டது. 

தொடர்புடைய செய்திகள்

1. தனியார் மயமாக்கும் திட்டத்துக்கு எதிர்ப்பு: திருச்சி படைக்கலன் தொழிற்சாலை ஊழியர்கள் பாடை கட்டி நூதன போராட்டம்
தனியார் மயமாக்கும் திட்டத்துக்கு எதிர்ப்பு தெரிவித்து வேலைநிறுத்தத்தில் ஈடுபட்டுள்ள திருச்சி படைக்கலன் தொழிற்சாலை ஊழியர்கள் நேற்று பாடை கட்டி நூதன போராட்டத்தில் ஈடுபட்டனர். இதில், ஊழியர்களின் குடும்பத்தினரும் பங்கேற்றனர்.
2. அமராவதி ஆற்றில் கடைமடை வரை தண்ணீர் திறக்கக்கோரி கலெக்டர் அலுவலகம் முன்பு திரண்ட விவசாயிகள்
அமராவதி ஆற்றில் கரூரின் கடைமடை வரை தண்ணீர் திறந்துவிடக்கோரி கரூர் கலெக்டர் அலுவலகம் முன்பு விவசாயிகள் திரண்டு போலீசாருடன் வாக்குவாதத்தில் ஈடுபட்டதால் பரபரப்பு ஏற்பட்டது.
3. பல்வேறு கோரிக்கைகளை வலியுறுத்தி விவசாயிகள் திடீர் சாலை மறியல் - கலெக்டர் பேச்சுவார்த்தை
திருவண்ணாமலையில் பல்வேறு கோரிக்கைகளை வலியுறுத்தி விவசாயிகள் திடீரென சாலை மறியல் போராட்டத்தில் ஈடுபட்டனர். அவர்களிடம் கலெக்டர் பேச்சுவார்த்தை நடத்தினார்.
4. காமநாயக்கன்பாளையம் அருகே பரபரப்பு, விவசாய நிலங்களில் மின்கோபுரம் அமைக்க எதிர்ப்பு - 10 பேர் கைது
காமநாயக்கன்பாளையம் அருகே விவசாய நிலங்களில் மின்கோபுரம் அமைக்க எதிர்ப்பு தெரிவித்து போராட்டம் நடத்திய விவசாயிகள் 10 பேரை போலீசார் கைது செய்தனர். மேலும் போராட்டத்தில் ஈடுபட்ட பெண்களை போலீசார் வலுக்கட்டாயமாக அப்புறப்படுத்தி விட்டு நிலத்தை அதிகாரிகள் அளவீடு செய்தனர். இதனால் பரபரப்பு ஏற்பட்டது.
5. இந்தோனேசிய அரசுக்கு எதிரான போராட்டத்தில் பப்புவா சிறை சூறையாடப்பட்டது - 250 கைதிகள் தப்பி ஓட்டம்
இந்தோனேசிய அரசுக்கு எதிரான போராட்டத்தின் போது போராட்டக்காரர்கள் பப்புவாவில் உள்ள சிறையை சூறையாடியதில் 250-க்கும் மேற்பட்ட கைதிகள் தப்பி ஓடினர்.