மாவட்ட செய்திகள்

நூறு நாள் திட்டத்தில் முறையாக வேலை வழங்க கோரி பொதுமக்கள் மறியல் + "||" + The public stir the demand for a proper job in a hundred day program

நூறு நாள் திட்டத்தில் முறையாக வேலை வழங்க கோரி பொதுமக்கள் மறியல்

நூறு நாள் திட்டத்தில் முறையாக வேலை வழங்க கோரி பொதுமக்கள் மறியல்
குறைவான நாள் வேலை பார்த்த மக்கள் முறையாக வேலை வழங்கவேண்டும் என கூறி நேற்று காசங்கோட்டை-ஸ்ரீபுரந்தான் சாலையில் அமர்ந்து மறியலில் ஈடுபட்டனர்.
விக்கிரமங்கலம்,

அரியலூர் மாவட்டம் விக்கிரமங்கலம் அருகே ஸ்ரீபுரந்தான் புதுப்பாளையம் கிராமத்தில் 500-க்கும் மேற்பட்ட குடும்பத்தினர் வசித்து வருகின்றனர். இந்நிலையில் அப்பகுதியில் உள்ள மக்களுக்கு வார்டு வாரியாக நூறு நாள் வேலை திட்டத்தின் கீழ் வேலை வழங்குவதாக கூறப்படுகிறது. ஊராட்சி செயலாளர் ஒரு வார்டுக்கு அதிக நாள் வேலை தருவதாகவும், மற்றொரு வார்டு மக்களுக்கு குறைவான நாள் வேலை தருவதாகவும் கூறப்படுகிறது. இதனால் குறைவான நாள் வேலை பார்த்த மக்கள் முறையாக வேலை வழங்கவேண்டும் என கூறி நேற்று காசங்கோட்டை-ஸ்ரீபுரந்தான் சாலையில் அமர்ந்து மறியலில் ஈடுபட்டனர். தகவல் அறிந்த விக்கிரமங்கலம் போலீஸ் சப்-இன்ஸ்பெக்டர் செந்தில்குமார் மற்றும் போலீசார் சம்பவ இடத்துக்கு வந்து மறியலில் ஈடுபட்டவர்களை அழைத்து, கிராமத்தின் பொதுவான இடத்தில் வைத்து பேச்சுவார்த்தை நடத்தினர். அப்போது மாவட்ட நிர்வாகத்திடம் கூறி முறையாக வேலை வழங்க நடவடிக்கை எடுக்கப்படும் என கூறியதை அடுத்து அப்பகுதி மக்கள் சாலை மறியலை கைவிட்டு கலைந்து சென்றனர். இதனால் காசங்கோட்டை-ஸ்ரீபுரந்தான் சாலையில் சுமார் அரைமணி நேரம் போக்குவரத்து பாதிக்கப்பட்டது. 

தொடர்புடைய செய்திகள்

1. ராஜவாய்க்காலில் தண்ணீர் திறக்கக்கோரி பொதுமக்கள் மறியல் போக்குவரத்து பாதிப்பு
ராஜவாய்க்காலில் தண்ணீர் திறக்கக்கோரி பொதுமக்கள் மறியலில் ஈடுபட்டதால் போக்குவரத்து பாதிக்கப்பட்டது.
2. ப.சிதம்பரம் கைது - தொண்டர்கள் மறியல்
ப.சிதம்பரம் கைது செய்யப்பட்டபோது அவரது தொண்டர்கள் மறியலில் ஈடுபட்டனர்.
3. குடிநீர் திட்ட பணிக்காக தோண்டப்பட்ட சாலையை சீரமைக்க கோரி பொதுமக்கள் மறியல்
குலசேகரம் அருகே பெருஞ்சாணி அணைப்பகுதியில் குடிநீர் திட்ட பணிக்காக தோண்டப்பட்ட சாலையை சீரமைக்க கோரி நேற்று பொதுமக்கள் சாலை மறியல் போராட்டத்தில் ஈடுபட்டனர். இதில் மனோ தங்கராஜ் எம்.எல்.ஏ. உள்பட ஏராளமானோர் கலந்து கொண்டனர்.
4. காட்டாற்று பாலத்தில் ஓ.என்.ஜி.சி. கனரக வாகனங்கள் செல்ல தடை விதிக்கக்கோரி சாலை மறியல்
கொரடாச்சேரி அருகே காட்டாற்று பாலத்தில் ஓ.என்.ஜி.சி.யின் கனரக வாகனங்கள் செல்ல தடை விதிக்கக்கோரி பொதுமக்கள் சாலை மறியலில் ஈடுபட்டனர். இதுதொடர்பாக 28 பேர் மீது வழக்குப்பதிவு செய்யப்பட்டது.
5. ஆலங்குடி அருகே பட்டா இடத்தில் புதைக்கப்பட்டவரின் உடலை அகற்றக்கோரி சாலை மறியல்
ஆலங்குடி அருகே நம்பன்பட்டியில் பட்டா இடத்தில் புதைக்கப்பட்டவரின் உடலை அகற்றக்கோரி சாலை மறியலில் ஈடுபட்டதால் 3 மணி நேரம் போக்குவரத்து பாதிக்கப்பட்டது.