மாவட்ட செய்திகள்

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு + "||" + In Rajapalayam A student who went to school death of Lorry collide

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு

ராஜபாளையத்தில் பரிதாபம் பள்ளிக்கு சென்ற பிளஸ்–1 மாணவர் லாரி மோதி சாவு
ராஜபாளையத்தில் லாரி மோதியதில், பள்ளிக்கு சென்ற பிளஸ்–1 மாணவர் பரிதாபமாக உயிரிழந்தார்.

ராஜபாளையம்,

ராஜபாளையம் சின்னசுரைக்காய் பட்டியை சேர்ந்தவர் சுரேஷ். கூலி தொழிலாளியான இவருக்கு 2 மகன்கள். மூத்த மகன் அஜய்குமார்(வயது16) சத்திரப்பட்டி சாலையில் உள்ள தனியார் பள்ளியில் பிளஸ்–1 படித்தார். இரண்டாவது மகன் மாதேஷ் ஜவஹர் மைதானம் அருகே உள்ள தனியார் பள்ளியில் 3– ம் வகுப்பு படித்து வருகிறான்.

அஜய்குமார் தனது வீட்டில் இருந்து நடந்து சென்று, பழைய பஸ் நிலையத்தில் இருந்து பஸ் மூலம் பள்ளிக்கு செல்வது வழக்கம். வழக்கம் போல தனது வீட்டில் இருந்து நேற்று பஸ் நிலையத்திற்கு சென்று கொண்டிருந்த போது, எதிரே கோவையில் இருந்து, நெல்லை மாவட்டம் அம்பாசமுத்திரத்திற்கு அட்டை பாரம் ஏற்றி சென்று கொண்டிருந்த லாரி எதிர்பாராத விதமாக மாணவர் மீது மோதியது.

லாரி சக்கரத்தில் சிக்கி அஜய்குமார் உடல் நசுங்கினார். ரத்த வெள்ளத்தில் கிடந்த அவரை ஆம்புலன்ஸ் மூலம் அரசு மருத்துவமனைக்கு கொண்டு சென்றனர். அங்கு பரிசோதனை செய்த டாக்டர்கள் மாணவர் ஏற்கெனவே இறந்து விட்டதாக தெரிவித்தனர்.

இதனை அடுத்து லாரி டிரைவர் அம்பாசமுத்திரத்தை சேர்ந்த சிவா என்பவரை கைது செய்த வடக்கு போலீசார் விபத்து குறித்து விசாரித்து வருகின்றனர்.நடந்து சென்ற மாணவர் லாரி மோதி பலியான சம்பவம், ராஜபாளையம் பகுதி மக்கள் மற்றும் பள்ளி மாணவர்களிடையே பெரும் சோகத்தை ஏற்படுத்தி உள்ளது.


தொடர்புடைய செய்திகள்

1. சென்னிமலை அருகே கார் –மொபட் மோதல்; விவசாயிகள் 2 பேர் சாவு
சென்னிமலை அருகே காரும், மொபட்டும் மோதிக்கொண்ட விபத்தில் விவசாயிகள் 2 பேர் பரிதாபமாக இறந்தனர்.
2. நண்பரின் பிறந்தநாளை கொண்டாட வந்த கல்லூரி மாணவர் ஆற்றில் மூழ்கி சாவு கோபி அருகே பரிதாபம்
கோபி அருகே நண்பரின் பிறந்தநாளை கொண்டாட வந்த கல்லூரி மாணவர் ஆற்றில் மூழ்கி பரிதாபமாக இறந்தார்.
3. நம்பியூர் அருகே பரிதாபம் குட்டையில் மூழ்கி வாலிபர் பலி
நம்பியூர் அருகே குட்டையில் மூழ்கி வாலிபர் பரிதாபமாக இறந்தார்.
4. தினகரனை நம்பி போட்டியிடுபவர்கள் பலிகடா தான் - அமைச்சர் ஆர்.பி.உதயகுமார் பேட்டி
தினகரனை நம்பி போட்டியிடுபவர்கள் பலிகடா தான் என்று அமைச்சர் ஆர்.பி.உதயகுமார் கூறினார்.
5. தபால் வாக்கு சீட்டு வழங்காததை கண்டித்து அரசு ஊழியர்கள், ஆசிரியர்கள் போராட்டம், தேர்தல் பணியை புறக்கணிக்க முடிவு
தபால் வாக்கு சீட்டு வழங்காததை கண்டித்து பயிற்சியை புறக்கணித்துவிட்டு அரசு ஊழியர்கள், ஆசிரியர்கள் போராட்டம் நடத்தினர். 17-ந் தேதிக்குள் வழங்கவில்லையெனில் தேர்தல் பணியை புறக்கணிக்கவும் அவர்கள் முடிவு செய்துள்ளனர்.