மாவட்ட செய்திகள்

சாமி ஊர்வலத்தின்போது தகராறு: ஒரே குடும்பத்தை சேர்ந்த 3 பேர் மீது தாக்குதல் 3 பேர் கைது + "||" + Three people in the same family have been arrested for alleged involvement in the Samy Parade

சாமி ஊர்வலத்தின்போது தகராறு: ஒரே குடும்பத்தை சேர்ந்த 3 பேர் மீது தாக்குதல் 3 பேர் கைது

சாமி ஊர்வலத்தின்போது தகராறு: ஒரே குடும்பத்தை சேர்ந்த 3 பேர் மீது தாக்குதல் 3 பேர் கைது
திருவெண்காடு அருகே சாமி ஊர்வலத்தின்போது ஒரே குடும்பத்தை சேர்ந்த 3 பேர் தாக்கப்பட்டனர். இது தொடர்பாக 3 பேரை போலீசார் கைது செய்தனர்.
திருவெண்காடு,

திருவெண்காடு அருகே சின்னபெருந்தோட்டம் கிராமத்தில் உள்ள கன்னிகாபரமேஸ்வரி கோவிலில் நேற்று முன்தினம் மாசிமக உற்சவத்தையொட்டி தீர்த்தவாரி உற்சவம் நடைபெற்றது. இதையொட்டி சாமி வீதிஉலா காட்சி நடைபெற்றது. இதில் கலந்து கொண்ட சிலர் சாமி ஊர்வலத்தின்போது பக்தர்களுக்கு இடையூறு ஏற்படுத்தும் வகையில் தகாத செயல்களில் ஈடுபட்டனர்.

இதனை அதே ஊரை சேர்ந்த கணபதி மகன் கமால் என்கிற செந்தில்குமார் (வயது 30) என்பவர் தட்டி கேட்டார். பின்னர் அவர் அங்கிருந்து சென்றார். இதனை தொடர்ந்து சாமி ஊர்வலத்தின்போது ஏற்பட்ட தகராறு காரணமாக அதே பகுதியை சேர்ந்த வைரம் மகன் கவியரசன் (21), குணசேகரன் மகன் வினோத் (21), விஸ்வநாதன் மகன் விஜய் (21) உள்ளிட்டோர், செந்தில்குமார் வீட்டுக்கு சென்றனர். பின்னர் அவர்கள் 3 பேரும் சேர்ந்து செந்தில்குமார் மற்றும் அவரது தாய், மனைவி உள்பட 3 பேரை தாக்கியதாக கூறப்படுகிறது.

இதுகுறித்து செந்தில்குமார் திருவெண்காடு போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து கவியரசன், வினோத், விஜய் ஆகிய 3 பேரை கைது செய்தனர். இந்த வழக்கு தொடர்பாக மேலும் சிலரை போலீசார் தேடி வருகிறார்கள். இந்த சம்பவத்தால் அந்த கிராமத்தில் பதற்றமான சூழ்நிலை நிலவி வருகிறது.

தொடர்புடைய செய்திகள்

1. 7 பேர் சாவுக்கு காரணமான பூசாரி தனபால் கைது போலீசார் நடவடிக்கை
கோவில் விழாவில் கூட்ட நெரிசலில் சிக்கி 7 பேர் சாவுக்கு காரணமான பூசாரி தனபாலை போலீசார் அதிரடியாக கைது செய்தனர்.
2. நாம் தமிழர் கட்சி பூத் ஏஜென்ட் மீது தாக்குதல் 4 பேர் மீது வழக்கு
அரியலூர் மாவட்டம் செந்துறை அருகே உள்ள அங்கனூர் பெருமாள் கோவில் தெருவை சேர்ந்தவர் வினோத்(வயது 29). இவர் கடந்த 18-ந் தேதி தேர்தல் அன்று நாம் தமிழர் கட்சி அங்கனூர் பூத்து ஏஜென்டாக இருந்தார்.
3. வாளையார் அருகே ரூ.5½ லட்சம் போதை ஸ்டாம்புகள் பறிமுதல் வாலிபர் கைது
வாளையார் அருகே ரூ.5½ லட்சம் போதை ஸ்டாம்புகள் பறிமுதல் செய்யப்பட்டது. இதை கடத்தி வந்த வாலிபரை போலீசார் கைது செய்தனர்.
4. திருச்சி காந்தி மார்க்கெட் பகுதியில் 50 ரூபாய் கள்ளநோட்டை மாற்ற முயன்றவர் கைது 85 நோட்டுகள் பறிமுதல்
திருச்சி காந்திமார்க்கெட் அருகே பெண் வியாபாரியிடம் கள்ளநோட்டை மாற்ற முயன்றவரை போலீசார் கைது செய்தனர். அவரிடம் இருந்து 85 நோட்டுகளை போலீசார் பறிமுதல் செய்தனர்.
5. ஐ.பி.எல். சூதாட்டம்; 7 பேர் கைது
ஐ.பி.எல். சூதாட்டம் தொடர்பாக 7 பேர் கைது செய்யப்பட்டனர்.