மாவட்ட செய்திகள்

‘என்னிடம் பொறுப்பை கொடுத்தால் பெட்ரோல் விலையை குறைப்பேன்’ டி.ஆர்.பாலு சவால் + "||" + Give me the responsibility i will Reduce petrol prices TR Baalu Challenge

‘என்னிடம் பொறுப்பை கொடுத்தால் பெட்ரோல் விலையை குறைப்பேன்’ டி.ஆர்.பாலு சவால்

‘என்னிடம் பொறுப்பை கொடுத்தால் பெட்ரோல் விலையை குறைப்பேன்’ டி.ஆர்.பாலு சவால்
‘என்னிடம் இன்றைக்கு பொறுப்பை கொடுத்தால், மறுநாளே பெட்ரோல் விலையை குறைத்து காட்டுவேன்’ என டி.ஆர்.பாலு சவால் விடுத்தார்.

தாம்பரம்,

ஸ்ரீபெரும்புதூர் நாடாளுமன்ற தொகுதியில் தி.மு.க. வேட்பாளராக டி.ஆர்.பாலு அறிவிக்கப்பட்டு உள்ளார். இதையடுத்து வேட்பாளர் அறிமுக கூட்டம் மற்றும் செயல் வீரர்கள் கூட்டம், சென்னையை அடுத்த குரோம்பேட்டையில் நடைபெற்றது.

கூட்டத்துக்கு காஞ்சீபுரம் வடக்கு மாவட்ட செயலாளர் தா.மோ.அன்பரசன் தலைமை தாங்கினார். எம்.எல்.ஏ.க்கள் எஸ்.ஆர்.ராஜா, இ.கருணாநிதி ஆகியோர் வரவேற்றனர்.

இதில் ஸ்ரீபெரும்புதூர் நாடாளுமன்ற தொகுதி வேட்பாளரும், தி.மு.க. முதன்மை செயலாளருமான டி.ஆர்.பாலு, தி.மு.க. அமைப்பு செயலாளர் ஆர்.எஸ்.பாரதி மற்றும் காங்கிரஸ், விடுதலை சிறுத்தைகள், ம.தி.மு.க., மனிதநேய மக்கள் கட்சி, முஸ்லிம் லீக், திராவிடர் கழகம் உள்பட கூட்டணி கட்சி நிர்வாகிகள் கலந்து கொண்டனர்.

கூட்டத்தில் டி.ஆர்.பாலு பேசியதாவது:–

1 லிட்டர் பெட்ரோல் ரூ.74.75–க்கு விற்கப்படுகிறது. இது நியாயமான விலை கிடையாது என்று நான் சொல்கிறேன். காரணம் நான், 1996–ல் பெட்ரோலிய துறை மந்திரியாக இருந்தேன்.

இன்றைக்கு என்னிடம் அந்த பொறுப்பை கொடுங்கள். நான் நாளை காலைக்குள் 40 ரூபாயாக பெட்ரோல் விலையை குறைத்து காட்டுவேன். மோடி எங்கெங்கோ சென்று சவால் விடுகிறார்.

நான் சவால் விடுகிறேன். 40 ரூபாய்க்கு நான் பெட்ரோலை கொடுக்கிறேன். அப்படி செய்தால் பா.ஜனதாவினர் யாரும் தேர்தலில் நிற்கக்கூடாது. பா.ஜனதாவினரால் அது முடியுமா?.

இவ்வாறு அவர் பேசினார்.


தொடர்புடைய செய்திகள்

1. பெட்ரோல் விலை லிட்டருக்கு 5 காசுகள் உயர்வு, டீசல் விலையும் உயர்ந்தது
பெட்ரோல் விலை லிட்டருக்கு 5 காசுகள் உயர்ந்து ஒரு லிட்டர் பெட்ரோல், ரூ.73.87 ஆக விற்பனையாகிறது.
2. பெட்ரோல் விலை லிட்டருக்கு 10 காசுகள் உயர்வு, டீசல் விலையும் உயர்ந்தது
பெட்ரோல் விலை லிட்டருக்கு 10 காசுகளும், டீசல் விலை லிட்டருக்கு 16 காசுகளும் உயர்ந்துள்ளன.
3. தொடர்ந்து 6-வது நாளாக பெட்ரோல், டீசல் விலை குறைவு
பெட்ரோல் விலை லிட்டருக்கு 26 காசுகள் குறைந்து ஒரு லிட்டர் ரூ.73.88 ஆக விற்பனையாகிறது.
4. பெட்ரோல் விலை லிட்டருக்கு 23 காசுகள் குறைவு, டீசல் விலையும் குறைந்தது
பெட்ரோல் விலை லிட்டருக்கு 23 காசுகள் குறைந்து, ஒரு லிட்டர் ரூ.75.40 ஆக விற்பனையாகிறது.
5. பெட்ரோல், டீசல் விலையில் இன்று எந்த மாற்றமும் இல்லை
பெட்ரோல், டீசல் விலையில் எந்த மாற்றமும் இன்றி நேற்றைய விலையிலேயே விற்பனையாகிறது.