மாவட்ட செய்திகள்

ராணுவத்தில் வேலை வாங்கி தருவதாக ரூ.11¼ லட்சம் மோசடி ராணுவவீரர் உள்பட 3 பேர் மீது புகார் + "||" + Rs 11 lakhs fraud was paid by the army Complain with 3 people including the military

ராணுவத்தில் வேலை வாங்கி தருவதாக ரூ.11¼ லட்சம் மோசடி ராணுவவீரர் உள்பட 3 பேர் மீது புகார்

ராணுவத்தில் வேலை வாங்கி தருவதாக ரூ.11¼ லட்சம் மோசடி ராணுவவீரர் உள்பட 3 பேர் மீது புகார்
ராணுவத்தில் வேலை வாங்கி தருவதாக ரூ.11¼ லட்சம் மோசடி ராணுவவீரர் உள்பட 3 பேர் மீது புகார் மனு அளிக்கப்பட்டது.

வேலூர், 

காட்பாடி தாலுகா தேன்பள்ளி கிராமத்தை சேர்ந்த மணி, வாசுதேவன் உள்பட 6 பேர் நேற்று போலீஸ் சூப்பிரண்டு அலுவலகத்திற்கு வந்தனர். இங்கு அவர்கள் புகார் மனு ஒன்றை அளித்தனர். அதில் அவர்கள் கூறியிருப்பதாவது:–

எங்களது மகன்கள் கடந்த 2016–ம் ஆண்டு ராணுவத்தில் சேருவதற்கான முயற்சியில் ஈடுபட்டிருந்தனர். அப்போது திருவலம் அருகேயுள்ள ஸ்ரீபாதநல்லூர் கிராமத்தை சேர்ந்த முன்னாள் ராணுவ வீரர்களான அண்ணன், தம்பி எங்களிடம் ராணுவத்தில் (ஆபிசர் கோட்டாவில்) வேலை வாங்கி தருவதாகவும், தங்கள் குடும்பத்தை சேர்ந்த ஒருவர் ராணுவத்தில் பணிபுரிந்து வருகிறார். அவரின் மூலம் எளிதில் அங்கு வேலை கிடைத்து விடும். அதற்கு ஒருவருக்கு ரூ.2½ லட்சம் செலவாகும் என்றனர்.

அதனை உண்மை என நம்பிய நாங்கள் பல்வேறு தவணைகளில் ரூ.11 லட்சத்து 30 ஆயிரம் கொடுத்தோம். ஆனால் பல மாதங்கள் ஆகியும் வேலை வாங்கி தரவில்லை. இதுகுறித்து கேட்டபோது, சில மாதங்களில் வேலை வாங்கி தருவதாக ராணுவத்தில் பணிபுரிந்து வருபவர் கூறினார். 3 ஆண்டுகள் கடந்தும் இதுவரை வேலை வாங்கி தராமல், நாங்கள் கொடுத்த பணத்தை திருப்பி தராமல் 3 பேரும் சேர்ந்து மோசடி செய்து வருகின்றனர். அவர்கள் மீது நடவடிக்கை எடுக்க வேண்டும். இவ்வாறு அவர்கள் கூறியிருந்தனர். மனுவை பெற்றுக்கொண்ட போலீசார் இதுதொடர்பாக விசாரித்து உரிய நடவடிக்கை எடுப்பதாக போலீசார் கூறினர்.


தொடர்புடைய செய்திகள்

1. நிதி நிறுவனம் நடத்தி ரூ.700 கோடி மோசடி : பணத்தை திரும்ப பெற 2 ஆயிரம் பேர் திரண்டனர் - கோவை கோர்ட்டில் பரபரப்பு
ரூ.700 கோடி மோசடி செய்த நிதி நிறுவனத்திடம் இருந்து பணத்தை திரும்ப பெற கோவை கோர்ட்டில் 2 ஆயிரம் பேர் திரண்டதால் பரபரப்பு ஏற்பட்டது.
2. திருச்சி வங்கியில் கவரிங் நகைகளை அடகு வைத்து ரூ.21¼ லட்சம் மோசடி
திருச்சி சாலை ரோட்டில் உள்ள பரோடா வங்கியில் கவரிங் நகைகளை அடகு வைத்து ரூ.21¼ லட்சம் மோசடியில் ஈடுபட்டதாக வங்கி நகை மதிப்பீட்டாளர் உள்பட 7 பேர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.
3. வங்கியில் கடன் வாங்கி தருவதாக நூதன முறையில் ரூ.8 லட்சம் மோசடி - பெண் கைது
வங்கியில் கடன் வாங்கி தருவதாக ஆவணங்களை பெற்று அதன் மூலம் வீட்டு உபயோக பொருட்களை வாங்கி நூதன முறையில் ரூ.8 லட்சம் வரை மோசடி செய்த பெண் உள்பட 2 பேரை போலீசார் கைது செய்தனர்.
4. பரிசு விழுந்ததாக கூறி துணிகரம் செல்போனி்ல் குறுஞ்செய்தி அனுப்பி எலக்ட்ரீசியனிடம் ரூ.8 லட்சம் மோசடி
பரிசு விழுந்ததாக கூறி செல்போனில் குறுஞ்செய்தி அனுப்பி எலக்ட்ரீசியனிடம் ரூ.8 லட்சம் மோசடி செய்த 2 பேர் மீது போலீசார் வழக்கு பதிவு செய்து விசாரணை நடத்தி வருகிறார்கள்.
5. ரூ.2 ஆயிரம் நோட்டு செல்லாது என மதுரையை சேர்ந்தவர்களிடம் ரூ.79 லட்சம் மோசடி
ரூ.2 ஆயிரம் நோட்டு செல்லாது என்று கூறி மதுரையை சேர்ந்தவர்களிடம் ரூ.79 லட்சத்தை மோசடி செய்து காரில் தப்பி சென்றவர்களை போலீசார் வலைவீசி வருகின்றனர்.