மாவட்ட செய்திகள்

நகராட்சி சார்பில் வினியோகம் செய்யப்படும் தண்ணீர் தரம் குறைவு என புகார்: அம்மா உணவகத்துக்கு கொண்டு சென்ற 48 குடிநீர் கேன்கள் பறிமுதல் + "||" + Complaint of municipal water supplied water quality: Drinking water cannons taken to the amma restaurant

நகராட்சி சார்பில் வினியோகம் செய்யப்படும் தண்ணீர் தரம் குறைவு என புகார்: அம்மா உணவகத்துக்கு கொண்டு சென்ற 48 குடிநீர் கேன்கள் பறிமுதல்

நகராட்சி சார்பில் வினியோகம் செய்யப்படும் தண்ணீர் தரம் குறைவு என புகார்: அம்மா உணவகத்துக்கு கொண்டு சென்ற 48 குடிநீர் கேன்கள் பறிமுதல்
பவானி நகராட்சி சார்பில் வினியோகம் செய்யப்படும் தண்ணீரின் தரம் குறைவாக உள்ளதாக புகார் கொடுத்ததன் எதிரொலியால் அம்மா உணவகத்துக்கு கொண்டு செல்லப்பட்ட 48 குடிநீர் கேன்களை போலீசார் அதிரடியாக பறிமுதல் செய்தனர்.
பவானி,

ஈரோடு மாவட்டம் பவானி நகராட்சியில் மொத்தம் 27 வார்டுகள் உள்ளன. இங்குள்ள பொதுமக்களுக்கு சுத்திகரிக்கப்பட்ட குடிநீர் (ஆர்.ஓ. குடிநீர்) வழங்க அரசு திட்டம் தீட்டியது. இதற்காக அரசின் சார்பில் நிதி ஒதுக்கப்பட்டு பவானி நகராட்சிக்கு உள்பட்ட 27 வார்டுகளிலும் குடிநீர் சுத்திகரிப்பு நிலையம் அமைக்கப்பட்டு அதற்கான பணிகள் கடந்த சில மாதங்களாகவே நடந்து வருகிறது.

இதில் முதல் கட்டமாக 5 இடங்களில் தண்ணீர் சுத்திகரிப்பு நிலையம் அமைக்கப்பட்டு குடிநீர் வினியோகம் செய்யப்படுகிறது. இந்த பணியை நகராட்சி நிர்வாகம் மேற்கொண்டு வருகிறது.

இந்த சுத்திகரிப்பு நிலையங்களில் குடிநீர் கேன் (20 லிட்டர் கொண்டது) ரூ.7-க்கு விற்பனை செய்யப்படுகிறது. பொதுமக்கள் அந்தந்த பகுதியில் உள்ள சுத்திகரிப்பு நிலையங்களுக்கு சென்று குடிநீர் கேன்களில் தண்ணீர் பிடித்து செல்கின்றனர்.

இந்த நிலையில் பவானி பகுதியை சேர்ந்த சில தனியார் குடிநீர் கேன்கள் விற்பனை செய்பவர்கள் பவானி போலீசில் புகார் அளித்தனர். அந்த புகாரில், ‘நாங்கள் வினியோகம் செய்யும் குடிநீர் அரசின் தரச்சான்றிதழ் பெற்று விற்பனை செய்யப்படுகிறது. ஆனால் நகராட்சி சார்பில் வினியோகம் செய்யப்படும் குடிநீர் அரசின் தரச்சான்றிதழ் பெற்று விற்பனை செய்யப்படவில்லை. மேலும் நகராட்சி நிர்வாகம் சார்பில் வினியோகம் செய்யப்படும் குடிநீர் தரம் குறைவாக உள்ளது,’ என குறிப்பிட்டிருந்தனர்.

இந்த நிலையில் காமராஜர் நகர் பகுதியில் உள்ள குடிநீர் சுத்திகரிப்பு நிலையத்தில் இருந்து பவானி பஸ் நிலையத்தின் அருகே உள்ள அம்மா உணவகத்துக்கு 48 குடிநீர் கேன்களுடன் சரக்கு ஆட்டோ ஒன்று புறப்பட்டது. இந்த சரக்கு ஆட்டோவை தடுத்து நிறுத்திய பவானி போலீசார் அதில் இருந்த 48 குடிநீர் கேன்களையும் பறிமுதல் செய்தனர். பின்னர் அந்த குடிநீர் கேன்களை பரிசோதனை செய்ய பவானியில் உள்ள உணவு பாதுகாப்பு துறை அதிகாரிகளுக்கு அனுப்பி வைத்தனர்.

நகராட்சி நிர்வாகம் சார்பில் வினியோகம் செய்யப்படும் குடிநீர் தரம் குறைவாக உள்ளதாக வந்த புகாரை தொடர்ந்து 48 குடிநீர் கேன்களை போலீசார் பறிமுதல் செய்த சம்பவத்தால் பவானி பகுதியில் பெரும் பரபரப்பு ஏற்பட்டது.

தொடர்புடைய செய்திகள்

1. பிடிபட்ட கொள்ளையன் முருகனிடமிருந்து நகைக்கடையில் கொள்ளையடிக்கப்பட்ட 12 கிலோ தங்கம்- வைர நகைகள் பறிமுதல்
பிடிபட்ட கொள்ளையன் முருகனிடமிருந்து திருச்சி நகைக்கடையில் கொள்ளையடிக்கப்பட்ட 12 கிலோ தங்க- வைர நகைகள் பறிமுதல் செய்யப்பட்டது.
2. உரிய ஆவணங்கள் இன்றி எடுத்து வரப்பட்ட ரூ.2 லட்சம் வெள்ளி கொலுசுகள், மெட்டிகள் பறிமுதல்
விக்கிரவாண்டி சட்டமன்ற தொகுதிக்குட்பட்ட பகுதியில் உரிய ஆவணங்கள் இன்றி எடுத்து வரப்பட்ட ரூ.2 லட்சம் மதிப்பிலான கொலுசுகள், மெட்டிகளை தேர்தல் பறக்கும் படை அதிகாரிகள் பறிமுதல் செய்தனர்.
3. வீட்டில் பதுக்கி வைத்திருந்த 2,400 கிலோ ரே‌‌ஷன் அரிசி பறிமுதல்; 2 பேர் கைது
வீட்டில் பதுக்கி வைத்திருந்த 2,400 கிலோ ரே‌‌ஷன் அரிசியை பறிமுதல் செய்து 2 பேரை போலீசார் கைது செய்தனர்.
4. மார்த்தாண்டம் கடைகளில் 20 கிலோ பிளாஸ்டிக் பொருட்கள் பறிமுதல்
மார்த்தாண்டம் கடைகளில் இருந்து 20 கிலோ பிளாஸ்டிக் பொருட்களை அதிகாரிகள் பறிமுதல் செய்து அவற்றை பாதுகாப்பான முறையில் அழித்தனர்.
5. திருச்சி விமான நிலையத்தில் ரூ.17¼ லட்சம் கடத்தல் தங்கம்-வெளிநாட்டு பணம் பறிமுதல்
திருச்சி விமான நிலையத்தில் ரூ.17¼ லட்சம் கடத்தல் தங்கம் மற்றும் வெளிநாட்டு பணம் பறிமுதல் செய்யப்பட்டது. இதுதொடர்பாக தஞ்சையை சேர்ந்தவர் உள்பட 8 பேரிடம் விமான நிலைய அதிகாரிகள் விசாரணை நடத்தி வருகின்றனர்.

ஆசிரியரின் தேர்வுகள்...