மாவட்ட செய்திகள்

வளசரவாக்கத்தில் வீட்டில் போதை பொருள் பதுக்கிய 5 பேர் கைது + "||" + The home is stuffed with narcotics 5 people arrested

வளசரவாக்கத்தில் வீட்டில் போதை பொருள் பதுக்கிய 5 பேர் கைது

வளசரவாக்கத்தில் வீட்டில் போதை பொருள் பதுக்கிய 5 பேர் கைது
வளசரவாக்கத்தில் வீட்டில் போதை பொருள் பதுக்கி வைத்து இருந்த 5 பேரை போலீசார் கைது செய்தனர்.

பூந்தமல்லி,

சென்னை வளசரவாக்கம் போலீஸ் இன்ஸ்பெக்டர் சுப்பிரமணி, சப்–இன்ஸ்பெக்டர்கள் தீர்த்தகிரி, ஜெயராமன் ஆகியோர் தலைமையிலான தனிப்படை போலீசார் வளசரவாக்கம் ஆற்காடு சாலையில் மாந்தோப்பு பகுதியில் சந்தேகப்படும்படியாக மோட்டார் சைக்கிளில் நின்ற 2 பேரை பிடித்து விசாரித்தனர்.

அதில் அவர்கள், குன்றத்தூர் நந்தம்பாக்கத்தை சேர்ந்த அமர்நாத் (வயது 25), சரவணன் (26) என்பது தெரிந்தது. போலீசாரிடம் இருவரும் முன்னுக்குப்பின் முரணாக பேசியதால் அவர்களிடம் சோதனை செய்தனர்.

அதில் அவர்களிடம் போதை பொருள் இருப்பது கண்டுபிடிக்கப்பட்டது. வளசரவாக்கத்தில் உள்ள ஒரு வீட்டில் மேலும் போதை பொருட்கள் பதுக்கி வைத்து இருப்பதும் தெரிந்தது.

இதையடுத்து 2 பேரையும் கைது செய்த போலீசார், இவர்கள் கொடுத்த தகவலின் பேரில் வில்லிவாக்கத்தை சேர்ந்த முருகேசன் என்ற குமார் (33), தமிழ்வாணன் (47), சசிதரன் (29) ஆகிய மேலும் 3 பேரை கைது செய்தனர்.

விசாரணையில், ராமநாதபுரத்தில் இருந்து நண்பர்கள் மூலமாக அந்த போதைபொருட்கள் இவர்களுக்கு வந்ததாகவும், அதை இந்த வீட்டில் பதுக்கி வைத்து, இங்குள்ள நண்பர்களிடம் கொடுத்துவிட்டு பணம் வாங்க முயற்சி செய்ததும் தெரிந்தது. இவர்களிடம் இருந்து 10 கிலோ போதை பொருட்கள், ஒரு மோட்டார் சைக்கிள் பறிமுதல் செய்யப்பட்டது.

கைதான 5 பேரிடம் இருந்தும் பறிமுதல் செய்யப்பட்டது எந்த வகையான போதை பொருள்? என்பதை கண்டறிய ஆய்வு கூடத்துக்கு அனுப்பி வைக்கப்பட்டு உள்ளது.

மேலும் இவர்கள் இதற்கு முன்பு இதுபோல் போதை பொருள் கடத்தல் வழக்கில் சம்பந்தப்பட்டு உள்ளனரா?. இவர்களுக்கு இந்த போதை பொருளை வினியோகம் செய்தது யார்? என்பது குறித்தும் போலீசார் விசாரித்து வருகின்றனர்.


தொடர்புடைய செய்திகள்

1. அரசு வேலை வாங்கி தருவதாக ரூ.45 லட்சம் மோசடி செய்த வாலிபர் கடத்தல்; 2 பேர் கைது
அரசு வேலை வாங்கி தருவதாக ரூ.45 லட்சம் மோசடி செய்த வாலிபரை கடத்திய 2 பேரை போலீசார் கைது செய்தனர்.
2. 5 பேரை தேசிய புலனாய்வு முகமை கைது செய்ததன் எதிரொலி: ராமநாதபுரம் மாவட்டத்தில் தீவிர கண்காணிப்பு
ராமநாதபுரம் மாவட்டத்தை சேர்ந்த 5 பேரை தேசிய புலனாய்வு முகமை அதிகாரிகள் கைது செய்ததன் எதிரொலியாக மாவட்டம் முழுவதும் கண்காணிப்பு தீவிரப்படுத்தப்பட்டு உள்ளது என்று போலீஸ் சூப்பிரண்டு ஓம்பிரகாஷ் மீனா தெரிவித்துள்ளார்.
3. ஈரோட்டில் கடத்தப்பட்ட சிறுமி 7 மாதங்களுக்கு பிறகு மீட்பு; போக்சோ சட்டத்தில் வாலிபர் கைது
ஈரோட்டில் கடத்தப்பட்ட சிறுமி 7 மாதங்களுக்கு பிறகு மீட்கப்பட்டார். அவரை கடத்திய வாலிபரை போக்சோ சட்டத்தின் கீழ் போலீசார் கைது செய்தனர்.
4. ஆந்திராவில் இருந்து கோவைக்கு அரசு பஸ்சில் கடத்தப்பட்ட 43 கிலோ கஞ்சா பறிமுதல்; ஒடிசா மாநிலத்தை சேர்ந்த 5 பேர் கைது
ஆந்திராவில் இருந்து கோவைக்கு அரசு பஸ்சில் 43 கிலோ கஞ்சாவை கடத்தி சென்ற ஒடிசா மாநிலத்தை சேர்ந்த 5 பேரை போலீசார் கைது செய்தனர்.
5. கத்தியை காட்டி மிரட்டி ஓட்டல் காசாளரிடம் பணம் பறித்த 6 பேர் கைது; கார் பறிமுதல்
பல்லடத்தில் ஓட்டல் காசாளரை கத்தியை காட்டி மிரட்டி பணம் பறித்த 6 பேரை போலீசார் கைது செய்தனர். கார் பறிமுதல் செய்யப்பட்டது.